1 [a] Pen Juda ñɨn awl kɨli Pasopa apal ak, ñɨn anep kagol anep mɨdaknɨŋ, Jisas man sɨkol Betani amnak. Man anɨb ak, Jisas ned Lasalus nop gek tepayaŋ tɨkjakak. 2 [b] Pen amek, yɨb nop dad aplanɨgun agɨl, tap awl agɨlɨlak. Agɨlelak, Lasalus ak, Jisas ak, bɨ ogɨnap sek besɨg yelaknɨŋ, Mata tap mɨdup okok bɨlok ñek ñɨŋɨlak. 3 [c] Pen Maliya wel kuy tep owep teplep ak mani awl yɨbɨl tawpal ak, botol awl sek dad owak. Dad apɨl, Jisas tob adek ak sog ñɨl, kɨmɨg wɨj ne ak dɨl wikak. Anɨgek, wel kuy tep anɨb ak, kal mɨgan anɨb ak mɨdupsek tawek amnak.
4 [d] Pen Judas Yiskaliyot, Jisas bɨne olap, nop kɨdek chen mɨmug gɨ dad amnɨgab ak, ne agak, 5 [e] Mani awl yɨbɨl tawpal wel anɨb awl tek dap lon tawel, mani dɨl, binɨb yɨmgeptek mɨdebal okok kɨlop ñobɨnop ak tep agak. Wel anɨb ak tawpɨlap ak, kab mɨdup ñɨn juwɨl omɨŋal nokom dɨpɨnop agak.[f] 6 [g] Ne anɨb agak ak pen, binɨb yɨmgeptek mɨdebal okok kɨlop ñɨnɨg ma agak. Mel. Ne bɨ si dep mɨdeb. Pen Jisas bɨne okok, ne mani wad kɨli ak kod mɨdɨl, ogɨnap kɨmɨgel si dolɨgup tek, anɨb agak.
7 [h] Pen Judas anɨb agek Jisas agak, Bin anop ma ag gan agak. Wel anɨb ak yɨp kamnɨgabal ñɨn ak lɨñɨnɨg dak ak nɨm, mɨñɨl dap lɨ ñub agak. 8 [i] Pen binɨb yɨmgeptek okok nɨbi ayɨp pel yenɨgabɨm agak. Yad pen, nɨbi ayɨp pel ma yenɨgayn agak.
12 Mɨnek, binɨb kuŋay yɨbɨl Juda ñɨn awl Pasopa tap ñɨŋɨnɨg owlak okok, kɨli Jisas Jelusalem apeb takaw anɨb ak nɨgɨlak. 13 [l] Anɨb ak nɨŋɨd, albad wɨj tɨk dad apɨl, nop kanɨb nebeŋ pakɨlɨg suk awl agɨlɨg agɨlak,
16 [n] Anɨgak ñɨn anɨb ak, bɨne okok takaw jɨj anɨb ak gos nɨgɨnɨgel tek ma lak. Pen kɨdek God gek Jisas tɨkjakɨl yɨb awl dek ak nɨm, buk Baybol ak tɨkɨl agɨlak ak gos nɨgtep gɨl nɨgɨlak, takaw anɨb ak Jisas nop nokom tɨkɨl agɨlak. Pen binɨb okok Jisas nop gɨtep gɨlak anɨb ak, abe gos nɨgɨlak.
17 [o] Pen binɨb kuŋay yɨbɨl, kɨli ned Jisas Lasalus nop gek tɨkjakek nɨgɨlak okok, takaw anɨb ak ag amɨl apɨl gɨ yelak ak nɨm, 18 binɨb kuŋay tap mageptek gak ak takaw anɨb ak nɨŋɨd, nop kanɨb nab ak nɨgɨnɨg amnɨlak. 19 [p] Anɨgelak, bɨ Pelisi okok nɨŋɨd, kɨli nep agnɨg agnɨg agɨlak, Nɨgɨm, gɨ mel nɨŋɨd kelɨgɨpun agɨlak. Binɨb lum awl mɨdupsek nop kɨdek gebal agɨlak.
23 [r] Agñel, Jisas pen kɨlop agak, Bɨ Olap Ñɨne yɨb awl dɨnɨgab ñɨn ak owup agak. 24 [s] Nɨbop nɨŋɨd yɨbɨl agebin agak. Wit mɨdup ak lum ayaŋ ma yapɨl kumenɨgab, nokom nep yenɨgab agak. Pen lum ayaŋ yapɨl kumenɨgab, jakɨl mɨdup kuŋay yɨbɨl pulɨnɨgab agak. 25 [t] Binɨb olap mɨdtep yɨbɨl gɨnɨm agɨl gos ne ke nɨŋɨd gek amnɨgab ak, kɨdek mɨd tɨmel gɨnɨgab agak. Pen binɨb olap lum awl gos ne ke ma nɨŋɨd kɨmɨgel mɨdenɨgab ak, kɨdek pel pelnep mɨdtep gɨnɨgab agak. 26 [u] Pen binɨb olap wog yɨp gɨñɨnɨg, yɨp kɨdek gɨnɨmuŋ agak. Yad akal yenɨgayn ak, wog gɨñeb yad ak ayɨp nep yenɨgab agak. Pen Bapi binɨb wog yɨp gɨñɨnɨgab ak yɨb nop awl ñɨnɨgab agak.
30 [y] Anɨb agelak, Jisas pen agak, Takaw anɨb ak yɨp nɨgaŋ agɨl ma agup, nɨbop nɨgɨm agɨl agup agak. 31 [z] Mɨñɨl God, ne binɨb lum awl okok kɨlop tɨg asɨk bɨlokɨnɨgab agak. Mɨñɨl pen God, ne bɨawl binɨb lum awl okok kɨlop kod mɨdeb ak, nop dɨyokɨnɨgab agak. 32 [aa] Yad mɨñɨl lum awl mɨdebin ak pen, yɨp dɨl dad aplanenɨgel, binɨb okok mɨdupsek kɨlop gen yɨp yɨl ownɨgabal agak. 33 [bb] Pen Jisas anɨb agak, Yɨp dɨl dad aplanenɨgel agak ak, yad anɨgɨl kumnɨgebin agak.[cc]
34 [dd] Pen binɨb kuŋay ap yelak anɨb okok, nop pen agɨlak, Takaw Mosis ñu kɨl tɨkak ak chɨnop anɨgɨl agɨl agup, Bɨ God nop aglup ak, binɨb okok kɨlop dɨl kod yenɨgab ak, ne pel pelnep yenɨgab agup agɨlak. Anɨb ak taydɨl apan, Bɨ Olap Ñɨne nop dɨl dad aplanenɨgel apan agɨlak? Bɨ Olap Ñɨne anɨb ak, bɨ an agɨlak?
35 [ee] Agel Jisas kɨlop agak, Mɨlek ak, nɨbi ayɨp yep sɨkol won olap nep yenɨgab agak. Mɨdeb won awl nɨm, mɨlek nɨb ayɨp mɨdɨl, mɨlek sek nɨgtep gɨ ajenɨmɨb agak. Mel ak, kɨsɨlɨm apɨl nɨbop yuwɨg dɨnɨgab agak. Bɨ kɨsɨlɨm owup ak ajɨlɨg, akal ameb agɨl nɨgtep ma gɨnɨgab agak. 36 [ff] Pen won awl ak mɨlek nɨb ayɨp mɨdeb anɨb ak, nɨbi mɨlek anop gos nɨgɨnɨmɨb agak. Anɨgenɨmɨb, binɨb mɨlek sek okok yenɨmɨb agak.
42 [kk] Ak pen, Juda bɨawl kuŋay abe kɨli Jisas nop gos lɨnɨgɨlak. Pen bɨ Pelisi okok kɨli chɨnop pɨsnep agyokel, kɨdek apnan gɨpal kal ak ma amnɨgabun agɨl, Jisas nop gos lɨnɨgɨlak anɨb ak mɨseŋ ma agñɨlak. 43 [ll] Gɨlak anɨb ak, binɨb okok yɨb chɨnop dad aplanɨgel agɨl gɨlak. Pen God yɨb chɨnop dad aplanɨmuŋ agɨl ma nɨgɨlak.
47 [pp] Binɨb takaw yad ak nɨŋɨd kɨdek ma gɨnɨmuŋ ak, yad ke nop tɨg asɨk lɨl ma bɨlokɨnɨgayn agak. Yad ownek ak, binɨb okok kɨlop tɨg asɨk lɨl bɨlokɨnɨg ma ownek, kɨlop tɨg asɨk dɨnɨg ownek. 48 [qq] Pen binɨb yɨp kelɨgɨl, takaw yad ma dɨpal okok, tap olap kɨlop tɨg asɨk lɨl bɨlokɨnɨgab agak. Ñɨn awl kɨdek ak apek, takaw apin ak ke kɨlop tɨg asɨk lɨl bɨlokɨnɨgab agak. 49 [rr] Takaw apin okok, yad ke nɨŋɨd ma apin agak. Bapi yɨp agyokek ownek ak, ne ke takaw adek ak yɨp agek, takaw nop ak dɨl agɨnɨm agak. 50 [ss] Pen yad nepin, Bapi takaw ne adek ak binɨb okok kɨlop gek, pel pelnep yenɨgabal agak. Anɨb ak tek, takaw yad apin okok, Bapi yɨp takaw agup tek nep apin agak.
<- Jon 11Jon 13 ->- a Jon 11.1, 11.43
- b Luk 10.40
- c Luk 7.37-38, 10.38-39, Jon 11.2
- d Jon 18.3
- e Mat 19.21
- f Kab ñɨn juwɨl omɨŋal nokom anɨb ak, sap yeb nokom olap wog gɨl dɨnɨgaban.
- g Jon 13.29
- h Jon 19.40
- i Lo 15.11, Mat 26.11, Mak 14.7
- j Jon 11.43-44
- k Jon 11.45, 12.18
- l Sng 118.25-26, Mat 27.42, Jon 1.49
- m Sek 9.9
- n Luk 18.34, Jon 2.22, 7.39, 14.26
- o Jon 11.43-44
- p Jon 11.48
- q Luk 19.3, 23.8, Jon 1.44
- r Jon 13.31-32, 17.1
- s 1 Ko 15.36
- t Mat 10.39, 16.25, Mak 8.35, Luk 9.24, 17.33
- u Jon 14.3, 17.24, 1 Te 4.17
- v Sng 6.3, 42.5, Mat 26.38, Luk 12.50, 22.53, Jon 18.37
- w Mat 3.17
- x Apo 23.9
- y Jon 11.42
- z Mat 12.29, Luk 10.18, Jon 9.39, 14.30, 16.11, Apo 26.18, Epe 2.2
- aa Jon 3.14, 8.28, Lom 5.18, Hib 2.9
- bb Jon 18.32
- cc Jisas ne anɨb agak, Bɨ okok yɨp mab bak alaŋ dad aplanɨgabal agak. Agek nɨŋɨd, bɨ gos nɨgep ogɨnap anɨb agɨlak, Anɨgenɨgab, God Jisas nop dad man ne alaŋ amnɨgab agɨlak. Pilipay 2.9-11 nɨgɨnɨmɨb.
- dd Sng 89.4, 89.36, 110.4, Ais 9.7, 53.8, Ese 37.25, Dan 2.44, 7.14, Mai 4.7
- ee Jer 13.16, Jon 1.9, 7.33, 8.12, 11.10, Epe 5.8, 1 Jo 2.10-11
- ff Epe 5.8
- gg Jon 2.11
- hh Ais 53.1, Lom 10.16
- ii Ais 6.9-10, Mat 13.15
- jj Ais 6.1
- kk Jon 7.48, 9.22
- ll Jon 5.44
- mm Mat 10.40, Mak 9.37, 1 Pi 1.21
- nn Jon 14.9
- oo Jon 3.19, 8.12, 9.5, 9.39, 12.35
- pp Jon 3.17, 5.45, 8.15, 8.26
- qq Lo 18.19, Mak 16.16, Luk 10.16, Hib 4.12
- rr Lo 18.18, Jon 8.38, 14.10
- ss Jon 8.26-28