1 «Naama vaiti poluma,

nà nà-Zɛnvui yeizu nuɓusɛi pɛ ma.

Wo-loun zunuiti ta wo-loun anzanuiti ta GALA gooiti bo,

wa-ɠɛwola wɔlɔiti ta segiti bo,

wa-wuzeɠe niinɛgiti ta kulakɛlɛmaiti ka.

2 Naama voloiti su, nà nà-zɛnvui yei ɓalaa

botiɠɛ zunuiti ta botiɠɛ anzanuiti ma.

3 Nà maaɓɛlɛ vaiti kɛ geeɠɔlɔgi zu ta zooi ma,

ɲamai ta abui ɠa ɠɛ ná, naa ʋɛɛ abu luului ma lonaɓiingi ʋa.

4 Foloi ɠa ʋote ga kpidii,

alugi ɓɔi eɠɛ ɲamai,

aisa Ɠɔoɠɔ GALAGI ná-foloi ʋa zeeli,

folo wolai nii maayikiai.

5 Naazu zɔi nɔpɛ a wooɠula Maliɠii ma, toɠa ɠizo.

Mazɔlɔɔ ʋelei Ɠɔoɠɔ GALAGI bogai la,

kɔɔ ʋoolabaiti ta ɠɛ Siyɔn gizei ma, ta Zeluzalɛme,

niiti Ɠɔoɠɔ GALAGI ɠa ti loli,

ta ɠɛ nui mɔtaiti saama, ta yɛ vulua.»

<- Zowɛle 2Zowɛle 4 ->