100
Ti níí tɑ Kuyie ncĩ́ɛ̃̀tɛ̀ nɛ̀ yɛsɑ̃ɑ̃
1 Disɑ̃nni kó fɛyɛ̀nfɛ̀.
Kɛtenkɛ̀ kɛmɔu kɔbɛ piɛtɛnɛ̀ ti Yiɛ̀ nKuyie.
2 Mpĩ́nnɛ̀ ti Yiɛ̀ nKuyie ntɔ̃mmú nɛ̀ diwɛ̀ì.
Kɔtɛnɛ̀ní ku borɛ̀ kɛ́ndiènnɛ̀ diwɛ̀ì.
3 Bɑntɛ́nɛ̀ kɛ dò nKuyie nkuù tu ti Yiɛ̀.
Kuù ti dɔ̀ɔ̀ kɛ̀ ti tú ku kɔbɛ,
ku nìtìbɛ̀, ku pìètì kù cɛ̃mmú tì.
4 Kɛ̀ di níí tɑti ku cĩ́ɛ̃̀tɛ̀ di nkù sɑ̃ntí.
Kɛ̀ di tɑ tɛ dɑ̀nkù di ndɛ́úkùnko ku yètìrì,
kɛ́ nkù dɔúnnɛ̀ mutɔ̃mmú, kɛ dɛ́úkùnko ku yètìrì.
5 Ti Yiɛ̀ nKuyie nnìtimu kɛ̀ ku sɑ̀ɑ̀ mbo sɑ̃́ɑ̃̀.