Mose Lekhabu Lina MINBU Minbu sung thu umdan Minbu hi Israel ten gamtep gam ajot uva Pathen lamhil anga jinglai u, Sinai Molsang a ahung kondoh uva kipat Israel khangthahho gamtep gam alut ding kon chan u thusim ahi. Hiche lekhabu isim sung uva hi phunchielna, noplouna thulhuh, dousetna ho lhepna a ina lhahna hou chu ngaitona, Amite atundoh kitna dinga Pathen'in phat ijat alutsah em tiho hi ngaito ding ahi. Minbu hi Pathen mite Israel te a dinga kijih ahin, kum somli jen gamthip lah a akimanchahna hou kijihlutna ahi. Hiche thusim hin achesa phat ho, phat ahunglhung ding semtoh ahina, Pathen'in angailut Israel athohhatna leh akitahna a apuihoina, chule achondihna a chonset thutanna anei ding ho hetsahna ding ahi. Minbu hi Israel mite gamthip noija avaitham nau le Sinai molsanga kipat Jordan vadung chan gei hop thusim ahin, kum somli lhingdeh (hichu kum somthum le kumget leh lhako) thusim ahi. Israel mite Egypt gam a konna ahung potdoh uchun Mose'n thu hettohsah din Canaan gam a mi asol in ahi. Amaho hin thulhut chun tahsan na sang'in kichatna alhut e. Hijeh chun niseh in guhthim a Canaan gam kholtoh dingin thu hettohsahho akalsong jingun ahi. Akitahlou jeh uchun hilai dinmun a chun kumkhat ana vaitham uvin ahi (Numbers 14: 33-34). Lekhabu jihpa chule akijih kum Minbu hi Mose'n kum somli vel lut in anajih in ahi. Hichu 1406 BC a Israel mite Egypt gam a pat ahung kitoldoh uva pat a kisim pan ahi.
1Israel chate min kilah masat pat 1 Israel ten Egypt gamsung ahin dalhah kal u kum khat ahung lhin chun Pathen'in Sinai gamthip a Houbuh a chun Mose ahoulimpi tan ahi. Hichu alhani channa nikho masapen ni ahin, Pakaiyin hitin aseipeh e, 2 “Israel namsung pumpi a kon'in aphung cheh uva kon a gal hangsanho leh a insungmi hou min jouse aumden dingin jihlut cheh in. Pasal ho jouse chu jihlut soh hel in 3 kum somni apat chunglam gal boltheiho jouse chu nang le Aaron'in amin u na jihlut teitei lhon ding, 4 chuleh hiche phungho jouse lah a kon a chu lamkai khat cheh in nangma na kithopi ding ahi. 5 “Hiche phungho a kon a lamkai ho hi na kithopi ding ho chu ahiuve. Phung Lamkai Reuben - Shedeur chapa Elizur 6 Simeon - Zurishaddai chapa Shelumiel 7 Judah - Anminadab chapa Nahshon 8 Issachar - Zuar chapa Nethanel 9 Zebulun - Helon chapa Eliab 10 Joseph chapa Ephraim - Ammihud chapa Elishama Joseph chapa Manasseh - Pedahzur chapa Gamaliel 11 Benjamin - Gideoni chapa Abidan 12 Dan - Ammishaddai chapa Ahiezer 13 Asher - Ocran chapa Pagiel 14 Gad - Deuel chapa Eliasaph 15 Naphtali - Enan chapa Ahira16 Amaho hi japi lah akon a kilhengdoh lamkai cheh, apu apa phung kailhah a pat lamkaiho chuleh Israel te phung ho a konna mi upa cheh ahiuve.” 17 Hichun lamkai kilheng doh chengse chu Mose le Aaron in akou khom lhonin, 18 hiche nikho ma ma chun Israel te jalhang pumpi jong akhom tup lhonin ahi. Mipiho jouse chu ama ama phung leh insung cheh kailhah a kon'in amin akijihlut cheh in ahi. Pathen'in Mose athupeh bangin, Israel pasal kum somni apat chunglamse chu khat khatnin akijihlut in ahi. 19 Hiti chun Mose in amaho min jouse Sinai gamthip lai mun a chun ana sutup sohkeiyin ahi. 20-21 Ama ama phung dungjui cheh a amin u kijihlut banga pasal kum somni apat achunglam galsat a konthei amijat ho chu hicheng hi ahi.
16 Amaho hi japi lah akon a kilhengdoh lamkai cheh, apu apa phung kailhah a pat lamkaiho chuleh Israel te phung ho a konna mi upa cheh ahiuve.” 17 Hichun lamkai kilheng doh chengse chu Mose le Aaron in akou khom lhonin, 18 hiche nikho ma ma chun Israel te jalhang pumpi jong akhom tup lhonin ahi. Mipiho jouse chu ama ama phung leh insung cheh kailhah a kon'in amin akijihlut cheh in ahi. Pathen'in Mose athupeh bangin, Israel pasal kum somni apat chunglamse chu khat khatnin akijihlut in ahi. 19 Hiti chun Mose in amaho min jouse Sinai gamthip lai mun a chun ana sutup sohkeiyin ahi. 20-21 Ama ama phung dungjui cheh a amin u kijihlut banga pasal kum somni apat achunglam galsat a konthei amijat ho chu hicheng hi ahi.