యెషయా

గ్రంథకర్త

దీని రచయిత యెషయా పేరును బట్టి ఈ పుస్తకానికి పేరు వచ్చింది. ఇతడొక ప్రవక్తను వివాహమాడగా వారికి కనీసం ఇద్దరు మగపిల్లలు పుట్టారు (యెషయా 7:3; 8:3). నలుగురు యూదా రాజులు (ఉజ్జియా, యెతాము, ఆహాజు, హిజ్కియా 1:1) పరిపాలన కాలంలో ఇతడు ప్రవచనాలు చెప్పాడు. ఐదవ రాజు దుర్మార్గుడైన మనష్హే పాలనలో హతమయ్యాడు.

రచనా కాలం, ప్రదేశం

సుమారు క్రీ. పూ. 740 - 680

ఉజ్జియా రాజు పరిపాలన చివరి దశలో యెతాము, ఆహాజు, హిజ్కియా పరిపాలన కాలంలో ఈ గ్రంథ రచన జరిగింది.

స్వీకర్త

దేవుని ధర్మశాస్త్ర విధుల ప్రకారం జీవించకుండా తప్పిపోతున్న యూదా ప్రజలకోసం ఈ గ్రంథంలోని ప్రవచనాలు ఉన్నాయి.

ప్రయోజనం

పాత నిబంధన అంతటిలొకీ అత్యంత సమగ్రమైన రీతిలో యేసుక్రీస్తును చూపేపే చిత్రాన్ని ఆవిష్కరింప జేయడం యెషయా గ్రంథం ఉద్దేశం. ఆయన జీవితం యొక్క విస్త్రత వర్ణన ఇందులో ఉంది. ఆయన రాకడ ప్రకటన (40:3-5), ఆయన కన్యకు జన్మించడం (7:14), ఆయన ప్రకటించనున్నసువార్త (61:1), త్యాగభరిత మరణం (52:13-53:12), తన వారిని పొందడం కోసం ఆయన మళ్ళీ రావడం (60:2-3) యెషయా ప్రవక్త పిలుపు ముఖ్యంగా యూదా రాజ్యానికి ప్రవచనాలు వినిపించడం. యూదా రాజ్యం తిరుగుబాటు, ఉజ్జీవం అనుభవిస్తున్నది. అష్హురు, ఈజిప్టు రాజ్యాలు యూదాను నాశనం చేస్తామని బెదిరిస్తున్నాయి. అయితే దేవుని కరుణను బట్టి ఆ బెదిరింపులను ఆ జాతి తప్పించుకోగలుగుతున్నది. పాపం విషయంలో పశ్చాత్తాపం, దేవుని విమోచన లభించే భవిష్యత్తు అనే ప్రకటన యెషయా ప్రవచనాల్లో కనిపిస్తుంది.

ముఖ్యాంశం

రక్షణ

విభాగాలు

1. యూదా భ్రష్టత్వం — 1:1-12:6

2. ఇతర జాతుల భ్రష్టత్వం — 13:1-23:18

3. భావి హింసాకాలం — 24:1-27:13

4. ఇశ్రాయేలు యూదాల భ్రష్టత్వం — 28:1-35:10

5. హిజ్కియా మరియు యెషయా చరిత్ర — 36:1-38:22

6. బాబిలోనియన్ నేపద్యం — 39:1-47:15

7. శాంతికై దేవుని ప్రణాళిక — 48:1-66:24