6 मिनु यहोसुमी मेको आन कली आसीक गेशा, सोइक्ताक्व। मिनु मेकोपुकी आंम आंम खिं लाम्तेक्म। 7 मनस्से आ उइक्थ थर कली मोसामी बाशानमी आंम रागी गेप्तु। तन्न अर्को उइक्थ थर कली यहोसुमी यर्दन आ पच्छिम गे मेको आन लोक्ब नु गेप्तु। मिनु यहोसुमी मेको आन कली आंम आंम खिंम सोइक्ची ना मेको आन कली आसीक गेप्तु। 8 मिनु मेको आन कली “इन जोरी सत्रु रे रोइश्शो शुश शोंप नु शुश बी ब्यफ, क्यारश भेडा, शुश सुन चांदी, कांसा फलाम नु शुश वासी लाइश्शा, इन लोक्ब आन कली यो योक्शा गेचा माल्नीनी” देंत। गन्ती ३१:२७
9 मोपा रूबेन आ थर, गाद आ थर नु मनस्से आ उइक्थ थर ङा वोंइश मुर कनान रागी ङा शिलो रे इस्राएलीपुकी नु ब्राशा, गिलाद रागी लेत्तेक्म। मेको रागी परमप्रभु यावे आ देंशो नु मोसा आ पतीकेमी ङोंइती रे ग्राशा, आंम के सेल्शा बाक्ने थुम्शो बाक्तेक्म। 10 मिनु मेकोपुकी कनान रागी ङा यर्दन खोला आ नेक्था गेलीलोत सहर जाक्दीत्तेक्म। मिनु मेको रूबेन आ थर, गाद आ थर नु मनस्से आ उइक्थ थरमी यर्दन खोला नेक्था थम ठेयब चढ़ेतीक का सेल्तेक्म।
11 मिनु इस्राएलीपुकीमी “रूबेन आ थर, गाद आ थर नु मनस्से आ उइक्थ थरमी कनान रागी आ सांदमी यर्दन आ नेक्था इस्राएली आन रागीमी ठेयब चढ़ेतीक का सेल्तेक्म” देंशो नेंतेक्म। 12 मिनु इस्राएलीपुकीमी मेको नेन्मे नोले, मेकोपुकी नु लडाइ पचा कली शिलोमी खुम्साक्म।
13 मिनु इस्राएलीपुकीमी चढ़ेब एलाजर आ तौ फिनेहास कली गिलाद रागीमी रूबेन आ थर, गाद आ थर नु मनस्से आ उइक्थ थर आन बाक्तीकेमी सोइक्ताक्म। गन्ती २५:७ 14 मेको नु काथा इस्राएल ङा नेल्ल थर रे पा १० जना ठेयब मुर आन कली यो सोइक्ताक्म। 15 मिनु मेकोपुकी रूबेन आ थर, गाद आ थर नु मनस्से आ उइक्थ थर बाक्तीक गिलाद रागी जाक्दीश्शा, मेको आन कली 16 “परमप्रभु यावे आ मुर नेल्लेमी ‘मारदे गेपुकीमी परमप्रभु यावे, इस्राएली आन परमप्रभु रे नोले शोंइसीनी? गे दोपा परमप्रभु यावे रे पा ङोन लशा, मेको कली मटिथु, आंम कली चढ़ेतीक सेल्नी? लेवी १७:८-९; ब्यवस्था १२:१३-१४ 17 मार, पेओर नु पशो पापम आंइ कली मजाक्दीम्मे? मेना परमप्रभु यावे आ मुर शुश बेक्तेक्म हना यो, मेको आ पाप रे गो मुल सम्म आंम कली ठीक सेल्ने मचाप्शो बाक्नीक। गन्ती २५:१-९ 18 मुलाक्त गेपुकी परमप्रभु यावे रे नोले शोंइसीनी? गे मुलाक्ती परमप्रभु यावे कली टिचा प्रोंइतीनी हना, मेको आ दीसा इस्राएली नेल्ल आन कली तशा, गाइक्ब, दे मतुइक्तीनी? 19 मिनु आंम इन रागी ग्रांग्रा दिशो बाक्त हना, ओंथ हांबु परमप्रभु यावे आ रागी नु आ बाक्तीक पिशा, गोपुकी नु रागी योक्कीन। तन्न गे परमप्रभु यावे नु आंइ कली मटिथु, परमप्रभु यावे, इं परमप्रभु आ चढ़ेतीक क्येङा लाक्शा, आंम के चढ़ेतीक मसेलीन। 20 मिनु जेराह आ तौ आकानमी मटिथु, खुइ पवानु, परमप्रभु यावे आ गाइश्शोमी नेल्ल आन कली मार दुम्मे? आकान ला मबे, इस्राएली नेल्लेमी श्येत जाम्तेक्म’ ” देंतेक्म। यहोसु ७:६-१३
21 मिनु रूबेन आ थर, गाद आ थर नु मनस्से आ उइक्थ थरमी इस्राएल आ थर थर ङा ठेयब मुर आन कली गन्ती १:१६; गन्ती १०:४ 22 “परमप्रभु यावे, नेल्ल क्येङा सक्ति पाइश्शो परमप्रभु यावेमी नेल्ल तुइक्ब। गो परमप्रभु यावे कली मटिशो बाक्तय हना, इस्राएलीपुकीमी यो मेको तुइक्तमेक्ल। मुलाक्त आंइ कली सतीन। 23 गोपुकीमी परमप्रभु यावे आ नोले खोइक्चा प्रोंइशा, आंम कली चढ़ेतीक सेल्शा, मेको चढ़ेतीकेमी चोशा चढ़ेशो, अन्न चढ़ेशो, दुशा बाक्तीक चढ़ेशो चढ़ेतय हना, परमप्रभु यावेमी आंइ कली सजाइ गेवल।
24 तन्न ममाइ, गोपुकीमी मारदे एको चढ़ेतीक सेल्तक देंशा हना, इन चच युइमी आंइ चच युइ आन कली ‘गे परमप्रभु यावे, इस्राएली आन परमप्रभु नु मार पाइक्मुनी ङा? 25 परमप्रभु यावेमी यर्दन कली गो आंइ सांद सेल्शा गेप्तु। गे रूबेन आ थर नु गाद आ थर परमप्रभु यावे के मबाक्नीनी। मिनु इन चच युइमी आंइ चच युइ आन कली परमप्रभु यावे कली मान पा हिंचा तेक्नीमी’ देंनीमी कों।
26 मोपतीके गोपुकीमी ‘चढ़ेतीक का सेल्य। चोशा चढ़ेतीक नु अरु चढ़ेतीक चढ़ेचा कली ममाइ। 27 तन्न मेको चढ़ेतीक गे नु गो आंइ दातेमी नु आंइ चच युइ आन दातेमी एको चढ़ेतीक सांकछी दुम्ल। मिनु गोपुकीमी परमप्रभु यावे कली आ बाक्तीकेमी ठेयब सेल्या। मिनु मेकेर गो आंइ चोशा चढ़ेशो नु दुशा बाक्तीक चढ़ेशो चाक्शा चढ़ेनय। मिनु इन चच युइमी गो आंइ चच युइ आन कली “गे परमप्रभु यावे आ मुर मबाक्नीनी” दे देंने मचाप्नीम, दे एको चढ़ेतीक सेल्तक। यहोसु २४:२७ 28 मिनु गोपुकीमी मेकोपुकीमी खेयप का आंइ कली कि आंइ चच युइ आन कली मोदेंशो देंतेक्म हना, गोपुकीमी मेको आन कली मेको आंइ किकी पिपीमी परमप्रभु यावे कली चढ़ेतीक सेल्शो थोव़क कोव़ङीन। चोशा चढ़ेतीक नु अरु चढ़ेतीक चढ़ेचा कली ममाइ, तन्न गे नु गो इं दातेमी सांकछी दुम्ल’ दे सेल्तक।
29 मिनु गोपुकीमी थमा पा मुलाक्ती परमप्रभु यावे कली मटिथु, मेको आ नोले खोइक्चा प्रोंइशा एको चढ़ेतीक मसेल्क। मेको चढ़ेतीकेमी चोशा चढ़ेतीक, अन्न चढ़ेतीक नु अरु चढ़ेतीक चढ़ेचा कली यो मसेल्क। परमप्रभु यावे, आंइ परमप्रभु आ बाक्तीक आ ङोंइती बाक्शो चढ़ेतीके क्येङा लाक्शा अरु मसेल्नीकी” देंतेक्म।
30 मिनु चढ़ेब फिनेहास, मेको नु बाक्ब इस्राएली आन ठेयब मुरपुकी नु थर थर ङा ठेयब मुरपुकीमी रूबेन आ थर, गाद आ थर नु मनस्से आ उइक्थ थर आन लोव़ नेंशा ग्येरसाक्म। 31 मिनु चढ़ेब एलाजर आ तौ फिनेहासमी रूबेन, गाद नु मनस्से आ थर ङा मुर आन कली “परमप्रभु यावे गो आंइ दातेमी बाक्ब, दे मुलाक्ती गोपुकीमी तुइक्ताक्क। मारदे हना एको चढ़ेतीक सेल्चा कली परमप्रभु यावे रे पा नोले मशोंइसीनी। मुल चहिं गेपुकीमी इस्राएली आन कली परमप्रभु यावे आ गुइ रे प्रोंइतीनी” देंत। 32 मिनु चढ़ेब एलाजर आ तौ फिनेहास नु ठेयब मुर नेल्ल गिलाद रागी रे रूबेन नु गाद आ थर ङा मुर ग्रुम्तीके रे कनान रागी गे लेत्तेक्म। मिनु इस्राएली आन कली मेको लोव़ नेल्ल शेंताक्म। 33 मेको लोव़ नेंशा नेल्ल ग्येरसाक्म। मिनु परमप्रभु कली “गे रिम्शो पाइब बाक्नीनी” दे ठेयब सेल्तेक्म। मिनु मेकोपुकीमी लेंशा रूबेन नु गाद आस थर बाक्शो रागी कली खतम सेल्तीक नु लडाइ पतीक लोव़ गेनायो मपाम।
34 मिनु रूबेन नु गाद आस थर ङा मुरुमी मेको चढ़ेतीक आ नें “सांकछी” वोइक्तेक्म। मिनु मेको आ अर्थ मार बाक्त देंशा हना “गे नु गो इं दातेमी परमप्रभु यावे थमा पा परमप्रभु बाक्ब, दे मेको चढ़ेतीक सांकछी बाक्ब” देंतेक्म।
<- यहोसु 21यहोसु 23 ->