1 मिनु एलीहुमी 2 अय्‍युब कली “परमप्रभु आ ङोंइती ‘गो ठीक बाक्‍नुङ’ देंचा रिम्‍शो बाक्‍बा? अय्‍युब ३२:२ 3 गे मेको कली ‘गो पाप मपाता हना, मार दुम्‍बा ङा? मिनु पाप मपथु आं कली मार रिम्‍शो दुम्‍बा ङा?’ देंतीनी। अय्‍युब ३४:९ 4 गे नु इन वारच सां इन कली गो लोव़ लेत्‍नुङ। 5 इर सरीङ गे कोव़ङीन। इन क्‍येङा इर बाक्‍शो गोस्‍स कली कोव़ङीन। 6 गे पाप पाइतीनी हना, मेको कली मार दुम्‍बा ङा? गे शुश हेंथे पाइतीनी हना यो, मेको कली मार दुम्‍बा ङा? 7 गे ठीक पाइब दुम्‍तीनी हना, मेको कली मार गेनीनी ङा? इन गुइ रे मेकोम मार ताइबा ङा? अय्‍युब २२:२-३; रोमी ११:३५ 8 इन परमप्रभु यावे आ अरेशो मटितीके इन कली श्‍येत दुम्‍शो खोदेंशो पा अरु मुर आन कली यो श्‍येत दुम्‍ब। मिनु इन ठीक पतीके रिम्‍शो दुम्‍शो खोदेंशो पा अरु आन कली यो रिम्‍शो दुम्‍ब।

9 शुश दिप्‍चा पुंइसीतीके मुरपुकी वाइ ब्रेत्‍नीम। मिनु सक्ति पाइश्‍शो आन पर्बम पुंइशा ग्रीनीम। 10 तन्‍न सुइमी ‘आं कली सेल्‍ब परमप्रभु ते बाक्‍बा? नाक्‍दो आं कली ठेयब सेल्‍तीक कुम्‍सो गेब, परमप्रभु ते बाक्‍बा? प्रेरित १६:२५ 11 मेकोमी आंइ कली रागी ङा जन्‍तु आन क्‍येङा शुश शेंताक्‍की। मिनु सरीङ ङा चिक्‍ब आन क्‍येङा आंइ कली जोक्‍ब तुइक्‍ब सेल्‍तु?’ मदेंनीम। 12 मिनु मुरपुकीम ङाक्‍शा पुन्‍मेनु, मेको आन लोव़ मनेंब। मारदे हना मेको मरिम्‍शो पाइबपुकी ठेयब लेश्‍शो बाक्‍नीम। 13 थमा पा परमप्रभुमी मेको आन हेंथे पुंइशो लोव़ मनेंब। नेल्‍ल क्‍येङा ठेयब सक्ति पाइश्‍शोमी मेको लोव़ नोफा मदाइक्‍ब। यूहन्‍ना ९:३१ 14 मिनु गे ‘गो मेको कली मतङ’ देंनीनी। इन पशो नेल्‍ले मेको आ ङोंइती बाक्‍ब। मोपतीके रिम्‍दीन। अय्‍युब २३:८-९ 15 परमप्रभु आ गाइश्‍शोम सजाइ मगेब। मिनु हेंथे गाक्‍शो मकोव़ब। उपदेसक ८:११ 16 मोपतीके अय्‍युबम फश लोव़ ला पाप्‍तु। शुश फश लोव़ ला पाप्‍तु” देंमाक्‍त।

<- अय्‍युब 34अय्‍युब 36 ->