8 मिनु इजीप्त रागीम जाक्दीश्शो इस्राएल आ आल आन नें एको बाक्नीमी। आ ङोंइती जरमेशो तौ रूबेन बाक्माक्त।
प्रस्थान ६:१४-१६ 9 रूबेन आ तौपुकी हनोक, फल्लु, हेस्रोन नु कारमी बाक्मा बाक्त।
10 सिमियोन आ तौपुकी येमुएल, यामीन, ओहद, याकीन नु सोहार, कनान ङा मीश रे जरमेशो शावल, नेल्ल सिमियोन आ तौ बाक्मा बाक्त।
11 लेवी आ तौपुकी गेरशोन, कोहाथ नु मेरारी बाक्मा बाक्त।
12 यहूदा आ तौपुकी एर, ओनान, शेलाह, पेरेस नु जेराह बाक्मा बाक्त। एर नु ओनान चहिं कनान रागीम बेक्सा बाक्त। पेरेस आ तौ हेस्रोन नु हामुल बाक्सा बाक्त।
उत्पत्ती ३८:३,४,२९,३० 13 इस्साकार आ तौपुकी तोला, पुवा याशुब नु शिम्रोन बाक्मा बाक्त।
14 जबूलून आ तौपुकी सेरेद, एलोन नु याहलेल बाक्मा बाक्त।
15 मेको नेल्ल लेआमी याकूब के पदान-अराममी थिशो तौ बाक्मा बाक्त। आ तमी दीना यो बाक्माक्त। याकूब नु आ तमी तौ नेल्ल पा ३३ जना बाक्मा बाक्त।
16 मिनु गाद आ तौपुकी सिफ्योन, हाग्गी, शुनी, एस्बोन, एरी, अरोदी नु अरेली बाक्मा बाक्त। 17 आशेर आ तौपुकी इम्नाह, इश्वाह, इश्वी, बेरीआ नु आ तमी सेराह बाक्मा बाक्त। मिनु बेरीआ आ तौ निक्शी हेबेर नु माल्कीएल बाक्सा बाक्त। 18 मिनु लाबान आ तमी लेआ कली गेशो गेय पाइब जिल्पाम याकूब के थिशो तौपुकी बाक्मा बाक्त। मेको १६ जना बाक्मा बाक्त। उत्पत्ती २९:२४
19 मिनु याकूब आ मीश राहेल आ तौ योसेफ नु बेन्यामीन बाक्सा बाक्त। 20 योसेफमी इजीप्त रागीमी मनस्से नु एफ्राइम थिमाक्त। आ मीश ओन सहर ङा नाक्सो पोतीफेरा आ तमी आसेनाथ बाक्माक्त। 21 बेन्यामीन आ तौपुकी बेला, बेकेर, अश्बेल, गेरा, नामान, एही, रोश, मुप्पीम, हुप्पीम नु आरद बाक्मा बाक्त। 22 मेको नेल्ल राहेल आ थिशो तौ बाक्मा बाक्त। मेको नेल्ल पा १४ जना बाक्मा बाक्त।
23 दान आ तौ हुशीम बाक्माक्त। 24 नाप्ताली आ तौपुकी याहसेल, गुनी, येसेर नु शिल्लेम बाक्मा बाक्त। 25 मेको लाबानमी आ तमी राहेल कली गेशो गेय पाइब बिल्हाहम याकूब के थिशो तौ बाक्मा बाक्त। मेको नेल्ल ७ जना बाक्मा बाक्त। उत्पत्ती २९:२९
26 मिनु याकूब आ चाइमीपुकी महिक्थु, याकूब नु इजीप्त रागी जाक्शो मुर नेल्ल पा ६६ जना बाक्मा बाक्त। 27 इजीप्त रागीमी योसेफमी तौ निक्शी थिमाक्त। मोपा इजीप्त रागीमी जाक्शो याकूब आ खिं ङा मुर ७० जना बाक्मा बाक्त। याकूब नु योसेफ नु आ तौ निक्शी यो हिक्शो बाक्मा बाक्त।
28 मिनु याकूबमी यहूदा कली गोशेन लां शेंसीचा नु योसेफ ग्रुम्चा, दे आन ङोंइती ग्रुम्थ सोइक्ता बाक्त। मिनु मेकोपुकी गोशेन माइक्तीके जाक्दीम्मानु,
उत्पत्ती ४५:१० 29 योसेफ आंम बग्गी ठीक पा आ आफ इस्राएल कली गोशेनम ग्रुम्थ जाक्माक्त। मिनु मेको कली ग्रुम्शा, मुप्शा शुश ङाक्सा बाक्त।
30 मिनु इस्राएलमी योसेफ कली “मुल गो बेक्ने चाप्नुङ। मारदे हना गे ब्रोंइशो बाक्ते, गो इ कुल कोव़चा ताता” दे आ तौ कली देंमाक्त।
उत्पत्ती ४५:२८ 31 मिनु योसेफम आ लोक्ब नु आ आफ आ खिं ङा मुर आन कली “गो फाराओ आ बाक्तीके लाइनुङ। मिनु मेको कली ‘कनान रागीम बाक्शो आं आफ, आं लोक्बपुकी नु आं आफ आ खिं ङा मुर नेल्ल जाक्तेक्म।
32 मेकोपुकी भेडा गोठला नु बस्तु भाव थुल्ब बाक्नीम। मेको आन क्यारश भेडा, बी ब्यफ नु आन मारेइ मारेइ चाक्शो बाक्तेक्मे’ देंनुङ।
33 मिनु फाराओम इन कली ब्रेत्ताक्व हना, मिनु इन कली इन गेय आ पर्बम हिल्लो पाप्तु हना,
34 गेपुकीमी ‘इन गेय पाइब आन आल रेन मुल सम्म बस्तु भाव थुल्ब बाक्नीम। आंइ किकी पिपी यो मोदेंशो गेय पशो बाक्मा बाक्त’ देंचा माल्नीनी। नोले मेकोमी इन कली गोशेनमी बाक्तीके गेब। मारदे हना इजीप्त ङा मुर गोठला आन कली तशा ग्रांग्रा दीनीम” दे योसेफमी आ लोक्ब आन कली देंमाक्त।
उत्पत्ती ४३:३२
<- उत्पत्ती 45उत्पत्ती 47 ->
