6 मिनु मुर कामी आ खिं ङा मुर का कली ग्याइश्शा “इ के फेक्तीक वा बाक्ब। मोपतीके आंइ हुकुम पाइब दुमो। मिनु मेको ब्रेश्शो खिं नेल्ल इ अधिकारम बाक्नीम” देंब। 7 तन्न मेको मुरुमी “गो वारच पाइब मनङ। आं खिंमी जचा फेक्चा थोव़क मबाक्ब। गे आं कली मुर आन कली हुकुम पाइब मसेल्यीनी” देंब। 8 मिनु यरूसलेम दाइल पांइसीशा गोल्त। यहूदा खतम दुम्त। मारदे हना मेकेर ङा मुर आन लोव़ नु आन पतीके परमप्रभु यावे कली काइ मगारचा ङा बाक्त। परमप्रभु आंमा मेको आन दातेमी बाक्शा यो, मेकोपुकीम महिंथु मरिम्शो पना पन बाक्नीम।
13 परमप्रभु यावेमी निसाफ पचा चिक्शो बाक्ब। मेकोमी मुर आन कली निसाफ पाइब। 14 मिनु परमप्रभु यावेमी आ मुर आन दाते ङा खाल्पापुकी नु हुकुम पाइब आन कली निसाफ पाइब। मेकोमी “गे अङगुर रू नेल्ल आंम के सेल्तीनी। प्रुङग आन के रोइश्शो मार मार इन खिंम बाक्नीम। यसैया ५:७ 15 दोपा गेपुकीमी आं मुर आन कली मो पने चाप्नी? प्रुङग आन कली चिनु प्रुङग सेल्तीनी” दे परमप्रभु, मुर नेल्ल आन परमप्रभु यावेमी देंत।
18 मेना गो मेको आन खोइली ङा पांइतीके, मेको आन सुन फू, सुन के गहना, 19 आन नोफा सुन, चुरा, कुल सुम्तीके, 20 कुप्नी, खोइलीम पांइतीके, काम्बरी, ब्रोव़शो रिना पाइश्शो ख्रेक्तीके नु आन जन्तर, 21 छाप थोक्तीक औंठी नु मुन्द्री, 22 आन शुश क्येट लाइब वा, आ तार फेक्तीक वा, सुम्तीक वा, थैली, 23 पात्लो वा, रिम्शो सुती वा, आन पियाम गुप्तीक वा नु आन सुम्सीतीक वा नेल्ल लाइक्नुङ। 24 मिनु “नोले ब्रोव़शो रिना पाइश्शो, ग्रांग्रा दिशो रिना पाइश्शो दुम्ब। काम्बरी किप्तीकेमी, डोरी किप्चा माल्नीम। मेको आन रिम्शो सेल्शो चां, श्येत्थ पिया दुम्नीम। आन दारशो शुश क्येट लाइब फेक्तीकेमी, रां सुम्चा कली अरन्डी फेक्चा माल्नीम। मेको आन दारस नेल्ले लशा, मीम ग्रोइश्शो खोदेंशो दुम्शा मुने दोक्नीम। 25 इन वोंइश तरवारम साइक्चा पुंइसीनीम। इन लडाइ पाइबपुकी लडाइम बेक्नीम। 26 सहर ङा लाप्चो सुर्ता पा रोंका पाइनीम। सहर श्येत्थ दुम्शा, खपीम निश्शो मीश मुर खोदेंशो दुम्ब” दे परमप्रभु यावेमी देंत।
<- यसैया 2यसैया 4 ->