யெகோவாவின் பணியாட்களே, நீங்கள் அவரைத் துதியுங்கள்,

யெகோவாவினுடைய ஆலயத்திலும் ஊழியம் செய்கிறவர்களே, நீங்கள் அவரைத் துதியுங்கள்.

அவருடைய பெயருக்குத் துதி பாடுங்கள், அது இனிமையானது.

இஸ்ரயேலரைத் தமது அருமைச் சொத்தாய் இருக்கும்படி தெரிந்துகொண்டார்.

நமது யெகோவா எல்லாத் தெய்வங்களைப் பார்க்கிலும்,

மேலானவர் என்பதையும் நான் அறிவேன்.

கடல்களிலும், அவைகளின் எல்லா ஆழங்களிலும்

யெகோவா தமக்கு விருப்பமான எதையும் செய்கிறார்.

மழையுடன் மின்னலையும் அவர் அனுப்புகிறார்,

காற்றை தமது சேமிப்புக்கிடங்கிலிருந்து வெளியே புறப்படச்செய்கிறார்.

மனிதரின் முதற்பேறுகளையும் மிருகங்களின் தலையீற்றுகளையும் அழித்தார்.

அவர் தம்முடைய அடையாளங்களையும் அதிசயங்களையும் உன் மத்தியில் அனுப்பினாரே.

வலிமைமிக்க அரசர்களைக் கொன்றார்;

பாசானின் அரசன் ஓகையும்,

கானானின் அரசர்கள் எல்லோரையும் அழித்தார்,

தமது மக்களாகிய இஸ்ரயேலருக்கு உரிமைச்சொத்தாகக் கொடுத்தார்.

யெகோவாவே, உமது புகழ் தலைமுறை தலைமுறையாக நிலைக்கும்.

தம் அடியார்கள்மேல் இரக்கங்காட்டுவார்.

மனிதருடைய கைகளினால் செய்யப்பட்டதுமாய் இருக்கிறது.

அவைகளுக்குக் கண்களிருந்தும் காணாது.

அவைகளுடைய வாயிலே சுவாசமுமில்லை.

அவைகளை நம்புகிற எல்லோரும் அவைகளைப்போலவே இருக்கிறார்கள்.

ஆரோன் குடும்பத்தாரே, யெகோவாவைத் துதியுங்கள்;

அவருக்குப் பயந்து நடக்கிறவர்களே, யெகோவாவைத் துதியுங்கள்.

சீயோனிலிருந்து துதி உண்டாகட்டும்.