5
Jon ne mɨj kɨl tɨkɨlak olap nɨgak
1 Ais 29.11, Ese 2.9-10, Dan 12.4 Pen nɨgɨnek, bɨ bɨnonɨm besɨg mɨdep ak yek, mɨj palawl dayday kamɨlak olap, ñɨn yɨpɨd kɨd ak dɨ yek. Mɨj kamɨlak anɨb ak, yɨb okok seŋ adek okok ken tɨkɨl, mɨgan ayaŋ ken tɨkɨl gɨlak. Pen dayday kamɨl, nag keke anep kugul ak tunɨg tep yɨbɨl gɨlak. 2 Pen God ensel ne awl yɨbɨl olap nɨgɨnek. Ensel anɨb ak apɨl, suk awl agɨl agak, Bɨ an tek nag lak awl wɨsɨbɨl, mɨj anɨb awl malakɨnɨgab agak? 3 Anɨb agak ak pen, bɨ wɨsɨp alaŋ akaŋ, lum awl akaŋ, muk okyaŋ ogɨnap akaŋ, mɨj anɨb ak malakɨl nɨgɨnɨgel tek olap ma yelak. 4 Anɨgek nɨgen, mɨj anɨb ak malakɨl nɨgɨnɨgel tek olap ma yelak. Yad anɨb ak nɨŋɨd, chɨb gek chaŋ awl lɨnek. 5 Stt 49.9, Ais 11.1, 11.10, Lom 15.12, Hib 7.14, Lep 6.1, 22.16 Pen bɨawl anep 24 okok, olap yɨp agak, Chaŋ ma lɨnɨmɨn agak. Nɨgan. Bɨ olap yɨb nop ak Chen Layon kɨles tek agɨlak agak. Ne Juda jɨj ak nɨb, bɨnonɨm Depid tɨkek tɨk dad amɨl, nop tɨkelak ne Bɨawl yek agak. Ne bɨ penpen gep ak kɨlop ñag jup tek, mɨj anɨb ak nag anep kugul ak wɨsɨbɨl, malakɨnɨgab agak.
Jon Chag Sipsip Ñɨluk ak nop nɨgak
6 Ais 53.7, Sek 4.10, Jon 1.29, 1.36, Lep 1.4, 4.5, 5.9, 5.12, 13.8 Pen nɨgɨnek, Chag Sipsip Ñɨluk ñag lelak kumak tek olap jakɨl yek. Ne bɨnonɨm besɨg mɨdep abe, tap kɨm mɨdep omɨŋal omɨŋal anɨb okok abe nab sɨŋak yek. Pen bɨawl kuskus gɨl yelak. Chag Sipsip Ñɨluk anɨb ak mablod anep kugul ak, wɨdɨn anep kugul ak lak. Wɨdɨn anep kugul lak takaw jɨj ak, God Kawnan ne ak tam pakɨl anep kugul lup ak. Kawnan ne anɨb ak yokek, lum okok mɨdupsek kɨd kɨd amub. 7 Lep 4.2, 4.10 Pen Chag Sipsip Ñɨluk ak bɨ bɨnonɨm besɨg mɨdep yek ak jɨj sɨŋak amnak. Amɨl, mɨj kamɨl ñɨn yɨpɨd kɨd okok ken dɨ yek ak ne dak. 8 Sng 141.2, Lep 4.8-10, 8.3-4, 15.2 Dak tek, tap kɨm mɨdep omɨŋal omɨŋal anɨb okok sek, 24 bɨawl okok sek, ap kɨli Chag Sipsip Ñɨluk yek sɨŋak kɨgom yɨmɨlak. Bɨawl anɨb okok kɨli tap gita tek okok keke dɨl, kɨnag gol dɨl gɨlak okok keke dɨ yelak. Kɨnag dɨ yelak mɨgan anɨb okok, tap kuy tep owep ak dagɨlel sɨkom kuy tep aplan jakɨl yek. Tap kuy tep owep God nop dagɨlɨlak anɨb ak, binɨb God yɨl yelak okok agnɨgep kɨli tek ak. 9 Sng 33.3, 40.3, 96.1, 98.1, 144.9, Ais 42.10, Apo 20.28, Epe 1.7, Hib 9.12, 1 Pi 1.18-19, 1 Jo 1.7, Lep 14.3 Pen kɨli kɨmep kɨdeyɨl olap agɨl agɨlak,
Nep ñag lelak kumnak ak, binɨb man keke mɨdebal tek, jɨj keke mɨdebal tek, takaw yɨbɨl keke apal tek, wak keke lup tek, ogɨnap God yɨl dɨnak agɨlak. God yɨl dɨnak ak nɨm, nak nokom mɨj kamɨl tunɨg tep gak anɨb ak, dɨ wɨsɨbɨl malakɨnɨmɨn tek lup agɨlak. 10 Kis 19.6, Ais 61.6, 1 Pi 2.5, Lep 1.6, 20.6, 22.5 Nad bɨnonɨm kɨli ak mɨdaknɨŋ, kɨli binɨb God nop sɨbogep okok mɨdɨl, God chɨn anop wog gɨtep gɨlɨg mɨdebal agɨlak. Kɨdek kɨli nad ayɨp, binɨb lum awl kɨlop kodɨnɨgabal agɨlak.
Chag Sipsip Ñɨluk ak yɨb nop dad aplanɨlak
11 Sng 68.17, Dan 7.10, Hib 12.22, Lep 4.4-6 Pen tepayaŋ nɨŋɨd nɨgɨnek, ensel ñɨn juwɨl ñɨn juwɨl, tawsin milion kuŋay yɨbɨl kuŋay yɨbɨl ap yelak. Apɨl bɨnonɨm besɨg mɨdep ak sek, tap kɨm mɨdep omɨŋal omɨŋal okok sek, bɨawl anep 24 okok sek kɨlop puŋɨl kus gɨl agɨl, 12 1 Sto 29.11, Lep 5.6 meg mɨgan dad aplanɨlɨg agɨlak,
Chag Sipsip Ñɨluk nop ñag lelak kumak ak, ne bɨ tep yɨbɨl agɨlak. Ne nɨm, bɨ yɨb awl yɨbɨl mɨdɨl, kɨles dɨl, gos teplep abe nɨŋɨd, tap teplep okok mɨdupsek dɨnɨmuŋ tek yenɨgab agɨlak. Binɨb okok kɨlop tep yɨbɨl gek, nop tep agɨl, yɨb nop dad aplanɨgabal agɨlak.
13 Lom 9.5, Plp 2.10, 1 Ti 6.16, 1 Pi 4.11, Lep 4.2, 4.10, 6.16, 7.10 Pen nɨgɨnek, tap mɨdupsek God ne gɨlak okok, wɨsɨp alaŋ, lum awl, muk okyaŋ, ñɨg solwala nab ayaŋ, okok mɨdupsek agɨl agɨlak,
Bɨ bɨnonɨm besɨg mɨdep ak sek, Chag Sipsip Ñɨluk ak sek, bɨ omɨŋal bɨ yɨb awl yɨbɨl mɨdɨl, kɨles dɨnɨgel agɨlak. Binɨb okok kɨlopmɨŋal tep agɨl, yɨb kɨlop dad aplanɨgel, pel pelnep agɨlak.
14 Anɨb agelak, tap kɨm mɨdep omɨŋal omɨŋal okok agɨlak, Nɨŋɨd apal agɨlak. Anɨb agelak, bɨawl okok kɨli kɨgom yɨmɨl, kɨlopmɨŋal yɨb dad aplanɨlak.
<- Lepelesin 4Lepelesin 6 ->
5:1 Ais 29.11, Ese 2.9-10, Dan 12.4
5:5 Stt 49.9, Ais 11.1, 11.10, Lom 15.12, Hib 7.14, Lep 6.1, 22.16
5:6 Ais 53.7, Sek 4.10, Jon 1.29, 1.36, Lep 1.4, 4.5, 5.9, 5.12, 13.8
5:7 Lep 4.2, 4.10
5:8 Sng 141.2, Lep 4.8-10, 8.3-4, 15.2
5:9 Sng 33.3, 40.3, 96.1, 98.1, 144.9, Ais 42.10, Apo 20.28, Epe 1.7, Hib 9.12, 1 Pi 1.18-19, 1 Jo 1.7, Lep 14.3
5:10 Kis 19.6, Ais 61.6, 1 Pi 2.5, Lep 1.6, 20.6, 22.5
5:11 Sng 68.17, Dan 7.10, Hib 12.22, Lep 4.4-6
5:12 1 Sto 29.11, Lep 5.6
5:13 Lom 9.5, Plp 2.10, 1 Ti 6.16, 1 Pi 4.11, Lep 4.2, 4.10, 6.16, 7.10