Fol tebe Filemon imi suuk kon dola kobesa uta ko Yesus iyo tam abiil tigiin unata, bii atol ulumi kup 32 koyo tiinuta, Fol iyo suuk kon koyo dola ko kwaala no mufekmufek soyaap tinum Filemon imi diim abelu ko. Kale Filemon iyo Efesis kayaak kale, imi tinum sok de dola bisop ogok kemin maak Onesimus iyo bilii kupkaa unanbu no Rom tamata, kalabus am kutam kal Fol iyo atamata, Fol iyo Yesus imi sang uyo bogobelata, kota Kristen kela ko. Kamano kota Fol iyo, asok daali no imi kamok imi finang unak o age suuk kon koyo dola ko Onesimus imi kobela kuptamo unanbu no Filemon imi kobela ko. Kale Fol imi aget fugunin uyo, Filemon iyo Onesimus imi deng tebe-nala e, “Suguul ke talap o,” agelak o age suuk kon dola ko Filemon imi kobesa ko.
1 1-2 Numi bubul Filemon kabo nuubap aga? Yesus Krais imi sang baga-em tebesi umi kalan uta sok de namolip tebesi niyo Fol nita kale, numi duup Timoti iso alop nuyo suuk kon koyo dola kopkelum o ageta ko. Nimi weng umobeli koyo ku-nalap Kristen unang tinum kapmi am ulotu kem-nuubip bilip iyo weng umobe-nalap e, Apia sino Akipus so migim iyo weng umobe no kelal o ageta kale, kabo niso alop Krais imi ogok maagup kemin tinum kapta kale, Apia boyo nulutap Kristen e minte, numi unang no kale, Akipus begal nulutap Saatan isino dinan-bom Krais imi ogok ke-bom kaal fuyap utamamin tinum no ko. 3 Kale niyo numi Aatum God iso Kamogim Yesus Krais isino ulim iyo dagaga-bilita, iyo tebe ibo telele-bilipta, ipmi aget tem uyo bilili age-bom-nilipta o ageta ko. Filemon bemi aget kupka-emin umi sang uta ko 4-5 Nugum Filemon kabaa. Niyo kapmi God imi unang tinum aget kupka-emin sino kapmi Kamogim Yesus imi ilak dugamin sino umi sang uyo tinangka-bom-nilita, beten kemi uyo, suun kup kapmi aget fugun-bom dagaga-bom-nili e minte, God iyo, “Suguul o,” agan-kalin uyo kupka-e-bom no ke-bomi ko. 6 Kapsino nusino nuyo utamupta, Krais iyo kanube numi dong daga-e-be kalaa agan talan-bulup umi sang uyo bogobina tala kem-nuubup kale, beten ke-bilita, God yagal tebe-nalata, nuyo aget fugunin tambal uyo kupka-e-balata, utamupta e, Krais imi kuguup tambal numi kupka-em-nuuba uyo kulbu kalaa age-nulupta, tele maak sino utamum o agan-bomi ko.7 Nugum kabaa. Kapmi kapkumal Kristen unang tinum imi aget kobebap bota tebe-nuluta, niyo kapmi aget afek fugun-bomi uyo takan kepneluta, deng taban-bii kale, mungkup kabo alugum God imi unang tinum kulbip iyo dong daga-e-balapta, igil mungkup deng taban-bilip ko.
Onesimus imi sang uta ko (Kol 4:9)8-9 Nugum kabe. Kapkum niyo Yesus Krais imi weng kwep yang kupka-emin tinum Fol nita kale, niyo tii fomtuup weng uyo bogopke-nili, “Ko kanubelal o,” kagelan agin kuta minte, utamita e, nugum kabo alop maagup Krais imi ilak uyo do-nulupta, aget kobina tala ke-sulup kalaa age-nilita, agol weng uta kup bogopkelan-temi ko. Kale kamano koyo Yesus imi weng kalan uta sok de namolip albi kale, 10 kalabus am kagal bom-bilita, kapmi ogok kemin tinum Onesimus iyo talata, God imi weng uyo kupka-e-bilita, te tam Krais imi ilak uyo do-nalata, nalami man diil ilatap keba kale, Onesimus bemi ilak uta o age-nilita, nugum kabo bogopkelita, beyo no tala umdii, “Suguul ke talap o,” age-nalap asok du-nalap tiin molal o ageta ko. 11 Kale siin uyo Onesimus iyo fenga kopke bilii kamkaa ti-se kale, utam-nalapta, atafinono dupka-salap kuta minte, kamano koyo nugum kabo dulap umdii, beyo nimi ogok dong daganem tebesa ulutap ke kapmi ogok uyo dong dagakem-nama ko.
12-14 Kale Krais imi kalan sok de namolip albi koyo, nugum kabo tal dong daganeman agin kuta, kapmi ilep uyo binim kale, nimi bubul Onesimus beyo dupkali nisino bom-nala kapmi olang uyo ku-bom dong daganemak o agan-bii kuta minte, niyo kamkek kili-nili, “Asok daalap tal dong daganemak o,” agelan-temaali kale, kalapmi aget fugunin uta kup waafu-nalapta, kanubelal o agan-bii kale, kapmi, “O,” agelan-temap uta kup kanubelan-temi kale, kamano koyo asok kapmi daap-kami no tolon-tema ko.
15 Kale God imi Onesimus imi dupkala kuun kamkaa un-se boyo dok uta ba kale, God imi aget fugunin uyo, “Onesimus iyo asok no o tal Filemon isino amiit nak o,” age-nalata umaak kale, dupkala kuun kamkaa un-se ko. 16 Siin uyo beyo kapmi ogok kemin tinum ke-bii-se kuta, asok kamano koyo ogok kemin tinum uta kup ba kale minte, kapsino alop maagup Krais imi ilak dugamin tinum ke-nala kalapmi duup aligaap keba ko. Kale bemi aget uyo kobebi kale, nugum kapkal mungkup utamapta, beyo kapmi ogok kemin tinum e minte, beyo kalaptap Kristen keba kalaa age-nalapta, bemi aget uyo fomtuup kobe-nalapta o ageta ko.
17 Kale kabo utamapta, niyo kapsino alop Krais imi ogok maagup kemin tinum kalaa age-salap ulutap kale, nimi no tili, “Suguul ke talap o,” aganbap ulutap ke nugum kabo Onesimus bemi bogobe-nalap, “Suguul ke talap o,” age-nalapta o ageta ko. 18 Kale siin uyo intaben umaak yuguut une-nama min, kufak daa-nama min uyo bogopnelapta, nita imi yuum uyo molan o ageta ko. 19 Kale yak Timoti imi sagaal diim kegal dolmin ko age pen uyo dagaa ku-nilita, weng atuk kalbu koyo dola kop-kaman-temi kale, kotam. Fol nagal Onesimus imi yuum kopke-se boyo molan-temi ko. Kale minte kabo utamapta e, Fol beta Krais imi sang bagane-balata, te tam kamaa tinum kebi kalaa agebap kuta, kabo nimi yuum kop-kami waafubap bomi sang uyo fomtuup bogop-kaman-temaali kale, 20 nimi nugum kapso niso alop nuyo Krais imi ilak do-sulup kale, nugum kabo Kamogim imi titil diim ilep nimi dagali, “Kabo Onesimus iyo du-nalap tiin molal o,” ageli boyo kanubelapta, deng tebelan o ageta ko.
21 Kale niyo utamita e, kabo nimi Onesimus imi sang bogopkeli boyo aafen tambaliim kup waafu-nalap e minte, maak so ke no kelan-temap kalaa age-nilita, suuk kon koyo dolke-bii ko.
22 Kale kota ibo God iyo aman duga-e-bilipta, tiin molin iyo talaa nimdalak o ageta kale, kanubela umdii, no tolon-temi kale, nugum kabo am abiin umaak ugaa kopne kemapta, no tolon o ageta ko.
Weng umka-emin weng uta ko (Kol 1:7, 4:10,12, 2 Tim 4:10-11)23 Epafras iyo Yesus Krais imi ogok ke-be bomi kalan uta sok de dolip niso alba kale, yagal weng umopke no kela e minte, 24 nimi ogok maagup kemin tinum maak sino Jon-Mak so Aristakus so Demas so minte Luk so igil weng umopke no kelip ko.
25 Kale Kamogim Yesus Krais ita ibo telele-bom tiin mola tambaliim kup bom-bilipta o ageta ko.
7 Nugum kabaa. Kapmi kapkumal Kristen unang tinum imi aget kobebap bota tebe-nuluta, niyo kapmi aget afek fugun-bomi uyo takan kepneluta, deng taban-bii kale, mungkup kabo alugum God imi unang tinum kulbip iyo dong daga-e-balapta, igil mungkup deng taban-bilip ko.
8-9 Nugum kabe. Kapkum niyo Yesus Krais imi weng kwep yang kupka-emin tinum Fol nita kale, niyo tii fomtuup weng uyo bogopke-nili, “Ko kanubelal o,” kagelan agin kuta minte, utamita e, nugum kabo alop maagup Krais imi ilak uyo do-nulupta, aget kobina tala ke-sulup kalaa age-nilita, agol weng uta kup bogopkelan-temi ko. Kale kamano koyo Yesus imi weng kalan uta sok de namolip albi kale, 10 kalabus am kagal bom-bilita, kapmi ogok kemin tinum Onesimus iyo talata, God imi weng uyo kupka-e-bilita, te tam Krais imi ilak uyo do-nalata, nalami man diil ilatap keba kale, Onesimus bemi ilak uta o age-nilita, nugum kabo bogopkelita, beyo no tala umdii, “Suguul ke talap o,” age-nalap asok du-nalap tiin molal o ageta ko. 11 Kale siin uyo Onesimus iyo fenga kopke bilii kamkaa ti-se kale, utam-nalapta, atafinono dupka-salap kuta minte, kamano koyo nugum kabo dulap umdii, beyo nimi ogok dong daganem tebesa ulutap ke kapmi ogok uyo dong dagakem-nama ko.
12-14 Kale Krais imi kalan sok de namolip albi koyo, nugum kabo tal dong daganeman agin kuta, kapmi ilep uyo binim kale, nimi bubul Onesimus beyo dupkali nisino bom-nala kapmi olang uyo ku-bom dong daganemak o agan-bii kuta minte, niyo kamkek kili-nili, “Asok daalap tal dong daganemak o,” agelan-temaali kale, kalapmi aget fugunin uta kup waafu-nalapta, kanubelal o agan-bii kale, kapmi, “O,” agelan-temap uta kup kanubelan-temi kale, kamano koyo asok kapmi daap-kami no tolon-tema ko.
15 Kale God imi Onesimus imi dupkala kuun kamkaa un-se boyo dok uta ba kale, God imi aget fugunin uyo, “Onesimus iyo asok no o tal Filemon isino amiit nak o,” age-nalata umaak kale, dupkala kuun kamkaa un-se ko. 16 Siin uyo beyo kapmi ogok kemin tinum ke-bii-se kuta, asok kamano koyo ogok kemin tinum uta kup ba kale minte, kapsino alop maagup Krais imi ilak dugamin tinum ke-nala kalapmi duup aligaap keba ko. Kale bemi aget uyo kobebi kale, nugum kapkal mungkup utamapta, beyo kapmi ogok kemin tinum e minte, beyo kalaptap Kristen keba kalaa age-nalapta, bemi aget uyo fomtuup kobe-nalapta o ageta ko.
17 Kale kabo utamapta, niyo kapsino alop Krais imi ogok maagup kemin tinum kalaa age-salap ulutap kale, nimi no tili, “Suguul ke talap o,” aganbap ulutap ke nugum kabo Onesimus bemi bogobe-nalap, “Suguul ke talap o,” age-nalapta o ageta ko. 18 Kale siin uyo intaben umaak yuguut une-nama min, kufak daa-nama min uyo bogopnelapta, nita imi yuum uyo molan o ageta ko. 19 Kale yak Timoti imi sagaal diim kegal dolmin ko age pen uyo dagaa ku-nilita, weng atuk kalbu koyo dola kop-kaman-temi kale, kotam. Fol nagal Onesimus imi yuum kopke-se boyo molan-temi ko. Kale minte kabo utamapta e, Fol beta Krais imi sang bagane-balata, te tam kamaa tinum kebi kalaa agebap kuta, kabo nimi yuum kop-kami waafubap bomi sang uyo fomtuup bogop-kaman-temaali kale, 20 nimi nugum kapso niso alop nuyo Krais imi ilak do-sulup kale, nugum kabo Kamogim imi titil diim ilep nimi dagali, “Kabo Onesimus iyo du-nalap tiin molal o,” ageli boyo kanubelapta, deng tebelan o ageta ko.
21 Kale niyo utamita e, kabo nimi Onesimus imi sang bogopkeli boyo aafen tambaliim kup waafu-nalap e minte, maak so ke no kelan-temap kalaa age-nilita, suuk kon koyo dolke-bii ko.
22 Kale kota ibo God iyo aman duga-e-bilipta, tiin molin iyo talaa nimdalak o ageta kale, kanubela umdii, no tolon-temi kale, nugum kabo am abiin umaak ugaa kopne kemapta, no tolon o ageta ko.
23 Epafras iyo Yesus Krais imi ogok ke-be bomi kalan uta sok de dolip niso alba kale, yagal weng umopke no kela e minte, 24 nimi ogok maagup kemin tinum maak sino Jon-Mak so Aristakus so Demas so minte Luk so igil weng umopke no kelip ko.
25 Kale Kamogim Yesus Krais ita ibo telele-bom tiin mola tambaliim kup bom-bilipta o ageta ko.