1 Nifeleke Israele iaby t’i Selomò mpanjaka. 2 Le zao o roandria’eo: i Azarià[a], ana’ i Tsadoke mpisoroñe, 3 i Elikòrefe[b] naho i Akià[c] ana’ i Sisà[d], mpanokitse, Iehosafate[e] ana’ i Akilode[f], mpamolily; 4 i Benaià ana’ Iehoiada, mpifehe i valobohòkey, le mpisoroñe t’i Tsadoke naho i Abiatare; 5 i Azarià ana’ i Natane, ty mpifeleke o mpiaoloo; mpisoroñe naho mpiamy mpanjakay t’i Zabode[g] ana’ i Natane; 6 talè’ i anjom­bay t’i Akisare[h]; vaho mpiaolo ty fañondrohan-kàba t’i Abdà[i]. 7 Nanam-pifeleke folo-ro’amby t’i Selomò nifehe Israele iaby, o namahañe i mpanjakay naho i anjomba’eio. Songa namahañe volañe raik’ ami’ty taoñe. 8 Zao o tahina’ iareoo: I Ben-Kore[j] am-bohibohi’ i Efraime; 9 i Ben-Dekere[k] e Makatse[l] naho e Betesemese[m] naho e Elone-Bete-Khanàne[n]; 10 i Ben-Kesede[o] e Arobote[p]; aze ka t’i Sokò[q] naho ze hene tane e Kefere[r]; 11 i Ben’ abinadabe[s] amy fari’ i Dore[t], aze t’i Tafate[u] anak’ ampela’ i Selomò tañanjomba’e. 12 I Baana[v], ana’ i Akilode, aze t’i Taanake[w], i Megi­dò[x] naho i Beteseane[y] iaby marine’ i Tsare­tane ambane’ Iizreèle boake Beteseane pak’ Abel-mekolà[z] mb’an-kalo’ Iok­neame[aa] ao; 13 i Ben-Gebere[bb], e Ramote[cc]-gilade[dd], aze o rova’ Iaere ana’ i Menasè e Giladeo; aze ka ty fari’ i Argobe[ee] e Basane[ff] ao, rova enempolo jabajaba reketse kijoly naho sikadañe torisike; 14 i Akinadabe[gg], ana’ Idò[hh], e Maknaime[ii]; 15 i Akimatse[jj] e Naftalý ao; nengae’e ka t’i Basmate[kk], anak’ ampela’ i Selomò, 16 i Ba’ anà[ll], ana’ i Kosàý[mm], e Asere[nn] naho e Bealote[oo]; 17 Iehosafate, ana’ i Paroà[pp] e Isakare; 18 i Simeý[qq] ana’ i Elà[rr], e Beniamine; 19 i Gebere[ss] ana’ i Orý[tt], an-tane’ i Gilade, an-tane’ i Sikone[uu] mpanjaka’ o nte-Amoreo, naho a i Oge[vv] mpanjaka’ i Basane; vaho raike ty mpifehe i tane iabiy.

20 Nitozantozañe mira amo faseñe añ’ olon-driakeo t’Iehoda naho Israele ami’ty hamaro’e, nikama, ninoñe vaho nifale.