4 Etəmim itəm tatol nolən rat, in tatətgəhl mɨn lou rəha Uhgɨn, məto-inu nəghatən u nolən rat, nɨpətɨn u, nətgəhlən lou rəha Uhgɨn. 5 Kən itəmat nəkotɨtun məmə Kristo təmuwa məmə otos-irəkɨs rəhatat nolən rat mɨn,[i] məto-inu nolən rat tɨkə lan.[j] 6 Tol nəhlan, okəmə kitat koatəper-ipən lan, tol-pən okol kəsotəkəikeən e nolən rat mɨn. Məto netəm mɨn un itəm koatəkəike əh e nolən rat mɨn, tol-pən kotəruru agɨn-əh in, məsotəplanən in.[k]
7 Nɨsualkələh, sotətəlɨg-inən suah kit teiuə-in itəmat o nat u. Etəm tatol nat ətuatɨp, nɨpətɨn u məmə in etəm ətuatɨp, tahmen əm e Kristo in etəm ətuatɨp. 8 Məto etəmim itəm tatəkəike əh e nolən rat mɨn, tatəgətun məmə in rəha Setan u, etəm təmatol nolən rat e nətuounən.[l] Məto Nətɨ Uhgɨn təmuwa o nərəkɨnən wək mɨn əh rəha Setan.[m] 9 Netəm mɨn u itəm kəmotaiir wi mɨn motuwa nenətɨ Uhgɨn mɨn,[n] ilat okol kəsotəkəikeən e nolən rat,[o] məto-inu ilat koatos niamɨtə rəha Uhgɨn. Kən o nat u, okol ilat kəsotəkəikeən e nolən rat, məto-inu ilat nenətɨ Uhgɨn mɨn.[p] 10 Tol mə, kotɨtun nənən məmə pah mɨn u nenətɨ Uhgɨn,[q] kənu pah mɨn u nenətɨ Setan.[r] Etəmim u itəm təsol ətuatɨpən, kən in məsolkeikeən pian kit,[s] in sənəmə nətɨ Uhgɨn kit.
16 O nat u kitat kotɨtun wɨr məmə nolkeikeən in tol nulan, məto-inun Iesu təmos-ipa rəhan nəmegəhən otat.[dd] Kən e nolən kitiəh əm, təwɨr mə kitat mɨn kotos-ipən nəmegəhən rəhatat o piatat mɨn.[ee] 17 ?Okəmə suah kit rəhan natɨmnat tepət kən pian kit rəhan nat kit tɨkə, məto in təsasəkitunən pian,[ff] məsolən nat agɨn lan, nolkeikeən rəha Uhgɨn otəhrol nulan matɨg e suah u?[gg] 18 Nenətɨk mɨn, pəs kitat kəsotənən nolkeikeən e nohlɨtat əm, məto okotol əp nolkeikeən pahrien e nolən mɨn rəhatat.[hh] 19-20 Okəmə kotol nəhlan, kən nat əpnapɨn okəmə kotəto-pən e nɨkitat məmə okotos nalpɨnən, məto kitat okotɨtun məmə kotatɨg e nɨpahrienən, kən mem məha-məha nɨkitat e nɨganəmtɨn. Məto-inu Uhgɨn in ilɨs maprəkɨs-in nɨkitat, kən in tɨtun natɨmnat rafin.
21 Piak mɨn, okəmə kotəto-pən e nɨkitat məmə okəsotosən nalpɨnən, kitat okəsotagɨnən e nɨganəmtɨ Uhgɨn,[ii] 22 kən motos natɨmnat rafin ron itəm koatətapəhin-pən,[jj] məto-inu kitat koatol nəwian[kk] kən moatol nolən itəm in tolkeike.[ll] 23 Kənu nəghatən u rəhan tatən məmə kotəkəike motahatətə e Nətɨn,[mm] Iesu Kristo,[nn] kən motolkeike kitat mɨn, tahmen məmə inu in təmən mihin kəm itat.[oo] 24 Netəm mɨn u itəm koatol nəwian,[pp] ilat koatəper-ipən lan,[qq] kən in tatəper-ipən elat. Kən kitat kotɨtun məmə in tətatɨg e nɨkitat, məto-inun Narmɨn Rəha Uhgɨn itəm in təmos-ipa, in tatəgətun kəm kitat.[rr]
<- 1 JON 21 JON 4 ->- a Jon 3:16
- b Jon 1:12
- c Jon 15:21; 16:2,3
- d Kol 3:4; 1 Jon 2:28
- e Rom 8:29; 2 Pita 1:4
- f Jon 17:24; 2 Kor 3:18
- g Tətaruətuəh, nɨpətɨn u, tɨtafəl rəkɨs.
- h 2 Kor 7:1; 1 Jon 1:7; 2 Pita 3:13,14
- i 1 Jon 3:8
- j 2 Kor 5:21
- k 1 Jon 3:9; 2:4; 5:18; 3 Jon 1:11
- l Jon 8:44
- m Hip 2:14
- n Jon 1:13
- o 1 Jon 5:18
- p Nɨkuti nat tatəwiə noe-in atɨpən noan. E suatɨp kitiəh əm, Uhgɨn tatələhəu-pən rəhan niamɨtə e suah kit, kən in tatəwiə tahmen e nɨkuti nat itəm kəməfe e nəmegəhən rəha etəmim un, kən matoe in noan e nolən mɨn rəha Uhgɨn. Tol nəhlan, netəmim mɨn u itəm kəmotaiir wi mɨn motuwa nenətɨ Uhgɨn mɨn, ilat kəsotəkəikeən e nolən rat.
- q 1 Jon 3:1,2; Jon 1:12
- r 1 Jon 3:8
- s 1 Jon 2:9; 4:8
- t 1 Jon 2:7
- u Jon 13:34-35; 15:12; 1 Jon 4:7,11,21; 2 Jon 1:5
- v Jen 4:8
- w Prov 29:10
- x Jon 15:18,19; 17:14
- y Jon 5:24
- z 1 Jon 2:9
- aa 1 Jon 2:9
- bb Mat 5:21,22; Jon 8:44
- cc Kal 5:20,21
- dd Jon 10:11
- ee Jon 15:13; 1 Tes 2:8
- ff Dut 15:7,8; Jem 2:15,16
- gg 1 Jon 4:20
- hh Esik 33:31; Rom 12:9
- ii Efes 3:12; 1 Jon 5:14
- jj Mat 7:7
- kk Jon 14:15
- ll Hip 13:21
- mm Jon 6:29
- nn Jon 1:12; 3:18; 20:31
- oo Jon 13:34
- pp 1 Jon 2:3
- qq 1 Jon 2:6; 4:15
- rr 1 Jon 4:13