20
Orasaun atu liurai manaan funu
Salmu David nian, ba dirijenti koru.
1 Hau harohan atu NAI Maromak hataan o nia orasaun bainhira o iha susar laran;
atu Jacó nia Maromak hamahon o.
2 Hau harohan atu Nia haraik tulun ba o husi Nia fatin santu;
atu Nia foo suporta ba o husi foho Siaun.
3 Hau harohan atu Nia konsidera o nia oferta hotu;
animal nebee o tunu hodi halo sakrifisiu mos monu ba Nia laran.
4 Hau harohan atu Maromak foo buat nebee o nia laran hakarak,
no halo o nia planu hotu sai diak.
5 Depois ita sei haklalak kontenti tanba o manaan;
ita sei foti sae ita nia bandeira hodi ita nia Maromak nia naran.
Hau harohan atu NAI Maromak foo hotu buat nebee o husu.
6 Agora hau hatene katak,
NAI Maromak salva liurai nebee Nia hili ona;
husi Nia lalehan santu, Nia hataan liurai nia orasaun;
hodi Nia kbiit, Nia halo liurai manaan.
7 Ema balu konfia nia kareta funu, balu konfia nia kuda,
maibee ami konfia ami nia NAI Maromak nia naran.
8 Sira sei monu hakdasak,
maibee ami sei hadeer hodi tuba rai metin.
9 NAI, halo liurai manaan ba;