1 Ezi i mpendua ya bantu ba mu lupua lwakua Esau. (Esau i Edomu). 2 [a]Esau waupile banakazi ba mu Kanaani: Ada mwana mwanakazi mwina Eloni Muhiti i waali mukazi wa mambo. Mukazi wa bubili waali wakuutua Oholibama mwana mwanakazi mwina Ana, mwinzikulu wakua Sibeoni Muhivi. 3 [b]Mukazi wa butatu waali wakuutua Basemati mwana mwanakazi mwina Isimaeli, ndumeze kwa Nebayoti. 4 Ada waavyele, Elifasi. Basemati waavyele, Rueli. 5 Oholibama waavyele Yeusi ni Yalama pamo ni Kora. Babo bonse baana balalume i baana bena Esau baavyaliilue mu kyalo kya Kanaani.
6 Esau waatweme bakazi bakue pamo ni baana bakue balalume ni banakazi, pamo ni bantu bonse ba mu nghanda yakue, kabili waatweme biteekua byakue byonse ni bunonsi bonse bu-aanonkele mu kyalo kya Kanaani. Waamusiile mwalawakue Yakobo ni kuya kwikala ku kyalo kinge. 7 Ba-aandilue kwikala pamo pantu bunonsi bwabo bwaali bwavulile, kabili mu kyalo kibailemo, temwaali nkendo pantu nama yabo yaali yavulile. 8 Esau, i Edomu, waile kwikala ku kyalo kya mpili kya Seiri.
9 Ezi i nvyalo yakua Esau kikolue wa Baedomu ba mu kyalo kya mpili kya Seiri. 10 Aza i meena a baana balalume bena Esau: Elifasi mwana mwalalume mwina Ada muka Esau. Rueli mwana mwalalume mwina Basemati muka Esau. 11 Baana balalume bena Elifasi ni baba: Temani, ni Omari, ni Zefo, ni Gatamu pamo ni Kenasi. 12 Timuna waali mukazi mwanike muka Elifasi mwana mwalalume mwina Esau. Timuna waamuvyaliile Elifasi mwana mwalalume liina lyakue Amaleki. Baba bonse i baana balalume bena Ada muka Esau. 13 Baana balalume bena Rueli ni baba: Nahati, ni Zera, ni Sama, pamo ni Miza.
14 Baana bena Esau baavyelue na Oholibama mwana mwanakazi mwina Ana, mwinzikulu wakua Zibeoni, baali baana batatu balalumenke. Ni meena abo ni aza: Yeusi, ni Yalamu pamo ni Kora.
15 Baba i babikolue ba nvyalo yakua Esau. Baana bena Elifasi libeli wakua Esau, meena abo ni aza: Lisiiko Temani, ni Omari, ni Zefo, ni Kenasi, 16 ni Kora, ni Gatamu, pamo ni Amaleki. Baba i babikolue baafumine kuli Elifasi mu kyalo kya Edomu. Baba i baana balalume bena Ada.
17 Baana balalume bena Rueli mwana mwalalume mwina Esau, meena abo ni aza: Lisiiko Nahati, ni Zera, ni Sama pamo ni Miza, baba i babikolue baafumine kuli Rueli mu kyalo kya Edomu. Baba i baana balalume bena Basemati muka Esau.
18 Baana balalume bena Oholibama muka Esau, meena abo ni aza: Lisiiko Yeusi, ni Yalamu pamo ni Kora, baba i babikolue baafumine kuli Oholibama mwana mwanakazi mwina Ana muka Esau. 19 Babo bonse i baana balalume bena Esau, kabili i babikolue ba Baedomu.
20 Baana balalume bena Seiri Muhori, bene kyalo, meena abo ni aza: Lotani, ni Sobali, ni Sibeoni, ni Ana, 21 ni Disoni, ni Ezeri pamo ni Disani. Babo bantu i babikolue baafumine ku Bahori, baana balalume bena Seiri mu kyalo kya Edomu.
22 Baana balalume bena Lotani, meena abo ni aza: Hori ni Hemamu. Lotani waali ni nkaziize liina lyakue Timuna.
23 Baana balalume bena Sobali, meena abo ni aza: Alwani, ni Manahati, ni Ebali, ni Sefo pamo ni Onamu.
24 Baana balalume bena Sibeoni, meena abo ni aza: Aya ni Ana. Ozu Ana i olia waasangile nsulo ya menda a mwenzi mu kaseeba lu-aali wasunga punda yakua se Sibeoni. 25 Meena a baana bena Ana ni aza: Disoni ni Oholibama waali mwana mwanakazi mwina Ana. 26 Baana balalume bena Disoni, meena abo ni aza: Hemudani, ni Esibani, ni Itirani pamo ni Kerani.
27 Baana balalume bena Ezeri, meena abo ni aza: Bilihani, ni Zawani pamo ni Akana.
28 Baana balalume bena Disani, meena abo ni aza: Uzi ni Arani.
29 Babikolue baafumine mu Bahori, meena abo ni aza: Lotani, ni Sobali, ni Sibeoni, ni Ana, 30 ni Disoni, ni Ezeri, pamo ni Disani. Baba i babikolue ba Bahori, kukonkana ni mikowa yabo mu kyalo kya Seiri.
31 Baba i bamakolo baateekele mu kyalo kya Edomu lukwaali tekunabe likolo ku Baizraeli.
40 Babikolue baafumine kuli Esau mu lupua lwabo ni mu nkendo yabo, meena abo ni aza: Timuna, ni Alwa, ni Yeteti, 41 ni Oholibama, ni Ela, ni Pinoni, 42 ni Kenasi, ni Temani, ni Mibusari, 43 ni Magdieli pamo ni Irama. Baba i baali babikolue ba Baedomu baali baikeele mu kyalo kibaapeelue. Esau i kikolue wa Baedomu.
<- KUTENDEKA 35KUTENDEKA 37 ->