9 दाऊदसे पाङ्बा चु मोलम खतना लबा यहूदीगदेला लागिरी जे हिन्ना? आहिन। तर खतना आलबा अर्गु य्हुलला म्हिगदेला लागिरीनोन हिन्ना। तिग्दा भिसम अब्राहामसे परमेश्वरदा विश्वास लबासे लमा परमेश्वरसे थेदा ह्राङदा सेम निबा म्हि हिन्ना भिसी सुङ्जी भिबा ताम य्हाङसे पाङ्मुला। 10 अब्राहामदा परमेश्वरसे खाइमा तिगै दोष आरेबा म्हि हिन्ना भिसी सुङ्जी? थेसे ठिम अन्छार खतना लबा भन्दा ङाच्छा कि लिच्छा? तर खतना लबा भन्दा ङाच्छान सुङ्बा हिन्ना। 11 लिच्छा अब्राहामला खतना लजी, ओच्छे चु चा थेसे लबा विश्वाससे लमा खतना तबा भन्दा ङाच्छान परमेश्वरसे थेदा ह्राङदा सेम निबा म्हि भिसी सुङ्बाला चिनु हिन्ना। ओच्छे खतना आलसैनोन विश्वासग्याम परमेश्वरसे ह्राङदा सेम निबा म्हि भिसी सुङ्बा जम्मान म्हिगदेला थे आबा दोगै भिसी चुह्रङ् तबा हिन्ना।[c] 12 थेह्रङ् लसी यहूदीगदे खतना लबासे लमा आहिन, तर थेनीगदेसेनोन अब्राहामसे ह्रङ् लसीन खतना लबा भन्दा ङाच्छा विश्वास लसी भ्रबासे लमान अब्राहाम थेनीगदेलाएनोन आबा दोजी।
16 परमेश्वरसे लबा दयामायाथोरी भर लगै भिसी थेसे लबा कबुल विश्वासग्यामसे जे याङ्ला। चुनोन दयामायाग्यामसे अब्राहामला जम्मान सन्तानसे परमेश्वरसे लबा कबुल याङ्ला भिसी पक्का लबा मुला। चु कबुल ठिम मुबागदेला लागिरी जे आहिन, तर अब्राहामसे ह्रङ्बान विश्वास लबा म्हिगदेला लागिरीनोन हिन्ना। तिग्दा भिसम अब्राहाम य्हाङ जम्मालान आबा हिन्ना।[f] 17 परमेश्वरसे अब्राहामदा सुङ्बा ताम बचनरी चुह्रङ् लसी भ्रिबा मुला, “ङाइ एदा जम्मान य्हुलला म्हिगदेला आबा स्होबा मुला।” तिग्दा भिसम परमेश्वरला ङाच्छा अब्राहाम य्हाङ जम्मालान आबा हिन्ना। सिबागदेदा सोना लबादेन आरेबा स्हेदा बचनग्यामसेन स्होबा परमेश्वरदा अब्राहामसे विश्वास लजी।[g]
18 कोला तला भिसी आशनोन आरेबा धुइरी परमेश्वरसे “एला कोलागदे मुला सार ह्रङ्नोन झ्यासीन झ्याआखम्बाधोना तला” भिसी सुङ्बा तामरी आश लसी विश्वास लजी। चुह्रङ् लसी थे ल्हानान य्हुलला म्हिगदेला आबा दोजी।[h] 19 अब्राहाम ओस्पन ग्यार्जा गिक दिङ तसी जिन्बा मुबा। ह्राङ खेप्बा दोसी सिइ लबा धुइ तजी भिबा तामदेन ह्राङला म्रिङ साराग्याम कोला आत भिबा ताम था याङ्सीनोन थेला विश्वास कमजोर आतनी।[i] 20 परमेश्वरसे पिन्ना भिसी कबुल लबा तामरी थेसे तिगै शङ्का आलना विश्वासरी झन कोङ्सी चिजी, ओच्छे चुनोन विश्वासग्याम थेसे परमेश्वरदा मानदेन जयजयकार लजी। 21 परमेश्वरसे लबा कबुल पूरा लखम्ला भिबा ताम अब्राहामदा पक्का था मुबा। 22 चुह्रङ्बा विश्वाससे लमान परमेश्वरसे अब्राहामदा “ह्राङदा सेम निबा म्हि हिन्ना” भिसी सुङ्जी। 23 “परमेश्वरदा सेम निबा म्हि हिन्ना” भिसी सुङ्बा ताम चा अब्राहामला लागिरी जे भ्रिबा आहिन, 24 तर य्हाङला लागिरीनोन भ्रिबा हिन्ना। य्हाङ न्हङला जुन म्हिसे य्हाङला प्रभु येशूदा सिबाग्याम सोना लबा परमेश्वरदा विश्वास लला, थेनीगदेदाएनोन परमेश्वरसे ह्राङदा सेम निबा म्हि हिन्ना भिसी सुङ्ला। 25 य्हाङला पापला दोष मेटब लबाला लागिरी येशूदा साइजी, ओच्छे य्हाङदा परमेश्वरदा सेम निबा म्हि हिन्ना भिसी म्हन्बाला लागिरी थेदा सिबाग्याम सोना लजी।[j]
<- रोमी 3रोमी 5 ->