75
Nai Maromak mak Justisa Nain
Salmu Asaf nian, tuir muzika “Keta halo rahun.” Ba dirijenti koru.
1 Maromak, ami hahii Ita Boot.
Ami hahii Ita Boot tanba Ita Boot besik ami.
Ema konta sai buat furak nebee Ita Boot halo.
2 Ita Boot dehan, “Hau hili tiha ona tempu atu foo justisa;
too tempu nee Hau sei tesi lia ho lo-loos.
3 Bainhira mundu ho ema hotu iha mundu nakdoko,
Hau mak halo metin mundu nia huun.
4 Ba ema nebee foti aan, Hau dehan, ‘Keta foti aan tan.’
Ba ema aat, Hau dehan, ‘Keta foti sae imi nia dikur.
5 Keta foti sae imi nia dikur hasoru lalehan;
keta koalia kontra demais.’ ”
6 La iha ema ida mak bele foti sae nia aan;
atu husi lorosae ka loromonu ka husi rai fuik maran, la bele hotu.
7 Maromak mak Justisa Nain;
Nia mak hatuun ema balu no foti sae ema seluk.
8 Iha NAI Maromak nia liman laran iha kopu ida
nakonu ho tua ulun;
Nia fui tua nee foo ba ema aat ida-idak iha mundu;
sira tenki hemu too tua nia teen hotu kedas.
9 Maibee hau sei foo sai Maromak nia diak nafatin ba nafatin;
hau sei kanta hahii Jacó nia Maromak.
10 Maromak dehan, “Hau sei tesi sai tiha ema aat sira nia dikur hotu,