1 Yahweh Pakai hou inn ah cheuhite tia kakom a asei u chun keima kakipahlheh jengin ahi.

2 Vo Jerusalem tuhin keiho nakelkot sung langah kadingtao ve.

3 Jerusalem hi dettah'a kisa khopi ahin apal jonghi detchetna kigenbitna ahi.

4 Yahweh Pakai mite Israel phungho jousen hicheahi kintheng bolla ahungnao ahi. Israelte chonna dan dungjui a Yahweh Pakai kom a thangvahna pedinga ahungnao ahi.

5 Hichea hin lengte thutanna laltouna hochu aum in David chilhah ho laltouna ahi.

6 Jerusalem a cham lenna din taovun, hiche khopi ngailu jouse khangtouhen.

7 Vo Jerusalem, nakulpi sunga chamleng hen chuleh nakhopi sung khangtou hen.

8 Kainsung mite leh kagol kapaite khohsahna in keiman Jerusalem ah “Nanga chamna umhen” kati.

9 Yahweh Pakai, iPathen'u insung khohsah na'in, O Jerusalem nang dinga aphapen chu kahol ahi.

<- La Bu 121La Bu 123 ->