1 परमप्रभु यावे कली ठेयब सेलीन। परमप्रभु यावे आ गेय पाइबपुकी परमप्रभु यावे आ नें ठेयब सेलीन। गे “परमप्रभु यावे आ नें ठेयब बाक्‍ब” देनीन। 2 परमप्रभु यावे आ नें मुल रे गेना हना यो ठेयब सेल्‍मेक्‍ल। 3 नां दाप्‍तीक रे नां पेरतीक सम्‍म परमप्रभु यावे आ नें ठेयब सेल्‍चा माल्‍नीम। भजन संग्रह ५०:१ 4 परमप्रभु यावे रागी रागी ङा नेल्‍ल आन क्‍येङा ठेयब बाक्‍ब। मेको आ छेङछेङ स्‍वर्ग क्‍येङा यो इर बाक्‍ब। 5 परमप्रभु यावे, आंइ परमप्रभु खोदेंशो अर्को सु बाक्‍बा ङा? सु नेल्‍ल क्‍येङा इर निश्‍शो बाक्‍बा ङा? प्रस्‍थान १५:११; यसैया ५७:१५ 6 मेकोमी सरीङ नु रागी कोव़‍ब। 7 मेकोमी प्रुङग आन कली फुरकुम निश्‍शो रे पोक्‍ब। मिनु श्‍येत जाइब आन कली ग्रांग्रा दितीक रे पोक्‍ब। १सामुएल २:८; लूका १:४८; उत्‍पत्ती ४१:४०-४१ 8 मेको आन कली आ मुर आन ठेयब मुर नु निप्‍पाइक्‍चा कली पोक्‍ब। 9 मिनु मेकोम आल मथीब मीश मुर आन कली ग्‍येरसीशो ममा सेल्‍ब। परमप्रभु यावे कली ठेयब सेलीन। उत्‍पत्ती २१:२ १सामुएल १:२०; लूका १:५७-५८

<- भजन संग्रह 112भजन संग्रह 114 ->