2
Ty Fañorizan’ Añahare i Jinobo’ey
1 Ino ty fidabasida’ o kilakila ondatio[a],
naho ty fikililia’ ondatio
raha tsy vente’e.
2 Mijohañe o mpanjaka’ ty tane toio,
naho mitrao-kinia o mpifeheo
hiatreatre am’ Iehovà naho i Noriza’ey[b],
manao ty hoe:
3 Antao handrafadrafatse
o talirandra’ iareoo,
le hahimpan-tika o rohi’ iareoo.
4 Miankahake i mpiambesatse
an-dindiñey;
mitsikìke iareo t’i Talè. 5 Fa ho trevohe’e an-keloke,
vaho hampinevenevere’e am-pifombo’e:
6 Toe izaho ty nañoriñe ty Mpanjakako e Tsiône[c] ao amy vohiko miavakey.
7 Sokireko ho lily:
hoe t’Iehovà amako:
Anako irehe, anindroany
ty nampiareñako azo. 8 Mihalalia amako le hampandovaeko
Azo o fifeheañeo,
naho ho fanaña’o o olon-taneo.
9 Ho pozahe’o am-bodam-by;
Hampijeñajeñahe’e hoe siniharam-panao
valàñe-tane.
10 Aa le mahihira ry mpanjakao;
Mimetea oke
ry mpizaka’ ty tane toio.
11 Toroño am-pañeveñañe t’Iehovà,
vaho mirebeha am-pineveneverañe;
12 Ondroho i Anakey
tsy mone hiviñera’e,
vaho hihomak’ an-dalañe ey nahareo;
fa mete hisolebatse aniany ty fifombo’e.