87
Sidade Siaun nee Nai Maromak nian
Salmu husi Korá nia oan. Kantiku ida.
1 NAI Maromak harii tiha ona Nia sidade iha foho santu.
2 NAI gosta portaun sidade Siaun nian
liu fali hela fatin hotu-hotu iha rai Israel. [a]
3 Maromak nia sidade,
ema konta buat mesak furak kona ba o.
4 Maromak dehan, “Bainhira Hau temi ema sira nebee rekonhese Hau,
Hau temi mos rai Rahab [b] ho Babilónia nia naran,
ho tan rai Filístia, Tiru ho Etiópia.
Hau sei foo sai dehan, sira mos Siaun oan.”
5 Loos duni, kona ba Siaun ema sei dehan,
“Sira nee hotu moris iha nebaa,
no Maromak Aas Liu rasik sei harii sidade nee.”
6 Bainhira NAI rejista Nia povu, Nia sei hakerek,
“Ida nee moris iha Siaun.”
7 Ema sei bidu rame-rame hodi hananu,