O Tsore! hoe ty asa’o:

ginoke an-katsomerentseren-draho.

4 Anteñateña’ i riakey o efe-tane’oo

naho nahafonitse ty hatsaratsea’o

o mpandranji’oo.

5 Hene nanoe’ iereo ami’ty nato’ i Senire[a] o varamban-daka’oo;

nangalak’ amo mendorave’ i Libanoneo,

hamboara’ iareo o bodan-dai’oo.

6 Amo kobai’ i Basaneo[b]

ty nandranjia’ iareo o fivei’oo;

an-tsifa boak’ amo tokonose’ i Kitio

ty nitsenea’ o nte-Asoreo o fiambesa’oo,

7 Lamba leny marerarera

soa vinahotse boake Mitsraime añe

ty nalama’o ho lai’o;

manga naho malo-mavo boak’

an-tokonose’ i Elisà[c] ty nanaroñe azo.

8 Nimpivei’o o nte-Tsidoneo[d]

naho o nte Arvadeo[e];

tam-po’o ao, ry Tsore,

ondaty mahihi’oo,

o ni-mpanehak’ azoo.

9 O androanavi’ i Gebaleo[f]

naho o mahihi’eo ty nanosoke

o varakivaraky ama’oo;

songa tama’o ao o sambon-driakeo

rekets’ o mpiandria’eo

nifanakalo kilankañe ama’o.

10 Nimpitraok’ amo lahin­defo’oo, o nte-Paraseo[g] naho o nte-Lodeo[h] rekets’ o nte-Poteo[i], ondaty mpialy; naradorado’ iareo ama’o o fikala’ iareo naho o aron-doha’eo; naràm-bintañe ama’e irehe. 11 Niariary an-kijoli’o eo o lahindefo’oo mindre amo nte-Arvadeo, naho tam-pitalakesañ’ abo’o ao o nte-Gamadeo[j]; nase­ba’ iareo amo rindri’oo mb’atia mb’atia o fikalan-defo’eo; nifonira’ iareo ty hamontramontra’o.

12 Nimpanao balibalik’ ama’o t’i Tarsise[k] amy fibodobodoam-bara’ey; navaro’ iareo an-tsena’o ao ty volafoty, viñe, kankiñe, vaho firake. 13 Nimpanao balike ho azo t’Iavane naho i Tobale vaho i Meseke[l], nanao takinak’ ama’o ami’ty fiai’ondaty naho ami’ ty valàñe torisìke. 14 Nanao kinanga amo tsena’oo ty anjomba’ i Togarmà[m] rekets’ o soavala’eo naho soavalan-aly vaho borìke. 15 Nimpanao balik’ ama’o o nte-Dedaneo, tokonose tsiefa ty nikalo am-pità’o eo; nibanabana tsifa-foty naho mañary. 16 Nanao takinak’ ama’o ka t’i Arame amo hatsifotofoton-draha tsinene’oo, nanao takinak’ an-drobikà naho malòmavo naho raha soa vinahotse naho leny marerarera naho hareañe vaho hange. 17 Nanao balik’ ama’o ka t’Iehodà naho ty tane’ Israele; nendese’ iareo vare-bole boake Minite[n] mb’an-tsena’o ao, naho raha mafiry naho tantele naho menake vaho solike. 18 Nikalo ama’o ka t’i Damesèke[o] ami’ty fibodobodoan-draha namboare’o, ami’ty vara tsy efa, naho divay boak’e Kelbone[p] vaho volonañondry mikotritriake. 19 Nikaloe’ i V’Dane naho Iavane nte-Ozale viñe niloeloe, le amo kilanka’o iabio ty sena naho vinda mañitse. 20 Nanao balik’ ama’o t’i Dedane: lamba fanoeñe an-tsarete. 21 O nte-Arabeo[q] naho o roandria’ i Kedareo[r] nanao takinak’ ama’o amo vik’ añondrio, o añon­drilahio, vaho amo ose-lahio, nimpikalo i raha rey iereo. 22 I Sebà[s] naho i Raama[t] ni-mpanao balike; nanao takinak’ amo tsena’oo an-tsakày naho vatosoa vaho volamena. 23 Songa nifanakalo ama’o ty Karane[u] naho i Kanè[v] naho i Edene[w], o mpampibali’ i Sebao, i Asore vaho i Kilmade[x]. 24 Nilahatse ama’o ami’ty raha maro i mpanao takinak’ ama’o rezay; tañate’ ty kilanka’o ao ty sarimbo manga naho lamba soa vinahotse naho vata pea fisiky fanjaka, finehe taly naho rinanjy ami’ty mendoraveñe. 25 Ihe ty nampionjoñe o sambo’ i Tarsiseo,

o mpanao takinake ho azoo; nipea irehe,

nitoabotoabotse añivo’ i riakey ao. 26 Ninday azo nitoañe riake laleke

o mpivei’oo,

fe namolak’ azo añivo’ o riakeo

i tiok’ atiñanañey. 27 Ty vara’o, o tsena’oo,

o fifampikaloa’oo,

o mpivei’oo, o mpaneha’oo,

o mpandite-laka’oo,

o mpanao balibalik’ ama’oo,

ze hene lahin-defo’o ama’o,

ze fonga valobohò’o ama’o,

songa hijoroboñe am-po’ o riakeo ao

amy androm-pirotsaha’oy. 28 Hihondrahondra o mpañohok’ azoo

ami’ty feon-toreo’o o mpanehakeo. 29 Songa hizotso amo sambo’eo

o mpitàm-piveio, o mpifanehake am-piveio, sindre hijohañe an-tamboho eo

o mpanehake an-driakeo 30 naho hipoña-piarañanañañe,

ho janjiñeñe ama’o ao

ty fangololoihañe,

vaho hampibobò deboke

amo añambone iereoo

hidrakadrakak’ an-davenok’ ao: 31 Hifandriritse maròy ty ama’o,

naho hisikiñe lamban-gony,

vaho hirovetse an-

kaferon’arofo naho

hangoihoy an-kafairañe. 32 Amy fangololoihañey

ty hañonjonam-bekom-pandalàñe ho azo am-pirovetañe, ami’ty hoe;

Ia ty mañirinkiriñe i Tsore,

hambañe amy rinotsake

anteñateña’ i riakeiy? 33 Ie nionjoñe boak’ an-driak’ ao

o kilanka’oo,

le nilifore’o ty fifokoañe maro;

nampañefoefo o mpanjaka’ ty tane toio

ami’ty hatsifotofoto’

o kilanka’oo, naho o balibali’oo. 34 Amy andro namolaha’ i riakey

azoy an-kalale’ o ranoo ao,

le fonga nirotsake

ty fifampibalibalihañe naho

i valobohòke ama’oy. 35 Songa nidaba ty ama’o

o mpimoneñ’an-tokonose añeo,

naho niazo’ ty anifañe o mpanjaka’eo

nitsololòk’ an-daharañe. 36 Mikosìke azo

o mpanao takinak’ añivo’ ondatioo;

fangetraketrahañe nainai’e irehe,

vaho le lia’e tsy ho ao ka.

<- Iekezkèle 26Iekezkèle 28 ->