6 गो इन कली लोव़ पाता, मारदे हना गे आं लोव़ नेंनीनी। परमप्रभु, इन नोफा आं गे दाइश्शा, आं लोव़ नेनीन। 7 आं कली इन गेना हना यो दाक्तीक इन ग्युरा गुइमी इन कली थमा सुइक्ब आन कली आन जोरी सत्रु रे प्रोंइनीनी। 8 मिक्च दोदेंशो रिम्शो पा वोइश्शो बाक्बा, मोदेंशो पा आं कली यो रिम्शो पा वोतीन। इन फ्रां आगाम पुप्तीनी। ब्यवस्था ३२:१०; भजन संग्रह ६१:५; भजन संग्रह ६३:८; प्रस्थान ३७:७-९ 9 मोपा इन अरेशो मटीब, आं कली साइक्चा कली पुम्बपुकीमी आं कली मथित्नीम। 10 मेको आन थुं खकटा पा, ठेयब लेश्शो लोव़ ला पाइनीम। 11 गो ते लती हना यो, मेकोपुकीमी आं कली पुम्नीम। आं कली साइक्चा माल्नीम। 12 मेकोपुकी शोव़लु बेक्शो गुप्स खोदेंशो बाक्नीम। ठिटा गुप्सम बाप्शो खोदेंशो पा बाप्शो बाक्नीम।
13 परमप्रभु यावे, बोक्कीन। मेको आन कली दोक्पतीन। आं कली इन तरवारमी इन अरेशो मटीब मुर रे प्रोंइयीनी। गन्ती १०:३५ 14 परमप्रभु यावे, इन गुइमी रागी दाक्ब मुर आन गुइ रे प्रोंइयीनी। मेकोपुकी मबेक्मा सम्म रिम्शो ला ताइनीम। गे मेको आन कोव़ज ब्रोव़शो थोव़कम प्रिंनीनी। मेको आन तौपुकी यो रूथ्री जाइनीमी। मिनु आन लीशो मारेइ मारेइ आन तौपुकीम ताइनीम। 15 गो चहिं ठीक पा बाक्शा, थमा पा इन कुल ताइनुङ। सुनी सेंसीशा, इन कली तशा, रूशो खोदेंशो दुम्शा, ग्येरसीनुङ” देंती।
<- भजन संग्रह 16भजन संग्रह 18 ->