5 थेतबासेलमा जम्बुलिङरी फेप्खबा धुइरी ख्रीष्टसे परमेश्वरदा चुह्रङ् भिसी सुङ्जी,
8 ख्रीष्टसे ङाच्छा चुह्रङ् भिसी सुङ्जी, “जन्तुगदेला बलिदेन अन्न बलिगदे ओच्छे बलि फुल्बा ग्लारी ख्राङ्सी पिन्बा जन्तुला बलिदेन पाप मेटब तबाला लागिरी फुल्बा बलि किन्बारी ह्राङ आताङ्नी।” चु जम्मान बलिगदे चा मोशादा पिन्बा ठिम अन्छार मुसैनोन चुह्रङ् भिसी सुङ्जी। 9 ओच्छे दोःसी ख्रीष्टसे चुह्रङ् भिसी सुङ्जी, “स्हीगो, ह्राङसे म्हन्बा ताम पूरा लबाला लागिरी ङा खबा मुला।” लिच्छाला ठिमदा सदनना लागिरी थान्बारी ख्रीष्टसे ङाच्छाला ठिमदा भ्याङ्जी। 10 परमेश्वरसे म्हन्बा ताम पूरा लबारी येशू ख्रीष्टसे ह्राङलान ल्हुइ बलि फुल्जी। चुनोन बलिग्याम य्हाङदा सदनना लागिरी चोखो स्होबा मुला।
11 परमेश्वरला मन्दिररी पूजा लबा जम्मान म्हिगदेसे ङाच्छाला ठिम अन्छार सदन परमेश्वरला ङाच्छा निसी घरिघरि खाल गिकलान बलि फुल्बा गे लमुला। तर थेह्रङ्बा बलिसे खाइमै पापला दोष मेटब आतमुला।[b] 12 तर ख्रीष्टसे मी पापगदेला दोष सदनना लागिरी मेटब लबारी ह्राङलान ल्हुइदा बलि गिक स्होसी फुल्जी। ओच्छे थे परमेश्वरला दाहिने छ्यापट्टि मुल ठिरी धन्छ्याजी।[c] 13 परमेश्वरसे थेला शत्रुगदेदा थेला काङ धिरी आथान्तेधोना थे थेरीन भ्रान्सी धन्छ्याला। 14 तिग्दा भिसम बलि गिकग्यामसेन थेसे चोखो स्होबा म्हिगदेदा सदनना लागिरी थेसे तिगै दोष आरेबा स्होबा मुला।
15 ओच्छे परमेश्वरला आत्मासेनोन चुला बारेरी य्हाङदा चुह्रङ् लसी उन्बा मुला,
26 तिग्दा भिसम सत्य ताम था याङ्सीनोन चुदे दोःसी पाप लबाला लबान लजी भिसम य्हाङसे लबा पापला दोष मेटब लबारी अर्गु खजिबै बलिदान आरे। 27 तर थेह्रङ्बा पाप लबागदे चा परमेश्वरला शत्रुगदेदा नाश लबा ल्हानान घ्रेन मेदेन परमेश्वरसे पिन्बा लोङ्बा खबा सजाय भ्रान्सी चितोःबा जे मुला।[g] 28 चुदे खालै म्हिसे परमेश्वरसे मोशादा पिन्बा ठिम आङ्यान्ना भ्रबा ताम म्हि न्ही सोमसे म्राङ्सी पाङ्जी भिसम थे ठिम आङ्यान्बा म्हिदा तिगै दया आउन्ना साइतोःबा मुबा।[h] 29 थेह्रङ् भिसम परमेश्वरला झादा बिरोध लबा म्हिसे झन गाते ल्हाना सजाय याङ्ला। तिग्दा भिसम थेसे ह्राङदा पापग्याम फेसी चोखो तना लबादेन परमेश्वरसे लबा कबुलदा पूरा लबा ख्रीष्टला कादा गे आखेल्बा स्हे स्होबा मुला, ओच्छे दयामाया पिन्बा परमेश्वरला आत्मादा बिरोध लबा मुला।[i] 30 तर चुह्रङ् भिसी सुङ्बा परमेश्वरदा य्हाङसे ङोसेबा मुला, “बदला किन्बा गे ङाला हिन्ना, ङाइ थेनीगदेसे लबा गे अन्छारला सजाय पिन्ना”। ओच्छे दोःसी, “परमप्रभुसे ह्राङला म्हिगदेला ठीक निसाफ लला” भिसीएनोन सुङ्बा मुबा।[j] 31 पाप गे लबागदे छोन्बो परमेश्वरला छ्यारी परब तबा चा लोङ्बा खबा ताम हिन्ना।
32 एनीगदेसे येशू ख्रीष्टला बारेरी लोप्बा ङाच्छाला धिनगदेदा थाम्लेःगो। जमा धुइरी एनीगदेसे ल्हानान दुख नातोःसै विश्वासरी कोङ्सी चिबा मुबा। 33 खाइमाम एनीगदेसे जम्मान म्हिला ओन्छाङरी दुखदेन हेला नाजी। ओच्छे खाइमाम एनीगदेसे दुखरी परब तबागदेदा ह्रो लजी। 34 एनीगदेसे झ्याल्खानरी परब तबागदेदा ह्रो लजी। ओच्छे ह्राङदेन छ्याम मुबा जम्मान धन सम्पत्ति ब्यन्माएनोन एनीगदेसे ताङ्सी ताङ्सी नाजी। तिग्दा भिसम जुकजुकधोना चिबा अझ घ्रेन सम्पत्ति ह्राङदेन छ्याम मुला भिबा ताम एनीगदेदा था मुबा।
35 थेतबासेलमा एनीगदेसे विश्वासग्याम जुन आँट याङ्बा मुला थे थाख्लागो। चुग्यामसेन एनीगदेसे घ्रेन इनाम याङ्ला। 36 परमेश्वरदा सेम निबा गे लबारीदेन परमेश्वरसे पिन्ना भिसी कबुल लबा तामगदे याङ्बाला लागिरी भ्रान्सी चितोःबा मुला। 37 तिग्दा भिसम बचनरी चुह्रङ् भिसी भ्रिबा मुला,