6 [d] Anɨb agel, Jisas kɨlop agak, Yɨp aglup ñɨn ak ma owup agak. Pen ñɨn yokɨp okok, ñɨn nɨbi ak nɨm, amnɨg amnɨgabɨm agak. 7 [e] Binɨb lum awl okok, nɨbop nɨŋɨd mɨlɨk nɨgɨnɨgel tek ma mɨdeb agak. Pen yad tap si tap tɨmel gɨpal okok agen nɨŋɨd, yɨp mɨlɨk nepal agak. 8 Juda ñɨn awl ak, nɨbi Jelusalem amnɨmɨb agak. Pen ñɨn yad ak mɨñɨl ma owup tek, yad ma amebin agak. 9 Anɨb agɨl, ne Galili plopens yolɨgup.
10 Pen anɨb agek, nɨmam sɨkop ned amnɨlak. Kɨdek ne amnɨg, mɨseŋ ma amnak, we we gɨlɨg amnak. 11 [f] Pen Juda bɨawl okok, Jisas akal agɨl, binɨb Juda ñɨn awl ak ap yelak okok kɨlop agnɨŋɨd agɨlak, Bɨ anɨb ak akal mɨdeb agɨlak? 12 [g] Pen binɨb okok, takaw kɨmɨgel agɨlɨg agɨlak. Ogɨnap agɨlak, Ne bɨ tep mɨdeb agɨlak. Ogɨnap pen agɨlak, Mel, ne binɨb okok kɨlop yepɨs agup tek agɨlak. 13 [h] Pen binɨb anɨb agɨlak okok, kɨli Juda bɨawl okok kɨlop pɨlɨkɨlak anɨb ak tek, nop tay gup takaw ak mɨseŋ ma agɨlak.
14 Ñɨn awl kɨli anɨb ak, apnan gɨl gelɨgɨpal ñɨn nab sɨŋak nep mɨdaknɨŋ, Jisas apjakɨl, God agnɨgep kal awl kab wali kus gɨl yek ak mɨgan ayaŋ amɨl, kɨlop takaw agñolɨgup. 15 [i] Agñek nɨŋɨd, Juda bɨawl okok gos pal awl lɨl agɨlak, Bɨ nɨm awl sikul ma agak ak pen, taydɨl takaw okok mɨdupsek nɨŋɨd agñub agɨlak.
16 [j] Anɨb agelak, Jisas pen agak, Takaw agñɨbin okok, yad ke nɨŋɨd ma apin agak. Bɨ yɨp agyokek ownek ak nep gos ñek apin agak. 17 [k] Binɨb olap God agup tek gin agɨl gɨ dad amnɨgab ak, takaw apin jɨj ak nɨgtep gɨnɨgab agak. Takaw anɨb ak God nɨb akaŋ, yad ke apin ak nɨgɨnɨgab agak. 18 [l] Bɨ takaw ne ke agup ak, yɨb ne dad aplanɨmuŋ agɨl gos nɨgup agak. Pen bɨ olap nop agyokek, yɨb nop dad aplanɨnɨg owup ak, bɨ takaw yɨpɨd gɨl yɨbɨl agɨl, yepɨs agɨnɨmuŋ tek ma mɨdeb agak. 19 [m] Mosis takaw ñu kɨl tɨkak ak nɨbop ñak ak pen, nɨbi olap takaw adek anɨb okok kɨdek ma gɨpɨm agak. Pen taynen yɨp ñag lɨnɨgebɨm agak.
20 [n] Jisas agek, binɨb okok kɨli agɨlak, Nep an ñag lɨnɨgeb agɨlak? Nad bɨ kɨcheki mulɨk sɨkek mɨdeban ak agɨlak. 21 Agel Jisas pen agak, Yad tap mageptek nokom olap genek, nɨbi mɨdupsek gos pal awl lɨpek agak. 22 [o] Nɨbi Mosis agak tek, ñɨ okok tɨkɨl mɨdɨl, wak tɨbɨlɨkɨpɨm agak. Pen nɨgɨm, gɨpɨm anɨb ak Mosis ne ned mel, nased yes sɨkop ned jɨj gɨl gel nɨm anɨgɨpɨm agak. Pen wak tɨbɨlɨkɨpɨm anɨb ak, ñɨn ogɨnap Juda añɨŋ lep ñɨn awl ak apek, ma kelɨgɨpɨm, monmon wak tɨbɨlɨkɨpɨm agak. 23 [p] Mosis agak tek gɨpɨm anɨb ak tek, añɨŋ lep ñɨn awl chɨn ak bɨ olap nop gen pɨsnep suŋ lak ak, yɨp taynen mɨlɨk nepɨm agak?[q] 24 [r] Anɨb ak tap seŋ okok wɨdɨn mɨdup nɨŋɨd ma bɨlokɨnɨmɨb agak. Nɨgtep gɨl, takaw yɨpɨd gɨl pal ak nɨŋɨd agɨnɨmɨb agak.
28 [u] Pen Jisas God agnɨgep kal awl kab wali kus gɨl yek ak mɨgan ayaŋ mɨdɨl, binɨb okok kɨlop takaw agñɨ mɨdɨlɨg, meg mɨgan dad aplanɨl agak, Nɨbi yɨp nɨgtep gɨl, akal nɨb ownek ak nepɨm akaŋ agak? Pen yad ke gos nɨŋɨd ma ownek agak. Bɨ nɨŋɨd yɨbɨl ak nep, yɨp agyokek ownek agak. Pen nɨbi nop ma nepɨm agak. 29 [v] Yad ke nop nepin agak. Yad ne ayɨp mɨdɨl, yɨp agyokek ownek agak.
30 [w] Anɨb agek, nop dɨl dad amɨl nag lun agɨl nɨgɨlak ak pen, nop anɨgup ñɨn ak ma owak tek, binɨb olap nop ma dɨlak. 31 [x] Pen binɨb kuŋay yɨbɨl kɨli agɨlak, Bɨ anɨb awl ne tap mageptek kuŋay gup agɨlak. Pen ne Bɨ God nop aglup ak, chɨn tay agɨnɨgun agɨlak. Bɨ God nop aglup ak ne kɨdek ownɨgab ñɨn ak, bɨ anɨb awl ne gup tek ma gɨnɨgab agɨlak. Anɨb ak binɨb kuŋay yɨbɨl kɨli Jisas ne ke Bɨ God nop aglup ak agɨl, nop gos lɨnɨgɨlak.
35 Anɨb agek, Juda bɨawl okok kɨli ke agnɨg agnɨg gɨl agɨlak, Ne akal amek, nop pɨyow ma nɨgɨnɨgabun agɨlak? Ne amɨl, binɨb chɨn kɨli Glik man okok ju am mɨdebal okok mɨdɨl, binɨb man anɨb okok kɨlop takaw agñɨlɨg yenɨgab akaŋ agɨlak? 36 Ne agup, Yɨp akal amub agɨl pɨyownɨgabɨm ak pen, ma nɨgɨnɨgabɨm agup agɨlak. Yad akal yenɨgayn ak, nɨbi kɨdek amnɨmɨb tek ma lup agup agɨlak. Takaw anɨb ak taynen agup agɨlak.
50 [ll] Pen bɨ kɨli olap Nikodemus, ne ned Jisas nop nɨgɨnɨg amnak ak, kɨlop agak, 51 [mm] Mosis takaw ñu kɨl tɨkak adek ak anɨb agup, Bɨ olap nop gɨ tɨmel gɨnɨgun agɨl, yokɨp ma ag gɨnɨgun agup agak. Anɨb ak chɨn ned takaw nop nɨŋɨd tɨg asɨkɨl, jɨj olap nɨŋɨd yɨbɨl nɨm, anɨgɨnɨgun agak. 52 [nn] Agek, kɨli pen agɨl agɨlak, Nak abe Galili nɨb tek agɨlak? Buk Baybol ak nɨgtep gɨl nɨg dad amɨl nɨgɨnɨgaban, bɨ God gos ñek agñeb olap Galili nɨb ma ownɨgab agɨlak.
- a Jon 5.18
- b Wkp 23.24, Lo 16.13
- c Mat 13.55, Mak 3.21, Apo 1.14
- d Jon 2.4, 7.8, 7.30, 8.20
- e Jon 3.19, 15.18-19
- f Jon 11.56
- g Mat 21.46, Luk 7.16, Jon 10.19
- h Jon 9.22, 12.42, 19.38, 20.19
- i Mat 13.54, Luk 2.47
- j Jon 3.11, 8.28, 12.49, 14.10
- k Jon 8.43
- l Jon 5.41, 5.44, 8.50
- m Kis 24.3, Lo 33.4, Mat 12.14, Mak 3.6, Apo 7.38, 7.53, Lom 2.21-24
- n Jon 8.48, 8.52, 10.20
- o Stt 17.9-13, Wkp 12.3
- p Jon 5.8-10, 5.16
- q Jisas ne yolɨgup ñɨn ak, Juda ñɨn awl kɨli anɨb ak wog ma gep agelɨgɨpal. Pen kɨli ñɨ olap tɨkɨl, wak tɨbɨlɨkep ñɨn ak Juda ñɨn awl apek, wak tɨbɨlɨkelɨgɨpal. Wak tɨbɨlɨkelɨgɨpal anɨb ak, wog olap gelɨgɨpal ak pen, ñɨn awl anɨb ak ma gɨnɨgun agɨl ma agelɨgɨpal. Mel. Juda ñɨn awl ak abe wak tɨbɨlɨkelɨgɨpal.
- r Wkp 19.15, Lo 1.16-17, Ais 11.3-4, Jon 8.15, Jem 2.1
- s Jon 5.18
- t Mat 13.55, Mak 6.3, Luk 4.22, Jon 7.41, 9.29
- u Mat 11.27, Jon 5.32, 5.43, 8.14, 8.26, 8.55
- v Mat 11.27, Jon 10.15
- w Mak 11.18, Luk 19.47, Jon 7.44, 8.20, 8.37, 13.1
- x Jon 2.23, 8.30, 10.42, 11.45, 12.11, 12.42
- y Jon 13.33, 16.16
- z Hos 5.6, Jon 8.21, 13.33, 13.36, 17.24
- aa Wkp 23.36, Ais 55.1, Jon 4.10, 4.14, 6.35, Lep 22.17
- bb Ais 12.3, 58.11, Ese 47.1, Sek 14.8
- cc Ais 44.3, Jol 2.28, Jon 12.16, 16.7, 20.22, Apo 2.4, 2.17, 2.33
- dd Lo 18.15-18, Jon 1.21, 2.11, 6.14
- ee Jon 1.46, 4.29
- ff 2 Sml 7.12, Sng 89.3-4, 132.11, Jer 23.5, Mai 5.2, Mat 2.5-6, Luk 2.4
- gg Jon 9.16
- hh Jon 7.30
- ii Jon 7.32
- jj Mat 7.29, Mak 1.22
- kk Jon 12.42
- ll Jon 3.1-2
- mm Lo 1.16-17, 19.15
- nn Jon 7.41-42
- oo Bɨ gos nɨgtep gep ogɨnap, kɨli anɨgɨl gos nɨgɨlak, takaw anɨb ak Jon ne kɨl ma tɨkup agɨl gos nɨgɨlak. Kɨli anɨgɨl gos nɨgɨlak, bɨ olap ne kɨdek tɨkup agɨl nɨgɨlak.