53
Ema nia hahalok aat
Salmu David nian para hanorin ema. Tuir muzika “Mahalat.” Ba dirijenti koru.
1 [a]Ema beik sira koalia iha sira nia laran dehan,
“Maromak la iha!”
Ema sira nee mesak aat deit; sira nia dalan aat teb-tebes;
la iha ema ida mak halo buat diak.
2 Maromak hateke tuun husi lalehan mai ita ema
hodi haree, iha ema balu matenek ka lae,
ema balu harohan ba Maromak ka lae.
3 Maibee ema hotu lao sala dalan ona, sira hotu sai aat tiha ona;
la iha ema ida mak halo buat diak;
ida mos la iha.
4 Ema aat sira nee la hatene buat ida ka?
Sira haan matak hau nia povu hanesan fali sira haan halimar paun fuan ida;
sira nunka bolu Maromak nia naran.
5 Maibee haree ba, ema sira nee sei tauk teb-tebes;
tauk nee laos tauk baibain nebee sira senti iha sira nia moris.
Maromak nia povu, ema nebee ataka imi, Maromak sei halo sira nia ruin naklekar;
Maromak lakohi simu sira, nunee imi sei hatuun sira.
6 Hau harohan atu Maromak hamriik iha foho Siaun hodi salva Israel.
Bainhira Maromak hadia fali Nia povu nia moris,