7 Nɨkik keike mɨn, io esəteən nəghatən wi kit kəm itəmat məmə onəkotol, kən məto iatəte in oas[q] itəm nəmotos rəkɨs e nətuounən, nian nəmotəto namnusən təwɨr;[r] nəghatən oas u in nəghatən nɨnəmotɨtun. 8 Məto e nehmən kit mɨn, nəghatən u itəm iatəte tatɨmnə otəmat məmə onəkotol, in tatəuhlin məmə nəghatən wi,[s] məto-inu kɨnəplan e suatɨp wi kit e nəmegəhən rəha Iesu ne rəhatəmat. Məto-inu roiu, napinəpən tɨnatagɨm,[t] kənu nəhag-əhagən pahrien[u] tɨnatasiə rəkɨs.[v]

9 Kən etəm u tatən mə in tətatɨg e nəhag-əhagən məto tatetəhau pian,[w] in tətatɨg əh e napinəpən.[x] 10 Etəmim u itəm tolkeike pian, in tatətul e nəhag-əhagən,[y] kən nat kit tɨkə e nɨkin məmə otapitətəl lan, morin.[z] 11 Məto etəmim u itəm tetəhau pian, in tətatɨg e napinəpən,[aa] kən mətan e napinəpən, kən məruru ikɨn tatuwɨn-pən ikɨn, məto-inu napinəpən tatohamɨs nɨganəmtɨn.[bb]

15 Sotolkeikeən nətueintən[hh] o natɨmnat mɨn rəha nətueintən. Okəmə suah kit tatolkeike nətueintən, kən nolkeikeən rəha Tata Uhgɨn təsatɨgən e nɨkin.[ii] 16 Məto-inu natɨmnat rafin e nətueintən u, təsɨsɨ-pənən o Tata Uhgɨn, məto rəha nətueintən əm. Natɨmnat u rafin rəha nətueintən, ilat u, naumɨsən o natɨmnat rəha nɨpətɨtəm əm,[jj] kən naumɨsən o natɨmnat itəm tatiuw rəkɨs nɨganəmtɨtəm,[kk] ne nausitən o rəhan nautə mɨn ne nepətən. 17 Kən nətueintən u otəpanɨkə. Kən naumɨsən o nautə mɨn otəpanɨkə. Kən naumɨsən o nolən mɨn rəha nətueintən itəm koatiuw nətəlɨgən rəha netəmim otəpanotɨkə.[ll] Məto etəmim itəm tatol nəwia Tata Uhgɨn,[mm] in otətatɨg lilɨn.

18 Nɨsualkələh, kotegu-pən e namnun nian.[nn] Nəmoatəto məmə tɨkɨmɨr kit rəha Kristo[oo] otuwa.[pp] Kən roiu tɨkɨmɨr mɨn rəha Kristo tepət, kɨnotuwa rəkɨs.[qq] Tol nəhlan, kitat kotɨtun məmə inu, kɨnoategu-pən e namnun nian. 19 Netəm mɨn u, kəmotapəs rəhatat niməfak mɨn[rr] məto-inun ilat sənəmə rəhatat agɨn-əh mɨn. Okəmə rəhatat agɨn-əh mɨn, kəməsotietən etat. Məto ilat kəmotiet etat, məmə otəgətun məmə ilat sənəmə rəhatat mɨn.

20 Məto itəmat un, Etəm Tətuatɨp, in təmətəfiə[ss] kəm itəmat e Narmɨn Rəha Uhgɨn,[tt] kən itəmat rafin nəkotɨtun nat u. 21 Iatəte nat u kəm itəmat, sənəmə nəkotəruru nɨpahrienən, məto itəmat nɨnotɨtun rəkɨs nɨpahrienən, kən motɨtun məmə nɨpahrienən təsoe-inən neiuəən.[uu] 22 ?Pah u in ieiuə? Etəmim u itəm tatən məmə Iesu sənəmə in Kristo itəm Uhgɨn təmən məmə otahl-ipa. Etəmim u inu, in tɨkɨmɨr rəha Kristo. In təsənən nɨpahrienən e Tata Uhgɨn ne Nətɨn.[vv] 23 Etəm təsənən nɨpahrienən e Nətɨn təruru nosən Tata. Etəm tatən nɨpahrienən e Nətɨn, in tatos mɨn Tata Uhgɨn.[ww]

24 Pəs nat naka nəmotəto e nətuounən, nian nəmotəto namnusən təwɨr, otatəper-ipən əh etəmat tiəkɨs. Okəmə nat naka nəmotəto e nətuounən otatəper-ipən etəmat, kən itəmat onakoatəper-ipən e Nətɨn, ne Tata Uhgɨn.[xx] 25 Kən nat u inu, nəmegəhən itulɨn, in təmən-iəkɨs məmə otos-ipa kəm kitat.

26 Iatəte nəghatən mɨn u kəm itəmat matən-iarəp netəm mɨn u itəm okotiuw rəkɨs itəmat.[yy] 27 Məto itəmat u, nətəfiəən rəha Narmɨn Rəha Uhgɨn itəm nəmotos e Kristo,[zz] in tətatɨg əh e nɨkitəmat. ?Tol nəhlan, pah mɨn tɨtun nəgətunən nat wi kit kəm itəmat? Narmɨn Rəha Uhgɨn tatəgətun natɨmnat rafin kəm itəmat,[] kən nətəfiəən əh rəhan, in nɨpahrienən, sənəmə neiuəən. Tol nəhlan, otəper-ipən əskasɨk lan,[] tahmen-pən əm məmə in təməgətun itəmat məmə nəkotol.

28 Kən roiu əh, nɨsualkələh, otəper-ipən lan, məmə nian in otuwa[] kən kitat kəsotəgɨnən məsotaulɨs-inən nɨganəmtɨn[] e rəhan nuwamən.

29 Okəmə nəkotɨtun məmə in tətuatɨp,[] onəkotɨtun əsas məmə netəmim rafin itəm koatol nolən ətuatɨp, ilat u, nenətɨn mɨn.[]

<- 1 JON 11 JON 3 ->