149
Kuyie nkɔbɛ kó diwɛ̀ì
1 Nsɑ̃ntínɛ̀ ti Yiɛ̀ nKuyie!
Dentɛ̀nɛ̀ fɛyɛmpɑ̀nfɛ̀ di Yiɛ̀ nKuyie nkpɛ́í,
díndi bɛ̀ɛ̀ dɔ̀ɔ̀ri Kuyie ndɔ́mɛ̀ kɛ̀ di tìí, nsɑ̃ntínɛ̀ ti Yiɛ̀ nKuyie.
2 Isidɑyɛɛribɛ diwɛ̀ì ndi bonɛ̀ wèè di dɔ̀ɔ̀,
Siyɔ̃ɔ̃ ɛì kɔbɛ, nyɑ̃nkunɛ̀ di kóo kpɑ̀ɑ̀tì kpɛ́í.
3 Nhɑunɛ̀ kɛ sɑ̃ntí ti Yiɛ̀ nKuyie,
ndiènnɛ̀ kɛ kù sɑ̃ntí kɛ biennɛ̀ yɛbɑ̀rɛ̀ nɛ̀ tibómbonti,
4 kɛ yɛ̃́ ti Yiɛ̀ nKuyie mpiɛtimɛ̀ ku kó diwɛ̀ì ku kɔbɛ cuokɛ̀ nkɛ,
kɛ̀ bɛsĩ́ntíbɛ̀ kó tisɑ̃tì tu mɛdɛɛtímɛ̀.
5 Díndi bɛ̀ɛ̀ dɔ̀ɔ̀ri Kuyie ndɔ́mɛ̀ nyɑ̃nkunɛ̀ diwɛ̀ì,
kɛ dɛ́úkùnko ku yètìrì, kɛ́nyíútí nɛ̀ di dúɔ̀ ĩ́nkòo.
6 Kuyie nsɑ̃nni mbo di nɔ miɛkɛ,
kɛ̀ di nɔu mpikú kuseú mɛnɑtimɛ̀ mɛ̀dɛ́mɛ̀ kɔku.
7 Dí pɛitɛ yɛbotɛ̀ yɛ̀ di dɔ̀ɔ̀ dɛ̀,
dí ɑ̃nnɛ́ ibotí tiyɛ̃ĩti kɛ́fɔ́ɔ́,
8 kɛ́pĩ́mmú yɛ kó bɛkpɑ̀ɑ̀tìbɛ̀ kɛ́ bɛ̀ boú mɛfĩmmɛ,
kɛ́tɑ́ú mbɛ kpɑ̀ɑ̀tìtũ̀mbɛ̀ timɑ́tì.
9 Dí bɛ̀ bekɛ́nɛ̀ tì wɑ̃̀ri kɛ yɛ̃mmɛ̀,
bɛ̀ɛ̀ dɔ̀ɔ̀ri Kuyie ndɔ́mɛ̀ bɛ kó disɑ̃nni ndi mɛmmɛ.