24
Kuyie ntɑtimɛ̀ ku cĩ́ɛ̃̀tɛ̀
1 Dɑfiti yɛ̀nfɛ̀.
Kuyie nkuù te kɛtenkɛ̀ nɛ̀ dɛ̀ɛ̀ bo kɛ miɛkɛ,
kuù te kutenkù nɛ̀ bɛ̀ɛ̀ bo ku miɛkɛ.
2 Kuyie nkuù fìí nkɛtenkɛ̀ dɑ̀mɛ́ɛ̀rì ĩ́nkɛ̀,
kuù kɛ̀ fìí nyikó nyĩ́nkɛ̀.
3 We mbo nɑ kɛ́dekɛ Kuyie ntɑ̃rì?
We mbo nɑ kɛ́tɑ ku cɛ̃sɑ̀ɑ̀tɛ̀ miɛkɛ?
4 Wèè nɔu wenni kòo yɛ̀mmɛ̀ dò mpɑ́íí,
wèè í duɔ́ nho yɛ̀mmɛ̀ yɛbɔkɛ̀,
wèè ɔ̃ɔ̃ í mpɑriku kɛ nɛ́ soú.
5 Weè yóó pɛ́tɛ́ Kuyie nkó mɛsɑ̀ɑ̀,
Kuyie nho dɛɛtíwè yóó wè kòńnɛ́mu.
6 Bɛ̀ɛ̀ wɑnti Kuyie mbɛ kpɛrɛ yó mmɛ ndò,
bɛ̀ɛ̀ wɑnti Kuyie nSɑkɔbu do tũ nkù.
7 Di yíɛ́ kɛ́okùnnɛ yɛbòrɛ̀,
okùnnɛnɛ̀ yɛbòrɛ̀ yɛ̀ɛ̀ bo nɛ̀ dimɔ̀nnì,
kòo kpɑ̀ɑ̀tì diɛwèe tɑ.
8 We ntu dɛ kóo kpɑ̀ɑ̀tì diɛwè?
Kuyie nku, kù kpeńnìmu,
kuù tu okɔ̃m̀bɔ̀teu.
9 Yíɛ́ kɛ́okùnnɛ yɛbòrɛ̀,
okùnnɛ yɛbòrɛ̀ yɛ̀ɛ̀ do bonɛ̀ dimɔ̀nnì,
kòo kpɑ̀ɑ̀tì diɛwèe tɑ.
10 We ntu dɛ kóo kpɑ̀ɑ̀tì diɛwè?
Kuyie Mpɑkɛdɑɑ nwe,