1 Nora Kotira okaravano koqe okara vairara ti, aniqenavu virara koqeve tiare.
2 Tenavu Nora Kotirara koqeve tiare. Viva ekaa ˻una˼ variqavata uri aatarakero avuni vai Variqavama vaivo.
3 Tenavu Nora Kotirara koqeve tiare. Viva ekaa nora autu vataakavata uri aatarakero nai nora autu vataavama vaivo.
5 Viva nai koqe avu aatoqaa naaruva autu kero vatero viraqaa vai haikaravata autu kero vataivama vaivo.
6 Viva nora namari autukero vatero, viraqihairo vatavata qovarama kero, vuruvi virivi vataivama vaivo.
7 Vivama kuarivata toravata autu kero vataivama vaivo.
8 Viva kuari autu kero vataivaro kuari viva aatitairaqaa raqikiqiro vi vairave.
9 Viva toravata opu makauvata autu kero vataivaro entaqi raqikiqiro vi vairave.
10 Viva Isipi qorainti vainti kara hunka vatataaka arukairave.
11 Viva Isipiqihairo Isareri qaqini ntita vare anirave.
12 Viva nai kempuka kauquqohairo vika ntita varero anirave.
13 Viva tivaro Naare Namarivano hini hini raira virave.
14 Viva nai vaiinti nahenti ntita varero vimanta vika nora namari taqa vare vuarave.
15 ˻Vika hini mantaraini oritaraavaro˼ viva namari qaqi kaivaro namarivano Isipi avuhainaara Pero vaiintivata, vira iqoka vaiintivata, ekaa raqutu kairave.
16 Viva aahara vataini nai vaiinti nahenti ntita varero virave.
17 Viva avuhainaa vaiinti kempuka vataaka arukairave.
18 Viva avuhainaa vaiinti nora autu vataaka arukairave.
19 Viva Amo vatanaaka King Sihonira arukairave.
20 Viva Basaani vatanaaka King Okura arukairave.
21 Viva vika vatavata varakero tinavu nai vaiinti nahenti timirave.
22 Viva vi vatara varakero tinavu Isareri nai kaiqa vaiinti nahenti timirave.
23 Navutaaka tinavu aatarakaa entara viva kia tinavuara tauru karaitiro, qaqi tinavuara iriqiro vi vairave.
24 Viva navutaaka kauquqihairo tinavu kuvantu timitairave.
25 Viva vaiinti nahentive, aantauvahive, ekaa qaqi vai haikara kara nimi vaivama vaivo.
26 Ho kaiqe tenavu naaruvaini vai Variqarara koqeve tivaqi vuare.