o nuvəniən e naiəh
10 Uhgɨn təmol natimnati mɨn rəfin mətəu-inu in təmolkeikei lanəha, kəni natimnati rəfin kəutatɨg=pən e nəhlmɨn.[k] Tol lanəha, in təuvɨr agɨn mɨne məhruahru məmə Uhgɨn təmol məmə Iesu otuva suaru o nosmiəgəhiən nɨmənin nətəmimi tepət kəhuva nenətɨ Uhgɨn məhuva motatɨg e nəhagəhagiən rəha nəuvɨriən mɨne nəsanəniən rəhan. Kəni təuvɨr məhruahru məmə e nətəlɨgiən rəha Uhgɨn, Iesu təkeikei mətəu nahməiən e nɨmɨsiən məmə in otuva iətəmi təhmen agɨn məmə otosmiəgəh ilah.[l][m]
11 Iesu in tatol rəhan nətəmimi kotasim, məmə rəha Uhgɨn əmə, kəni mətafəl rəhalah noliən tərah mɨn.[n] Kəni Iesu mɨne rəhan mɨn nətəmimi, rəhalah tatə kətiəh əmə. Tol lanəha, kəni Iesu in təsaulɨsiən məmə otauɨn e lah u məmə pian mɨn mɨne nəuvɨnɨn mɨn.[o] 12 In təməni=pən kəm Uhgɨn məmə,
14 Kəlkələh mɨn əha, Iesu tətəghati e lah, ilah nɨpətɨlah mɨne nɨralah əha ikɨn. Ilah u nətəmimi agɨn mɨn. O nati u, Iesu təməkeikei muva e nəhue nɨftəni mos nɨpətɨn mɨne nɨran təhmen əmə e lah, məmə in otuva pialah pəhriən.[s] Təmol lanəha məmə in otɨmɨs, kəni nɨmɨsiən rəhan, in otoharɨs oharɨs nəsanəniən rəha Iərmɨs u Setən, iətəm tətaskəlɨm nəsanəniən rəha nɨmɨsiən.[t] 15 Nətəmimi kəutəgɨn e nɨmɨsiən,[u] nəgɨniən rəhalah tətaskəlɨm-ərain ilah nian rəfin, təhmen əmə məmə ilah slef mɨn. Mətəu Iesu in təmɨmɨs məmə otiuvi rəkɨs nətəmi mɨn u, məmə səniəmə ilah slef mɨn. In təmɨtɨs ilah. 16 Kotəhrun əsas məmə səniəmə in təmasiru e nagelo mɨn, mətəu in təmasiru e nəuanɨləuɨs mɨn rəha Epraham.[v]
17 Iesu təkeikei mos nɨpətɨn mɨne nɨran lanəha, məmə in otuva mol təhmen e pian mɨn e noliən mɨn rəfin,[w] məmə in təhrun nasəkəhruiniən[x] itah, kəni kəutarəriə lan. In otəkeikei muva mol lanəha, təgətun məmə in pris asoli agɨn pəhriən, tatol uək rəha Uhgɨn, kəni məmə in otɨlpɨn niəməha rəha Uhgɨn. 18 Kəni rəueiu əha, nian Setən təfən-əfən kəm lah, kəni Iesu təhrun nasiruiən e lah, mətəu-inu in mɨn, in tɨnətəu rəkɨs nahməiən nian Setən təməfən-əfən=pən kəm in.[y]
<- HIPRUS 1HIPRUS 3 ->- a Rom 11:22
- b Nəghatiən u tətəghati lan, in Lou rəha Mosɨs.
- c Nətəm Isrel, ilah kəutəni məmə nagelo mɨn ilah suaru Uhgɨn təmaiu lan kəni məfən Lou kəm Mosɨs, kəni məutəni məmə ilah nagelo mɨn ilɨs pɨk pəhriən. Tol lanu, kitah koteruh nəghatiən asoli tətəgətun məmə Iesu in ilɨs pɨk agɨn tapirəkɨs nagelo mɨn. Uək 7:53.
- d Hip 10:28-29; 12:25
- e Mak 16:20
- f Nətəm Isrel ilah kəutəni məmə nɨpəhriəniən məmə nagelo mɨn ilah kəutarmənɨg rəueiu ikɨn mɨn rəfin e nəhue nɨftəni.
- g “nətɨ iətəmimi” — nɨpətɨn keiu: 1. iətəmimi 2. Iesu.
- h Sam 8:4-6
- i Jen 1:26; Nəh 20:4,6; 22:5
- j Fɨl 2:8-9
- k Rom 11:36
- l Iesu Krɨsto in otəkeikei mos nahməiən məmə otəgətun məmə in tatuərisɨg e Uhgɨn nian rəfin. (Hip 5:8-9) In təmos nahməiən kəni mɨne nian iəkɨs, kəni in mɨmɨs. Mətəu nian rəfin, in tətəhatətə e Uhgɨn, kəni matol nəuian, kəni təməni-vivi Uhgɨn. In təməsəhti agɨniən nəuia Uhgɨn nian kəti mɨne, nian rəfin in tətɨtəu=pən əmə nəuia Uhgɨn nati əpnapɨn in tətatɨg e nərahiən. In təmuvən e nərahiən asoli tepət, mətəu in təmatol noliən təuvɨr mɨn əmə, konu in təhmen məmə otuva Iosmiəgəh rəhatah, mɨne in təhmen o nitiən itah məmə kəhuva nenətɨ Uhgɨn əhruahru mɨn, məmə kəhuva motol məmə in mɨne. (Hip 8:1-2; 12:2-3)
- m Hip 5:8-9; Luk 24:26; Rom 8:17; 2Təs 2:14; 1Pitə 5:1; Hip 2:7; 4:15
- n Hip 13:12; Efəs 5:26
- o Mat 28:10
- p Sam 22:22
- q Aes 8:17
- r Aes 8:18; Jon 10:29
- s Jon 1:14
- t Jen 3:15; 1Kor 15:54-57; 2Tim 1:10; 1Jon 3:8
- u 2Tim 1:7
- v Aes 41:8-9; Luk 3:8
- w Fɨl 2:7; Hip 2:10; 4:15; 5:1,8-9
- x Hip 5:2
- y Hip 4:15