Link to home pageLanguagesLink to all Bible versions on this site
25
Bididɑɑ nɑ̀kɛ́ tì Isɔbu kucɛ mɛtɑ̃ɑ̃́mmɛ̀
1 Kɛ̀ Bididɑɑ Suɑɑ ɛì kouu bɛ́i nkɛ dɔ̀:
 
2 Kuyie nkpeńnìmu kɛ duò tikɔ̃m̀bùɔ̀tì,
kuù bɑkɛ́ kɛĩ́nkɛ̀ kɔbɛ,
kɛ bɛ̀ duɔ́ nkɛ̀ bɛ̀ bo kɛ̀ dɛ̀ bɛ̀ nɑɑti.
3 Ku kó bɛhɑ̃ɑ̃pɔ̀mbɛ̀ we mbo nɑ kɛ́ bɛ̀ kɑ̀ɑ,
ku kó kuwenniku nɛ́ í mí bɛ we ĩ́nkɛ̀?
 
4 Onìtì bo yĩ́mɛ kɛ dɔ̀ ò wetí Kuyie nyììkɛ̀,
Onìtì pɛitɛ́ wè bo yĩ́mɛ kɛ dɔ̀ ò kpɑ mɛyɛi?
5 Otɑ̃̀nkù yie mɛ ntú otɑ̃̀nkù kɛ í mí ku ììkɛ̀,
kɛ̀ siwɑ̃̀ɑ̃ tu siwɑ̃̀ɑ̃ kɛ̀ kù í sì wùó nsisɑ̀ɑ̀sì.
6 Kòo nìtì pɛitɛ́ wè wèè nɛ́ tú dibɛù,
onìtì nwèè tu tɛbɛutɛ̀ weè nɛ́ bo nwennɑɑ̀?

<- Isɔbu 24Isɔbu 26 ->