1 1 Sml 12.22, Sng 94.14, Jer 31.37, 2 Ko 11.22, Plp 3.5 Anɨb ak yad nɨbop agnɨgebin, God ne binɨb ne kɨlop kud ñɨl pɨsnep kelɨgak akaŋ? Mel yɨbɨl, anɨb ma yɨbɨl gak. Yad abe Yislel bɨ olap, Eblaham nɨsed ne olap, Bejamin jɨj ak mɨdebin. 2 Sng 94.14, Lom 8.29 God ne bɨlel binɨb gos nɨŋɨd, gos ne ke nep kɨdek nɨŋɨd kɨlop aglak okok, kɨlop kud ñɨl pɨsnep ma kelɨgak. Yilayja nop kesɨm buk Baybol tɨkɨlak ak, kesɨm anɨb ak ma nepɨm akaŋ? Yilayja ne Yislel binɨb kɨlop mɨlɨk nɨŋɨd, God nop kɨles gɨl agnɨŋɨd agak, 3 1 Kin 19.10, 19.14 Bɨawl, kɨli bɨ God gos ñek agñeb okok kɨlop paklel kumɨlak agak. Abañ tap nep pak sɨbogep adek ak, pak pal ak yokɨlak agak. Yad nokom bɨ nad mɨdebin ak nɨm, yɨp abe paklun agɨl gos nepal agak. 4 1 Kin 19.18 Agek, God nop pen agak, Bɨyad kuŋay yɨbɨl nep, 7,000 mɨdebal agak. Bɨ anɨb okok, kɨli tap yepɨs agnepal Bal ak nop, kɨgom yɨmɨl ma agnepal agak. 5 Lom 9.27 Anɨb ak nep mɨñɨl ñɨn awl abe, binɨb yep kab olap nep, God kɨlop yɨmug nɨŋɨd gɨtep gɨl, binɨb yad yenɨgel agɨl kɨlop aglup. 6 Lom 4.4-5, Gal 3.18 Yaw, God ne kɨlop yɨmug nɨŋɨd gɨtep gɨl, kɨlop anɨgɨl aglup. Kɨli wog gɨtep gɨpal agɨl kɨlop ma aglup. God binɨb wog gɨpal ak nɨŋɨd kɨlop aglek nɨm, kɨli agɨnɨgel, God chɨnop yɨmug nɨŋɨd gɨtep ma gup agɨnɨgel tek lup. Ne wog chɨn nep nɨŋɨd, chɨnop aglup agɨnɨgel. Pen anɨgɨl ma mɨdeb. God ne binɨb okok kɨlop yɨmug nɨŋɨd gɨtep gɨl, aglup.

7 Lom 9.31, 10.3 Anɨb ak tɨtay dak? Yislel binɨb God ayɨp jɨmñɨl yonɨgabun agɨl, tɨŋɨl lɨ gɨpal ak pen, anɨb ak ma dɨpal. Binɨb ne yad yenɨgel agɨl kɨlop aglak anep, kɨli God ayɨp jɨmñɨl mɨdebal. Pen binɨb ogɨnap, ne gos kɨlop gek chɨbol kɨlop ak ma asɨkak. 8 Lo 29.4, Ais 29.10, Jer 5.21, Jon 12.40, Apo 28.26-27 Buk Baybol ak anɨb ak tek tɨkɨl agɨlak,

11 Apo 13.46, 22.18, 22.21, Lom 10.19 Anɨb ak yad nɨbop agnɨgebin, Yislel binɨb kɨli apyap pakɨlak ak, pɨsnep apyap pakɨl kul gɨnɨgel akaŋ? Mel yɨbɨl, anɨb ma gɨlak. Kɨli pen tap tɨmel gɨlak tek, God ne binɨb Juda mel okok kɨlop tɨg asɨk dak. Ne yad binɨb anɨb okok tɨg asɨk den nɨm, Yislel binɨb kɨli ne chɨnop tek anɨgɨl ma tɨg asɨk dup agɨl, yɨp yɨl ownɨgel agɨl anɨgak. 12 Yislel binɨb kɨli tap tɨmel gel, God ne binɨb lum awl mɨdupsek mɨdebal okok kɨlop dɨtep gup. Pen Yislel binɨb kɨli God gos ne kelɨgɨl apyap pakel, God ne binɨb Juda mel okok kɨlop dɨtep gup. Anɨb ak chɨn nopun, Yislel binɨb kɨli God yɨl adɨkɨd apenɨgabal, God binɨb okok mɨdupsek kɨlop dɨtep yɨbɨl gɨnɨgab.

13 Pen takaw agɨnɨgebin ak, nɨbop binɨb Juda mel okok agɨnɨgebin. Jisas yɨp agek, bɨ takaw nop dad ameb ak mɨdebin. Pen yɨp agyokɨl, binɨb Juda mel okok kɨlop takaw yad ak agñɨnɨmɨn agek nɨm, nɨbop Juda mel okok agñɨneknɨŋ, yɨp tep gup. 14 Pen nɨbop takaw agñɨbin wog ak anɨgen, binɨb yad okok kɨli nɨŋɨd, God ne chɨnop tek anɨgɨl ma tɨg asɨk dup agɨl gos nɨgɨnɨgel. Anɨgek, God kɨlop ogɨnap tɨg asɨk donɨmuŋ. 15 God Yislel binɨb kɨlop kelɨgɨl nɨm, binɨb lum awl mɨdupsek mɨdebal okok kɨlop dɨl ne ayɨp jɨmñɨl lup. Anɨb ak chɨn nopun, God ne Yislel binɨb kɨlop tepayaŋ denɨgab, kɨli binɨb kumɨl tepayaŋ tɨkjakɨpal tek tɨkjakɨnɨgabal.

16 Nam 15.17-21, Ese 44.30 Binɨb kɨli bilet gɨnɨg, tap plaua ned dup won ak dɨl, bilet agɨlɨl dɨl God nop sɨbog ñɨbal. Anɨgel anɨb ak tek, bilet kɨdek ñɨŋɨnɨgabal ak, God tap ne mɨdeb tek mɨdeb. Pen mab kɨdɨl ak God tap ne nep mɨdeb ak, ñɨn kɨd abe God tap ne mɨdeb. 17 Jer 11.16, Apo 2.39, Epe 2.11-19 Yislel binɨb kɨli mab olip teplep ñɨn kɨd ogɨnap tek mɨdebal. Ñɨn kɨd anɨb okok, God kɨlop ogɨnap tɨpag lɨl dɨyokup. Pen nɨbi binɨb Juda mel okok, mab olip be okok ñɨn kɨd ogɨnap tek mɨdebɨm. God nɨbop tɨpag lɨl dad amɨl, mab olip teplep day ak bɨnɨg ñɨl, nag lɨl tɨbɨkup. Anɨgek, nɨbi mab anɨb ak ñɨn kɨd tep dɨyokup okok, tep kɨli ak dɨpɨm. Dɨl, mɨñɨl mab olip teplep mok ne teplep ak, mab ñɨn kɨd ogɨnap dup tek nɨbi abe dɨl, anɨgɨl mɨdtep gɨpɨm. 18 Jon 4.22, 1 Ko 10.12 Anɨb ak nɨm, nɨbi mab olap be okok ñɨn kɨd okok, chɨn teplep mɨdon, mab ñɨn kɨd nedil okok tap yokɨp mɨdeb agɨl gos ma nɨgɨnɨmɨb. Nɨbi gos anɨb agɨl nɨgenɨgabɨm, ak pen nɨbi nɨgtep gɨnɨmɨb. Nɨbi mab ñɨn kɨd okok, mab mok ak kɨdɨl ak nop ma ñɨbɨm. Mel. Mab kɨdɨl ak nɨbop mok ñub. 19 Nɨbi pen anɨgɨl agɨnɨgebɨm, God chɨnop dad amɨl, mab olip teplep day ak bɨnɨg ñɨl, nag lɨl tɨbɨkɨnɨg agɨnɨgebɨm. Chɨnop nag lɨl tɨbɨkɨnɨg, mab olip ñɨn kɨd nedil okok tɨpag lɨl dɨyokup agɨnɨgebɨm. 20 Ais 66.2, Lom 12.16, Plp 2.12 Nɨbi nɨŋɨd agebɨm, kɨli God nop gos ma lɨnɨgɨlak anɨb ak tek, kɨlop tɨpag lɨl dɨyokak. Pen nɨbi God nop gos lɨnepɨm anɨb ak tek, kɨles gɨl jak mɨdtep gɨpɨm. Nɨbi pen pɨlɨkɨl, yɨb nɨbi ke dad aplanɨmɨb tek lup ak nɨgtep gɨnɨmɨb. 21 Mel ak, anɨb ak gos nɨgɨnɨmɨb. Ned God mab olip ñɨn kɨd nedil okok kelɨgek mɨd tɨmel gɨpal. Anɨb ak tek nep, nɨbop abe gɨnɨmuŋ tek lɨnɨgab.

22 Jon 15.2-4, 1 Ko 15.2, Hib 3.14 Anɨb ak, nɨbi God ne bɨ yɨmug nɨgep abe, bɨ mɨlɨk nɨŋɨd yul awl ñeb abe mɨdeb agɨl, anɨb ak gos nɨgtep gɨnɨmɨb. Binɨb nop kelɨgɨl kɨdek ma gɨpal okok, kɨlop mɨlɨk nɨŋɨd yul awl ñub. Nɨbi pen God gos ne kɨdek gɨl dɨtep genɨmɨb, nɨbop yɨmug nɨgup. Pen nɨbi anɨgɨl ma genɨmɨb, nɨbop abe tɨpag lɨl dɨyokɨnɨgab. 23 2 Ko 3.16 Pen mab olip ñɨn kɨd nedil God kɨlop tɨpag lɨl dɨyokup okok, kɨli adɨkɨd God nop gos lɨnɨgenɨgabal, God kɨlop dad amɨl, mab olip teplep day ak bɨnɨg ñɨl, nag lɨl tɨbɨkɨnɨgab. Yaw, God ne kɨlop dɨl bɨnɨg ñɨl, nag lɨl tɨbɨkɨnɨmuŋ tek lup. 24 Nɨb nepɨm, nɨbi ned mab olip be okok ñɨn kɨd ogɨnap tek yebek okok, God nɨbop dad amɨl, mab olip teplep day ak bɨnɨg ñɨl, nag lɨl tɨbɨkup. Pen mab olip teplep anɨb ak, mab nɨbi ke mel. Anɨb ak nɨŋɨd yɨbɨl apun. Mab olip ñɨn kɨd nedil okok, God kɨlop tepayaŋ dad amɨl, mab olip teplep day ak bɨnɨg ñɨl, nag lɨl tɨbɨkɨnɨmuŋ tek lɨnɨgab. God ne koslam gep tek mel, gɨnɨmuŋ tek lup.

25 Luk 21.24, Jon 10.16, Lom 12.16, 2 Ko 3.14, Lep 7.9 Mam ay sɨkop, yad nɨbop takaw we gɨl yolɨgup anɨb ak nɨgtep gɨnɨmɨb agɨl gos nepin. Nɨbi chɨn bɨ gos nɨgep mɨdobun agɨl gos nɨgɨnɨmɨb tek lup ak nɨm, takaw we gɨl yolɨgup anɨb ak nɨbop agen, chɨn bɨ gos nɨgep gos ak ma nɨgɨnɨmɨb. Takaw we gɨl yolɨgup anɨb ak anɨgɨl mɨdeb. Yislel binɨb chɨbol kɨlop ak ma asɨkak ak pen, pel anɨb ma gɨnɨgab. Kɨli anɨgɨl mɨd dad amɨl, God ne binɨb Juda mel okok kɨlop dɨnɨg nɨg lak okok mɨdupsek dɨnɨgab ñɨn ak. 26 Sng 14.7, Ais 59.20, Mat 23.39 Anɨgek, kɨdek Yislel binɨb kɨlop mɨdupsek tɨg asɨk dɨnɨgab. Takaw anɨb ak tek buk Baybol ak tɨkɨl agak,

33 Jop 11.7, Sng 36.6, 92.5, Ais 55.8-9 Ey, God tap tep ne ak, tap kuŋay yɨbɨl teplep yɨbɨl mɨdeb. Ne gos tɨpagɨl yɨbɨl nɨŋɨd, tap okok mɨdupsek gos nɨgtep yɨbɨl gup. Gos ne ak yi okyaŋ mɨdɨl, ñɨg solwala muk okyaŋ tek mɨdeb. Chɨn bɨ okok, gos ne tɨg asɨkep jɨj ak pɨyowɨl nɨgtep gɨnɨgun tek ma yɨbɨl lup. Ne anɨb okok mɨdupsek gup ak, chɨn ne taynen anɨgup agɨl, nɨgtep gɨnɨgun tek ma yɨbɨl lup. 34 Jop 15.8, 36.22, Ais 40.13, 1 Ko 2.16 Buk Baybol ak tɨkɨl anɨb agɨlak,