1 मिनु परमप्रभुमी लेंशा “मेको निसाफ पतीक लोव़ मुर आन कली शेंचा माल्‍नेवे। 2 ‘गेपुकीमी हिब्रू वाइल ग्‍याप्‍तीनी हना, ६ बर्स इन गेय पपाइश्‍शा, नोले ङा बर्स मो लचा गेचा माल्‍नीनी। लेवी २५:३९-४१; ब्‍यवस्‍था १५:१२-१७; येरमीया ३४:१४ 3 मेको वाइल आ का जाक्‍त हना, आ का लचा माल्‍ब। ग्‍युंबे पा जाक्‍त हना, आ मीश लाइश्‍शा लचा माल्‍ब। 4 आ होव़पम आ वाइल कली ग्‍युंबे पपाइक्‍तु हना, मेकोमी तमी तौ थित हना, मेको मीश मुर नु आलपुकी मेको होव़प केन दुम्‍नीम। मेको वाइल आ का ला लचा माल्‍ब। 5 तन्‍न मेको वाइलम “आं होव़प, मीश नु आं आल आन कली दाक्‍नुङ, गो प्रोंइशा मलाइनुङ” देंत हना, 6 आ होव़पम आ वाइली कली परमप्रभु आ ङोंइती लाइक्‍चा माल्‍ब। मिनु लाप्‍चो ङा शीम आ नोफा ख्रित्‍चा कली राप्‍पाइक्‍चा माल्‍ब। मिनु आ होव़पम लूजेमी आ वाइली आ नोफा ख्रित्‍चा माल्‍ब। मिनु मेको गेना हना यो वाइल दुम्‍शा बाक्‍ब। ब्‍यवस्‍था १:१७; भजन संग्रह ८२:१

7 सुइमी आ तमी कली वाइलीमी सेल्‍शा, लेयतु हना, मेको प्रोंइचा मपुंइसीब। 8 मेको होव़पमी आंम कली चाक्‍गा नोले मेको कली मदाक्‍ताक्‍व हना, मेको कली क्‍येट ताक्‍शा प्रोंइचा माल्‍ब। आ होव़पमी मेको वाइलीम कली अर्को रागी ङा मुर आन कली लेयने मचाप्‍ब। मारदे हना मेको मीश मुर मरिम्‍शो पचा पुंइसीशो बाक्‍ब। 9 मिनु मेको होव़पमी मेको ग्‍याप्‍शो मीश आल आ तौ कली गेप्‍तु हना, आ तमी खोदेंशो पचा माल्‍ब। 10 मेकोमी अर्को मीश यो चाक्‍तु हना, ङोंइती ङा कली जचा, फेक्‍चा नु ग्‍युंबे पशो मीश मुर आन माल्‍शो नेल्‍ल गेचा माल्‍ब। 11 तन्‍न मेको आ माल्‍शो नेल्‍ल मगेप्‍तु हना, मो लचा गेचा माल्‍ब’ देनो” देंत।

12 मिनु “सुमी मुर कली मबेक्‍म सम्‍म तुप्‍बा, मेको मुर थमा पा साइक्‍चा पुंइसीब। प्रस्‍थान २०:१३; उत्‍पत्ती ९:६; मत्ती ५:२१-२२ 13 मुरुमी अरु कली खेदा मपथु, साइक्‍चा ममाल्‍शो बाक्‍त, तन्‍न परमप्रभुमी मेको मोदेंशो दुम्‍पाइक्‍तु, गो इन कली मोदेंशो मुर कली प्रोक्‍शा बाक्‍तीक का कोंइनुङ। गन्‍ती ३५:६-२९; ब्‍यवस्‍था १९:४-१३ 14 तन्‍न मुर कामी अरु कली ‘गो साइक्‍नुङ’ दे मेको कली साइक्‍तु हना, मेको मुर कली आं चढ़ेतीक रे लाइश्‍शा, साइक्‍चा माल्‍ब। १राजा २:२९-३० 15 सुम आ आम आफ आस कली तुप्‍बा, मेको थमा पा साइक्‍चा पुंइसीब। 16 सुमी मुर कली लेयचा कली खुइ पाइबा, मिनु मेको आ खुइ पशो मुर कली आ खिंम थित्‍तेक्‍म हना, मेको मुर थमा पा साइक्‍चा पुंइसीब। ब्‍यवस्‍था २४:७; १तिमोथी १:१० 17 सुमी आ आम आफ आस कली सराप पाइबा, मेको थमा पा साइक्‍चा पुंइसीब। 18 मिनु मुरपुकी जिशा कामी अर्को कली फुल्‍लु आप्‍तु हना, आ गुइमी तुप्‍तु हना, तन्‍न मेको मुर मबेक्‍थु, आ बाक्‍तीकेम इप्‍शा, 19 बोक्‍मेनु, कोक्‍के तिक्‍शा, गाक्‍ने चाप्‍ब दुम्‍त हना, मेको तुप्‍बमी मेको तुप्‍चा पुंइसीब नु गारचा माल्‍ब। तुप्‍चा पुंइसीब आ गेय मपशो ङा ला थाप्‍चा ममाइ, मेको कली ठीक पा मसाम सम्‍म थाप्‍चा माल्‍ब। 20 मिनु सुइमी आ वाइलीम वाइल कली कोक्‍केमी तुप्‍तु हना, तुबानु बेक्‍त हना, मेको मुर थमा पा सजाइ ताइब। 21 तन्‍न मेको तुप्‍चा पुंइसीशो मुर का निक्‍शी नाक्‍त सम्‍म ब्रोंइत हना, मेको तुप्‍ब मुर सजाइ गेचा मपुंइसीब। मारदे हना आंम आ क्‍येटीम ग्‍याप्‍शो बाक्‍ब। 22 मिनु वोंइश मुर जिशा, राम्‍शी पा आन नेक्‍था बाक्‍शो कोव़ज कुरशो मीश मुर कली चुशा चिप्‍शा, मेको मीश मुरुम आ कोव़ज ङा आल शाम्‍ताक्‍व हना, तन्‍न आ चहिं मारेइ मरिम्‍शो मदुम्‍त हना, आ वोंइशेमी देंशो खोदेंशो पा मेको डी डा चुशा चिप्‍ब मुरुम सजाइ ताइब। निसाफ पाइबमी गिश थाप्‍चा माल्‍ब देंबा, मिश थाप्‍चा माल्‍ब। 23 तन्‍न मेको मीश मुर नोले बेक्‍त हना, चुशा चिप्‍ब मुर साइक्‍चा पुंइसीब। लेवी २४:१९-२०; ब्‍यवस्‍था १९:२१; मत्ती ५:३८

24 सुइमी अरु आ मिक्‍ची का पुक्‍ताक्‍व हना, मेको यो आ मिक्‍च पुक्‍चा पुंइसीब। सुइमी अरु आ ख्रुइ का जिक्‍ताक्‍व हना, मेको यो आ ख्रुइ जिक्‍चा पुंइसीब। सुइमी अरु आ गुइ जिक्‍ताक्‍व हना, मेको यो आ गुइ जिक्‍चा पुंइसीब। सुइमी अरु आ खोइली का जिक्‍ताक्‍व हना, मेको यो आ खोइली जिक्‍चा पुंइसीब।

25 सुइमी अरु कली मीम चोशा, गार सेल्‍तु हना, मेको कली यो मीम चोशा गार सेल्‍चा माल्‍ब। सुइमी अरु कली तुप्‍तु हना, मेको तुप्‍ब यो तुप्‍चा पुंइसीब। सुइमी अरु कली क्‍योरशा गार सेल्‍तु हना, मेको यो क्‍योरशा गार सेल्‍चा पुंइसीब।

26 मिनु होव़प कामी आ वाइलीम वाइल आन मिक्‍चीम तुप्‍तु हना, मेको मिक्‍च बुक्‍त हना, मेको होव़पमी मेको मिक्‍च आ पर्बम मेको कली मोशा प्रोंइचा माल्‍ब।

27 आ वाइलीम वाइल कली तुप्‍शा, आ ख्रुइ जिक्‍ताक्‍व हना, मेको होव़पमी मेको ख्रुइ आ पर्बम मोशा प्रोंइचा माल्‍ब।

28 मिनु ब्‍यफ कामी वोंइश मुर, मीश मुर, सुइ कली ख्रुशा साइक्‍तु हना, मेको ब्‍यफ कली थमा पा फुल्‍लु आप्‍शा साइक्‍चा माल्‍नीनी। आ श्‍ये ब्‍वचा मदुम्‍ब। मेको ब्‍यफ आ होव़प चहिं सजाइ मताइब। उत्‍पत्ती ९:५; गन्‍ती ३५:३३ 29 तन्‍न मेको ब्‍यफ ङोंइती रे ख्रुइ‍ब बाक्‍त हना, मिनु आ होव़पमी तुइश्‍शा यो, आ ब्‍यफ कली रिम्‍शो पा मवोइक्‍तु हना, मेको ब्‍यफोमी वोंइश मुर, मीश मुर, सुइ कली साइक्‍तु हना, मेको ब्‍यफ कली फुल्‍लु आप्‍शा, साइक्‍चा माल्‍ब। मिनु आ होव़प कली यो साइक्‍चा माल्‍ब। 30 मसाइक्‍चा, दे क्‍येट पुंइतेक्‍म हना, दोशो पुन्‍मे मोशो गेचा माल्‍ब। 31 ब्‍यफोमी तमी तौ ख्रुप्‍तु हना, मेको मोदेंशोन पचा माल्‍ब। 32 ब्‍यफोम सुइ आन वाइलीम वाइल आन कली ख्रुप्‍तु हना, मेको ब्‍यफ आ होव़पमी वाइलीम वाइल आन होव़प कली ३० शेकेल चांदी गेचा माल्‍ब। मिनु ब्‍यफ कली चहिं फुल्‍लु आप्‍शा साइक्‍चा माल्‍ब” देनो। शेकेल का ११.५ ग्राम, तोला खोदेंशो बाक्‍ब। ३० शेकेल चांदी ३४५ ग्राम बाक्‍ब।

33 मिनु “सुइमी लाइश्‍शो इनार रोक्‍तु हना, इनार दोप्‍तु हना, मिनु मेको मसुम्‍थु लत हना, नु ब्‍यफ हना यो गधा हना यो बिक्‍त हना, लेवी ७:२४; लेवी १७:१५ 34 मेको इनार आ होव़पमी मेको गारपाइक्‍चा माल्‍ब। मेकोमी बस्‍तु भाव आ होव़प कली क्‍येट गेचा माल्‍ब। मेको बेक्‍शो बस्‍तु चहिं इनार आ होव़प के दुम्‍ब।

35 मिनु मुर का आ ब्‍यफोमी अरु मुर आन ब्‍यफ कली ख्रुशा साइक्‍तु हना, मेको सेस ब्‍यफ कली लेयचा माल्‍ब। मेको ताक्‍शो क्‍येट मेको आस दातेमी योक्‍शा, बेक्‍शो ब्‍यफ यो आस दातेमी योक्‍चा माल्‍नीस। 36 तन्‍न मेको ब्‍यफ ङोंइती रे ख्रुइ‍ब बाक्‍ब, दे तुइश्‍शा यो, आ होव़पमी मेको ब्‍यफ कली रिम्‍शो पा मवोइक्‍तु हना, मेको बेक्‍शो ब्‍यफ कली थमा पा थाप्‍चा माल्‍ब। मिनु बेक्‍शो ब्‍यफ मेको के दुम्‍ब” देनो।

<- प्रस्‍थान 20प्रस्‍थान 22 ->