7 टुरोसग्याम ङनी समुन्द्रला ग्याम तबान टोलेमाइस भिबा ग्लारी धोखजी। जमाहेन्से थेरी मुबा प्रभुदा विश्वास लबागदेदा स्याप्सी ङनी थेनीगदेदेन छ्याम तिरे चिजी। 8 न्हङगरदङ ङनी थे ग्लाग्याम थोन्सी कैसरिया भिबा शहररी धोखजी, ओच्छे ङनी थार्बा पिन्बा समाचार थेःना लबा फिलिप[a] भिबा म्हिला दिमरी वाङ्जी। थे फिलिप यरूशलेमरी धम्बा गोर निस न्हङला गिक मुबा।[b] 9 थे फिलिपला ब्याह आलबा झामे ब्लि मुबा। थेनीगदेसे परमेश्वरग्याम खबा ताम पाङ्मुबा।
10 ङनी तिगै रेधोना थेरी चिबा धुइरी यहूदिया भिबा ग्लाग्याम अगाबस भिबा अगमवक्ता गिक ङनी मुबा ग्लारी खजी।[c] 11 थे अगमवक्ता ङनी मुबा ग्लारी खसी पावलला केः किन्सी ह्राङलान काङ या खीजी। थेसे “चु केः जुन म्हिला हिन्ना थेदा यरूशलेमरी यहूदीगदेसे चुह्रङ्नोन लसी खीला। ओच्छे अर्गु य्हुलला म्हिगदेला यारी जिम्मा पिन्ना भिसी परमेश्वरला आत्मासे सुङ्बा मुला” भिसी भिजी।
12 चु ताम थेःसी थेरी मुबागदेदेन ङन्से पावलदा यरूशलेमरी थाफेप्गो भिसी बिन्ती लजी। 13 तर पावलसे थेनीगदेदा “तिग्दा एनीगदे क्रासी ङाला सेम क्राना लबा? प्रभु येशूला लागिरी ङा झ्याल्खानरी चिबा जे आहिन, तर यरूशलेमरी सिबारीनोन तयार मुला” भिसी जोहाब पिन्जी। 14 ङन्से पावलला सेम दोःबारी आखम्माहेन्से “प्रभुसे जुन म्हन्बा मुला थे ताम पूरा तगै” भिसी ङनी कुटिसी चिजी।
15 जमाहेन्से ङनी ह्राङ ह्राङला सामानगदे तयार लसी यरूशलेमपट्टि निजी। 16 ङन्देन छ्याम कैसरिया भिबा ग्लाला कोइ कोइ प्रभुदा विश्वास लबागदेएनोन निजी। ओच्छे थेनीगदेसे ङन्दा ङाच्छाहेन्सेन प्रभुदा विश्वास लबा साइप्रस भिबा ग्लाला मनासोन भिबा म्हिला दिमरी बास चिबाला लागिरी भजी।
20 चु ताम थेःमाहेन्से थेनीगदेसे परमेश्वरला जयजयकार लजी। जमाहेन्से थेनीगदेसे पावलदा चुह्रङ् भिसी भिजी, “आले, चुरीनोन झ्यासीन झ्याबारी आखम्बाधोनाला यहूदीगदेसे परमेश्वरदा विश्वास लसी मोशासे पिन्बा ठिम अन्छार ज्यना लसी भ्रमुला। 21 ह्राङसे अर्गु य्हुल्सारी चिबा यहूदीगदेदा एनीगदेसे ह्राङला कोलागदेला खतना थालउ। ओच्छे मोशासे पिन्बा ठिम अन्छार आलसै तला भिसी लोप्बा मुला रो भिबा ताम थेनीगदेसे थेःबा मुला। 22 दाहेन्से तिग लसे? थेनीगदेसे ह्राङ चुरी फेप्खजी भिबा पक्कान थेःला। 23 थेतबासेलमा ङन्से ह्राङदा पाङ्बा अन्छार लउ, चुरी परमेश्वरदेन छ्याम कबुल लबा म्हि ब्लि ङन्देन छ्याम मुला। 24 चुगदेदा भोर्सी ह्राङएनोन चुगदेदेन छ्यामनोन चोख्याब तउ, ओच्छे चुगदेदा तोःबा खर्च ह्राङसेन युसी पिन्गो। जमाहेन्से चुगदेसे क्रा भ्रेगै। ह्राङसे चुह्रङ् लसी मोशासे पिन्बा ठिम अन्छार लबा म्राङ्सी ह्राङला बारेरी चुगदेसे थेःबा जम्मान ताम सत्य आहिन्बा चीम भिसी था याङ्ला। 25 तर ङन्से सल्लाह लसी प्रभुदा विश्वास लबा अर्गु य्हुलला म्हिगदेदा ह्राङनीसे मूर्तिदा बलि पिन्बा तिगै स्हेगदे, कादेन खारे च्यार्सी साइबा जन्तुला स्या थाचउ, ओच्छे स्य्हान्दोदेन छ्याम ब्रेल्सी थाभ्रउ भिसी चिठी भ्रिबा मुला।”
26 जमाहेन्से न्हङगरदङ थे म्हि ब्लिदा भोर्सी ह्राङदाएनोन थेनीगदेदेन छ्यामनोन चोख्याब लजी, ओच्छे चोख्याब लबा धिन खाइमा जिन्ना भिबादेन थे म्हिगदेला लागिरी बलि खाइमा फुल्बा भिसी परमेश्वरला मन्दिररी पूजा लबा म्हिदा पाङ्बारी पावल परमेश्वरला मन्दिर न्हङरी वाङ्जी।
30 जमाहेन्से शहर नाङनोन हल्ली खल्ली तसी म्हिगदे तिक्खुरीन यार्बान खजी। ओच्छे पावलदा चुङ्सी डुइबा छेङ्बा लसी परमेश्वरला मन्दिरग्याम मङग्यार तेःसी तुरुन्तन मन्दिरला म्राप ढुङ्जी।
31 थेनीगदेसे पावलदा साइबारी म्हाइबा धुइरी यरूशलेम नाङनोन हल्ली खल्ली तबा मुला भिबा ताम रोमी सिपाहीगदेला हाकिमसे थेःजी। 32 जमाहेन्से थेसे तुरुन्तन सिपाहीदेन कप्तानगदेदा छ्यामनोन भोर्सी यार्बान पावलदा तोबान लबा ग्लारी खजी। पावलदा तोबागदेसे हाकिमदेन सिपाहीगदेदा म्राङ्सी पावलदा तोबा ख्लाजी।
33 ओच्छे रोमी सिपाहीगदेला हाकिम पावलला ङामरी खसी पावलदा चुङ्जी। ओच्छे चुदा च्याल्दा न्हीसे खीगो भिसी कुल्जी। जमाहेन्से थेसे चु म्हि खाल हिन्ना? चुसे तिग लजी? भिसी ङ्योइजी। 34 तर थेरी मुबा म्हिगदे न्हङरी कोइसे तिग ताम लसी क्रिङ्सी हल्ली खल्ली लबासे लमा थेसे थे घटनाला बारेरी तिगै आघोनी। थेतबासेलमा थेसे पावलदा सिपाहीगदेला ब्यारेकरी भोर्गो भिसी कुल्जी। 35 पावल चामरी धोमा म्हिगदेसे पावलदा तोबारी खबासे लमा सिपाहीगदेसे थेदा पुइसी भोर्जी। 36 तिग्दा भिसम म्हिला हुलसे “चुदा साइनोन तोःला” भिसी क्रिङ्बान लिच्छा लिच्छा भ्रबा मुबा।