FILEMOONI Amangʼana ku owuimpi Ebaruwa eyagiira Filemooni yajojwa no *Omutumwa Paulo ni yawanga mu owusiwe owua mu enyumba ku omugizi ogwa Rooma omwaka ogwa 60. Ebaruwa eno yajojwa enyinga endala ne ebaruwa eyagiira Awakolosaai, kandi Paulo yatuma Onesimaasi ni Tukiiko okuira ebaruwa zino. Filemooni yawanga Omukristo omunyazi omenyere ku omugizi ogwa Kolosaai. Onesimaasi yawanga owemirimo waae, ni yamuiwira kandi arumuka agia ale. Ekia yakola kino kiasugaana no okuitwa nikulondokana ne endagirra ezia Awaruumi. Onesimaasi yagia aagana ni Paulo ku omugizi ogwa Rooma kandi aganya ku *Kristo. Kutio, Paulo yamutuma airane ku Filemooni ne ebaruwa eno. Yaiyemba Filemooni mbwe aganye aingizie Onesimaasi kandi mbwe ataaza yamuswawuka, aeniki katio ngakawanga mala owemirimo engʼene, ni yawanga wamwawu waae ku Kristo. Okuagala okwa Paulo okuneene mu ebaruwa eno, kwawanga okuirania empurizanio agati ya awantu wawiri wano. Akola otio na amangʼana amalootu aga okureeta empurizanio endootu agati yaae ni Filemooni, okumureeta alala no Onesimaasi. Ebaruwa eno elagana mbwe Katonda atoorre awantu woona owuagani. Anunula owemirimo owarumuka mala kiomo yanunula omwene emirimo. Lwona, etulaga mbwe awantu awaweere Awakristo waesa okuirana mu empurizanio namba na awaawanga awazigu waawu kale.
1 Inze Paulo, omusiwe ku amangʼana aga Yesu *Kristo, nkujojera iwue omwiko iifu owa tugonziizie kandi owemirimo alala ni ifwe Filemooni, ni ndi alala ni Timotheeo wamwifu ku Kristo.1Kori 4:17 2 Lwona nyagala ebaruwa eno egiire wamwifu owekiala Afiiya ni Arkiipo, owa-iiye alala ni ifwe, alala ne ekaniisa eikumia mu enyumba yaao.Awaru 16:5; Kolo 4:17
3 Muwe no owusiza no owuolu owuema ku Soifu Katonda, alala no *Omwami Yesu Kristo.
4 Nyiranizia Katonda wange otioo ino enyinga ziona ni nkuingirizia mu okusawa kwange, 5 aeniki mpurra kiomo ori no okuganya ku Omwami Yesu, kandi kiomo ogonziizie awantu awa Katonda woona. 6 Nsawa Katonda mbwe owe omukalangufu mu okulaga awantu okuganya okwa ori nakwo, kugere omanye amangi ku ewintu ewilungi wiona ewia turi nawio ku Kristo. 7 Olugonzi olwa ori nalwo lumiire okumpa ekisangaalo ekinene kandi lumiire okunyambia amaani ino, aeniki iwue omuda, omiire okuomerezia emioyo egia awantu awa Katonda woona.Awaru 12:10
Paulo aisasaamra Onesimaasi ku Filemooni 8 Kutio, kukawa mbwe ku Kristo ndi iwaga okukusikirra okukola ekia osugaane okole, 9 ngʼanyiza okukola otio yaaya. Aa okukola otio, nkuiyemba ekintu ekilala, ku olugonzi olwa turi nalwo ku Kristo, inze Paulo — omugaaka kandi nyingeeno omusiwe ku amangʼana aga Kristo Yesu.Efee 3:1 10 Ee, nkuisasaama ku omuzia wange Onesimaasi, owawa omuzia wange ni nyawanga mu owusiwe.Kolo 4:9; 1Thes 2:11 11 Emberi yawulanga emirimo ku iwue, ni nyingeeno amiire okuwa ne emirimo ku iwue ni inze noona.12 Mutuma mbwe akuiraneko, iye ori omwoyo gwange ogwa munsi. 13 Nkaagaale mbwe nsonge okuwa nae mu owusiwe ano, kugere atoole iwaga eria iwue omwene okatoorre no ontunzia, ni nsiwirwe ne eminyororo gino ku okulanzia *injiili.**Injiili na amangʼana amalootu agagamba-gamba ku Yesu Kristo.Filiip 2:25, 30 14 Ni ngʼanyakagala okukola ekintu ekifwana kitio, iwue omwene no otaganyire, yaaya; kugere no owuine omwene mbwe owa omusiza nae, okole otio ku okuagala kwao omwene, ni ngʼani mbwe onigiriziiwue.2Kori 9:7 15 Andi yakureka ku amiire amatono ago kugere akuiraneko awe ni iwue amiire goona. 16 Nyingeeno ngari mala omugule engʼene, na ari omulootu okukira omugule ale. Ari wamwifu ku Kristo omugonzi ino, ino-ino ku inze. Ni ku iwue ari ne emirimo namba okukira — ki omugule waao kandi ki wamwifu ku Kristo.1Kori 7:22
17 Kutio ni kuri mbwe ontoorre ki owemirimo owa Katonda alala ni iwue, nkusawa mbwe omuingizie kiomo okanyingiizie inze. 18 Ni, ni kirio ekintu-ukintu ekiwiiwi ekia yakukorra, namba ni gurio omusango gwao ogwa ari nagwo, ta ewintu ewio ku inze. 19 Inze Paulo ni inze ojoja itu rino no okukono kwange omwene. Ee, mboola mbwe nyiza okukuoloola, namba ni ndekere okuwoola mbwe iwue owulamu owuyia owua ori nawuo wuri omusango gwange ogwa ori nagwo.†Paulo awoola otio aeniki ni iye owalanzizia Filemooni amangʼana amalootu ku Yesu agaagera Filemooni atuukra owuinunuzi.1Kori 16:21 20 Wamwifu, noona nyagala mbwe onkorreko ekintu ekilootu, mu okuganya okwa turi nakwo ku Omwami Yesu. Kutio nkorreko ekiiza okuomerezia omwoyo gwange. 21 Omwene manyire owuti owua ompeere, kutio nkujojera, ni manyire mbwe ooza okukola geeza namba okukira kiomo nsawire.
22 Ekintu kindi ekilala ekisigaale ni nkino: Nyagala onyikazizie enyumba eya omugeni, aeniki ndi no okuganya mbwe wuangu ano Katonda aaza okutuusia okusawa okwa mumiire okuwa ni mumusawa mbwe nyirane mbawone.
23 Epafraasi, omusiwe ku amangʼana aga Yesu Kristo omwina wange, akutumiire amakeezio.Kolo 1:7 24 Mariiko na Aristakuusi ni Deema alala ni Luuka, awemirimo alala ni inze, woona wakukeeziizie.Awat 12:12; 19:29; Kolo 4:14
25 Owusiza owua Omwami Yesu Kristo wuwe ni inywe mwona.
1:1
1Kori 4:17
1:2
Awaru 16:5; Kolo 4:17
1:7
Awaru 12:10
1:9
Efee 3:1
1:10
Kolo 4:9; 1Thes 2:11
- ~6~ *Injiili na amangʼana amalootu agagamba-gamba ku Yesu Kristo.
1:13
Filiip 2:25, 30
1:14
2Kori 9:7
1:16
1Kori 7:22
- ~10~ Paulo awoola otio aeniki ni iye owalanzizia Filemooni amangʼana amalootu ku Yesu agaagera Filemooni atuukra owuinunuzi.
1:19
1Kori 16:21
1:23
Kolo 1:7
1:24
Awat 12:12; 19:29; Kolo 4:14
1 Inze Paulo, omusiwe ku amangʼana aga Yesu *Kristo, nkujojera iwue omwiko iifu owa tugonziizie kandi owemirimo alala ni ifwe Filemooni, ni ndi alala ni Timotheeo wamwifu ku Kristo.1Kori 4:17 2 Lwona nyagala ebaruwa eno egiire wamwifu owekiala Afiiya ni Arkiipo, owa-iiye alala ni ifwe, alala ne ekaniisa eikumia mu enyumba yaao.Awaru 16:5; Kolo 4:17
3 Muwe no owusiza no owuolu owuema ku Soifu Katonda, alala no *Omwami Yesu Kristo.
4 Nyiranizia Katonda wange otioo ino enyinga ziona ni nkuingirizia mu okusawa kwange, 5 aeniki mpurra kiomo ori no okuganya ku Omwami Yesu, kandi kiomo ogonziizie awantu awa Katonda woona. 6 Nsawa Katonda mbwe owe omukalangufu mu okulaga awantu okuganya okwa ori nakwo, kugere omanye amangi ku ewintu ewilungi wiona ewia turi nawio ku Kristo. 7 Olugonzi olwa ori nalwo lumiire okumpa ekisangaalo ekinene kandi lumiire okunyambia amaani ino, aeniki iwue omuda, omiire okuomerezia emioyo egia awantu awa Katonda woona.Awaru 12:10
12 Mutuma mbwe akuiraneko, iye ori omwoyo gwange ogwa munsi. 13 Nkaagaale mbwe nsonge okuwa nae mu owusiwe ano, kugere atoole iwaga eria iwue omwene okatoorre no ontunzia, ni nsiwirwe ne eminyororo gino ku okulanzia *injiili.**Injiili na amangʼana amalootu agagamba-gamba ku Yesu Kristo.Filiip 2:25, 30 14 Ni ngʼanyakagala okukola ekintu ekifwana kitio, iwue omwene no otaganyire, yaaya; kugere no owuine omwene mbwe owa omusiza nae, okole otio ku okuagala kwao omwene, ni ngʼani mbwe onigiriziiwue.2Kori 9:7 15 Andi yakureka ku amiire amatono ago kugere akuiraneko awe ni iwue amiire goona. 16 Nyingeeno ngari mala omugule engʼene, na ari omulootu okukira omugule ale. Ari wamwifu ku Kristo omugonzi ino, ino-ino ku inze. Ni ku iwue ari ne emirimo namba okukira — ki omugule waao kandi ki wamwifu ku Kristo.1Kori 7:22
17 Kutio ni kuri mbwe ontoorre ki owemirimo owa Katonda alala ni iwue, nkusawa mbwe omuingizie kiomo okanyingiizie inze. 18 Ni, ni kirio ekintu-ukintu ekiwiiwi ekia yakukorra, namba ni gurio omusango gwao ogwa ari nagwo, ta ewintu ewio ku inze. 19 Inze Paulo ni inze ojoja itu rino no okukono kwange omwene. Ee, mboola mbwe nyiza okukuoloola, namba ni ndekere okuwoola mbwe iwue owulamu owuyia owua ori nawuo wuri omusango gwange ogwa ori nagwo.†Paulo awoola otio aeniki ni iye owalanzizia Filemooni amangʼana amalootu ku Yesu agaagera Filemooni atuukra owuinunuzi.1Kori 16:21 20 Wamwifu, noona nyagala mbwe onkorreko ekintu ekilootu, mu okuganya okwa turi nakwo ku Omwami Yesu. Kutio nkorreko ekiiza okuomerezia omwoyo gwange. 21 Omwene manyire owuti owua ompeere, kutio nkujojera, ni manyire mbwe ooza okukola geeza namba okukira kiomo nsawire.
22 Ekintu kindi ekilala ekisigaale ni nkino: Nyagala onyikazizie enyumba eya omugeni, aeniki ndi no okuganya mbwe wuangu ano Katonda aaza okutuusia okusawa okwa mumiire okuwa ni mumusawa mbwe nyirane mbawone.
23 Epafraasi, omusiwe ku amangʼana aga Yesu Kristo omwina wange, akutumiire amakeezio.Kolo 1:7 24 Mariiko na Aristakuusi ni Deema alala ni Luuka, awemirimo alala ni inze, woona wakukeeziizie.Awat 12:12; 19:29; Kolo 4:14
25 Owusiza owua Omwami Yesu Kristo wuwe ni inywe mwona.
- ~6~ *Injiili na amangʼana amalootu agagamba-gamba ku Yesu Kristo.
1:13 Filiip 2:25, 30
1:14 2Kori 9:7
1:16 1Kori 7:22
- ~10~ Paulo awoola otio aeniki ni iye owalanzizia Filemooni amangʼana amalootu ku Yesu agaagera Filemooni atuukra owuinunuzi.
1:19 1Kori 16:21
1:23 Kolo 1:7
1:24 Awat 12:12; 19:29; Kolo 4:14
1:1 1Kori 4:17
1:2 Awaru 16:5; Kolo 4:17
1:7 Awaru 12:10
1:9 Efee 3:1
1:10 Kolo 4:9; 1Thes 2:11