1 Moltheng chunga chun Yahweh Pakai tundohsa khopi chu aum'e.

2 Aman Jerusalem khopi hi Israel khopi dang ho sangin angailu joi.

3 O Pathen Pathen khopi, nangma chung chang ahi itibang thuloupi tahtah kisei a hitam!

4 Keima eiheho lah a hin, Egypt le Babylon chule Philistine leh Tyre chuleh gamla tah Ethiopia jong kasimtha e. Amaho hi Jerusalem khomite ahitaove.

5 Jerusalem chung chang a hitia hi kisei ding ahi, “amijousen nammi hina a thaneina chu akipapi cheh uve”, chule hatchungnung ama tah in khopi chu phatthei aboh ding ahi.

6 Yahweh Pakaiyin chitin namtin hi ajihlut teng, aseiding, “amaho jouse hi Jerusalem khomite ahitaove” atiding ahi.

7 Mipi ho chun theile amut'uva la asahdiu, “Kahinkho hung kipat nahi Jerusalem ahi” atidiu ahi.

<- La Bu 86La Bu 88 ->