99
Nai Maromak mak Liurai santu
1 [a]NAI Maromak nee Liurai;
nasaun hotu-hotu tauk ho nakdedar.
Nia tuur iha anju kerubin nia leten hodi ukun;
rai nakdoko.
2 NAI Maromak nee Ukun Nain boot iha Siaun;
Nia domina nasaun hotu-hotu.
3 Sira sei hahii Nia
tanba Nia naran boot ho makaas;
Nia nee santu.
4 Liurai Kbiit Nain, Ita Boot gosta justisa;
Ita Boot hatuur lia loos;
Ita Boot harii justisa ho lo-loos iha Israel[b].
5 Foti aas NAI ita nia Maromak;
hakruuk iha Nia ain hodi adora Nia;
Nia nee santu.
6 Uluk Moisés ho Arão serbi Nia nudar nai lulik;
Samuel mos ema ida nebee bolu Maromak nia naran.
Sira harohan ba NAI Maromak
mak Nia hataan sira.
7 [c]Husi kalohan riin laran, Nia koalia ba sira;
sira kaer metin lei no mandamentu nebee Nia foo ba sira.
8 NAI ami nia Maromak, Ita Boot hataan sira;
Maromak, Ita Boot perdua sira nia sala,
maibee Ita Boot mos kastigu sira tanba sira nia sala.
9 Foti aas NAI ita nia Maromak;
adora Nia iha Nia foho santu,