3 गे रागी रागीम बाक्ब मुरपुकी, रागी नेल्लेम ब्रोंइबपुकी डांडाम छेदर ख्रुक्शो ताइतीनी हना, कोव़ङीन। तुराही ताप्शो बाक्त हना, नेनीन। 4 मारदे हना परमप्रभु यावेमी आं कली “गो आं बाक्तीके रे पा सिक्सी पा कोव़नुङ। नाप्शो नां ङा नाक्त खोदेंशो नु बाली नाली रिक्ची ना हुप्शो नांमी गोस्स का ग्रूशो खोदेंशो पा सिक्सी पा कोव़शा बाक्नुङ। 5 अङगुर मीचा क्येङा ङोंइती फू बोइश्शा, गेडा सिप्ब, मिनु मीब। मेना मेकोमी अङगुर कली गुयेम मुंइशा, आ बरशो राशी ख्रोइश्शा ताइक्ब। 6 मिनु डांडा ङा ठेयब चिक्ब नु रागी ङा जन्तु आन कली ब्वचा गेब। होश दुम्तीके ठेयब चिक्ब मेको तारी नित्नीम। मिनु हिंउदम ब्वाकी ङा जन्तुपुकीम मेको ब्वशा, मेको आ तारी इप्नीम” देंत।
7 मेना लाइश्शो नु दारशो मुरपुकीमी मुर नेल्ल आन परमप्रभु यावे कली मार मार चाक्नीम। मिनु मेको आन कली तशा ङोन नु नेक्था ङा मुरपुकी हिंनीम। मेकोपुकी सक्ति पाइश्शो नु ग्राब रागी ङा मुर बाक्नीम। मेको आन रागी खोलाम चेश्शो बाक्ब। मेको आन मार मार मुर नेल्ल आन परमप्रभु यावे आ बाक्तीके सियोन डांडाम चाक्नीम। भजन संग्रह ६८:३०-३२; प्रेरित ८:२७
<- यसैया 17यसैया 19 ->