1 परमेश्वरला मन्दिररी पूजा लबा खजिबै मुल म्हि धम्मा म्हिगदे न्हङग्यामनोन धम्मुला। म्हिगदेला साटोरी परमेश्वरदा फुल्तोःबा पापला बलिदेन भेटी फुल्बाला लागिरी थेदा धम्बा हिन्ना। 2 थे मुल म्हिसे आसेबा आघोबादेन ग्याम थोर्सी भ्रबागदेदा आछेर्ना ज्यना लसी घोना लखम्मुला। तिग्दा भिसम थे ह्राङएनोन कमजोर म्हि हिन्ना। 3 थेतबासेलमा स्य्हान्दो म्हिगदेला पापला लागिरी जे आहिन, तर थेसे ह्राङला पापला लागिरीनोन बलि फुल्तोःमुला।
4 खालै म्हिसे ह्राङला सेमसे म्हाइजी भिदेमा परमेश्वरला मन्दिररी पूजा लबा मुल म्हिसे याङ्बा मान आयाङ्। तर परमेश्वरसेन थे मान याङ्बा म्हि स्होबारी धम्ला। थेह्रङ् लसीन हारूनदाएनोन थेनोन परमेश्वरसे धम्जी।[a] 5 चुह्रङ् लसी ख्रीष्टसेनोन ह्राङनोन परमेश्वरला मन्दिररी पूजा लबा मुल म्हि दोबारी मान आम्हाइनी। तर थेदा
7 येशू जम्बुलिङरी म्हि दोसी धन्छ्यामा ल्हानान क्रासी ह्राङदा सिबाग्याम सोना लखम्बा परमेश्वरदेन छ्याम प्रार्थना लजी। ओच्छे सोजो तसी कुल्बा ताम ङ्यान्बासे लमा परमेश्वरसे थेला प्रार्थना सान्जी। 8 येशू परमेश्वरला झा तसीनोन ह्राङसे नाबा दुखग्याम परमेश्वरसे कुल्बा ताम ङ्यान्बारी लोप्जी। 9 येशू जम्मान तामरी पाको तमाहेन्से थे ह्राङसे कुल्बा ताम ङ्यान्बा जम्मान म्हिगदेला लागिरी जुकजुकधोना थार्बा पिन्बा मुहान दोजी। 10 ओच्छे परमेश्वरसेन थेदा मल्कीसेदेकदा ह्रङ्नोन परमेश्वरदा तेन्बा मुल म्हि दोबारी धम्जी।