1 Wɛlɛ Davide ná-doun zunuiti daaseigiti ba, niiti é ti zɔlɔɔni Eɓelɔn: Ma mɔungi laa ɠɛni ga Amenɔn, Zizeleyɛle nui Ayinoame ná-doun zunui. Felesiɛi laa ɠɛni ga Daniyɛle, Kaalamɛle nui Aɓigayile ná-doun zunui. 2 Saʋasiɛi laa ɠɛni ga Aɓasalɔme, Maaka ná-doun zunui, Gesuul masagi Talamayi ná-doun anzanui. Naanisiɛi laa ɠɛni ga Adoniya, Ɠagite ná-doun zunui. 3 Dɔɔlusiɛi laa ɠɛni ga Sefatia, Aɓitale ná-doun zunui, ta dɔzitasiɛi laa ɠɛ ga Yitileyame, Egela ná-doun zunui, Egela naa ɓalaa ɠɛni ga Davide anzai ta. 4 Doun zunu lɔzitai naati ti zɔlɔɔni bɛ Eɓelɔn, ʋɛ é kona dɔfela ta alu dɔzita ɠɛni ná masadai zu. É kɛ ga kona ʋuusaʋa maazu saʋa (33) masadai zu Zeluzalɛme.

5 Niiti é ti zɔlɔɔni Zeluzalɛme, naati kaa: Simeya, Soɓaɓe, Natan, Salomɔn, naati naanigɔ pɛ ti ɠɛni ga Ɓate-Seɓa ná-dointi, Amiyɛle ná-doun anzanui. 6 Naa ʋoluma doun zunu taaʋuugɔ ɠiligaa ti zɔlɔɔni Davide ʋɛ ʋolu: Yiɓaal, Elisama, Elifelɛte, 7 Nɔga, Nefɛge, Yafia, 8 Elisama, Eliada, ta Elifelɛte. Doun zunu taaʋuugɔ ɠiligaa ɠana ti zɔlɔɔni Davide ʋɛ ʋolu. 9 Davide ná-doun zunuiti pɛ kana, naa pɛ poluma, anzai niiti é la ɠɛni ti vuluni ga zɔiti kɛʋele, naati ɓalaa ti zunu lointi sɔlɔɔni bɛ. Ti pɛ ti-ʋaazeelai ɠɛni ga Tamaal.

10 Salomɔn mavofodaiti kaa, é zo ɠɛɛɠɛiti ma, é li lointi pɔ: Loɓoame, Aɓiya, Aza, Zozafate, 11 Yolame, Aɠazia, Zoase, 12 Amasia, Azalia, Yotame, 13 Aɠaze, Ezekiase, Manasé, 14 Amon, ta Zoziase. 15 Zoziase ná-doun zunuiti kaa: Ma mɔungi ɠɛni ga Yoɠanan, felesiɛi Yeɠoyakime, saʋasiɛi Sedesiyase, ta naanisiɛi Salume. 16 Yeɠoyakime ná-doun zunuiti ti ɠɛni ga: Yekonia ta Sedesiyase. 17 Yekonia nii ti liini la duɔlai zu, fofodaiti ti ɠɛni ga: Seyalitiyɛle, 18 naa ʋoluma, Malikilame, Pedaya, Sɛnasaal, Yekamia, Wosama, ta Nedaɓia. 19 Pedaya ná-doun zunuiti ti ɠɛni ga: Zoloɓaɓɛle ta Simeyi. Zoloɓaɓɛle zunu loun felegɔ zɔlɔɔni: Mesulame ta Ɠanania, Selomite ɠa é ɠɛni ga ta-zeelai, 20 naa ʋoluma, zunu loun lɔɔlugɔ ɠiligaa ti zɔlɔɔni bɛ: Asuɓa, Woɠɛle, Ɓelekia, Ɠasadia, ta Yusaɓe-Ɠesɛde. 21 Ɠanania ná-doun zunuiti ti ɠɛni ga: Pelatiya ta Yesaya. Lefaya ná-doun zunuiti ta Aalanane nɔnɔiti, naa ʋɛɛ Aɓediyase nɔnɔiti ba ta Sekania nɔnɔiti ti ɠɛni ga niiti: 22 Doun zunu lɔzita ɠa Sekania sɔlɔɔni: Semaya, Ɠatuse, Yigeyale, Ɓalia, Nɛyalia, ta Safate. 23 Doun zunu saʋagɔ ɠa Nɛyalia sɔlɔɔni: Eliyɔyenayi, Ezekiase, ta Azilikame. 24 Doun zunu lɔfela ɠa Eliyɔyenayi sɔlɔɔni: Wodavia, Eliasiɓe, Pelaya, Akuɓe, Yoɠanan, Delaya, ta Anani.

<- 1 Dɔlɔ Sɛʋɛi 21 Dɔlɔ Sɛʋɛi 4 ->