1 मिनु इस्राएलीपुकी इजीप्त रागी रे ग्रूशा महिना सां नोले सीनै माइश्शो गोरशो रागीमी जाक्तेक्म।
2 ङोंइती रेफीदीम माइश्शो रे लशा, सीनै माइश्शो डांडा आ ङोंइती आन ताम्बु कीतेक्म। मेको डांडा आ ङोंइती बाक्शो बाक्तेक्म।
3 मिनु मोसा परमप्रभु नु लोव़ पचा कली डांडा ङोंइसाक्व। मिनु डांडा रे परमप्रभु यावेमी मोसा कली “इ किकी पिपी याकूब आ खिं ङा मुर, इस्राएली आन कली
4 ‘गो इजीप्त ङा मुर आन कली मार मार पङा, मेको ताइतीनी। ककाकुली आ फ्रां तार कुरशो खोदेंशो पा इन कली आं नेक्था वोइक्तन्नी।
ब्यवस्था ३२:११ 5 गे आं देंशो लोव़ पाइतीनी नु आं कबल पशो टीतीनी हना, गे नेल्ल जात जात ङा मुर आन दातेमी आं योव़शो मुर दुम्नीनी। मारदे हना रागी नेल्ल आं केन बाक्ब।
ब्यवस्था ५:२; ब्यवस्था ७:६ 6 गे आं कली चढ़ेब आन राज्य नु आं योव़शो जात ङा मुर दुम्चा माल्नीनी’ दे मेको लोव़ इस्राएली आन कली देंचा माल्नेवे” दे माइक्तु।
यसैया ६१:६; १ पत्रुस २:९; प्रकाश १:६; लेवी १९:२7 मिनु मोसामी इस्राएल आ थर ङा मुर आन खाल्पा आन कली ब्रेश्शा, परमप्रभु यावेमी देंशो लोव़ मेको आन कली माइक्तीमी। 8 मिनु मुर नेल्ल का दुम्शा “परमप्रभु यावे आ देंशो नेल्ल पाइनीकी” देंतेक्म। मिनु मोसामी मेको मुर आन देंशो लोव़ परमप्रभु यावे कली देंत। प्रस्थान २४:३-८ 9 परमप्रभु यावेमी मोसा कली “लो, गो मारेइ मतांइसीचा ङा गोस्सुमी इ कली ग्रुम्थ जाक्नुङ। मोपा गो मुर आन कली, गे नु लोव़ पशा नेंपाइक्नुङमी। मिनु इ कली गेना हना यो थमा सुइक्नीम” देंत। मोसामी मुर नेल्ल आन देंशो यो परमप्रभु यावे कली देंत। प्रस्थान १६:१०; प्रस्थान ३४:५; भजन संग्रह १८:१२; प्रस्थान १४:३१
10 मिनु परमप्रभु यावेमी मोसा कली “मुलाक्ती नु दीसा इस्राएली आन कली गो नु ग्रुम्पाइक्चा ठीक पावो। आन फेक्शो वा मुरपतो। लेवी ११:४४; यहोसु ३:५; अय्युब १:५ 11 नित्थ नाक्त आं कली ग्रुम्चा कली ठीक दुम्चा माल्नीमी। मारदे हना नित्थ नाक्ती गो सीनै डांडाम मुर नेल्ल आन ङोंइती जाक्नुङ। 12 मिनु गे डांडा आ एर ओंथ थरपु हिरचा माल्नेवे। गेमी मुर आन कली ‘डांडा मङोइक्चा, मथिचा ङा पा थरपु हिरचा माल्नेवे। होस पा बाक्कीन! सुम डांडा आ पुं थीबा, मेको थमा पा साइक्चा पुंइसीब। प्रस्थान ३४:३ 13 मुर आन गुइमी थरपु थिचा मदुम्ब। मेको थरपु थीबा बस्तु भाव बाक्तेक्म हना यो, मुर बाक्तेक्म हना यो, मेको कली फुल्लु आप्शा हना यो ब्रा आप्शा हना यो साइक्चा माल्नीनी’ दे इस्राएली आन कली शेंचा माल्नेवे। तुराही आ ठेयब सेंदा नेंशा नोले ला, मेकोपुकी डांडा ङोइक्चा माल्नीमी” देंत। हिब्रू १२:१८-२०
14 मिनु मोसा डांडा रे मुर आन बाक्तीके तोइश्शा, मेको आन कली परमप्रभु नु ग्रुम्पाइक्चा कली ठीक पाप्तु। मिनु मेकोपुकीमी आन फेक्शो वा मुरतेक्म। 15 मिनु मोसामी वोंइश मुर आन कली “नित्थ नाक्त ठीक दुम्शा बाक्कीने। मीश मुर नु मबाक्कीन” देंत। १सामुएल २१:४-५; १कोरिन्थी ७:५
16 मिनु मेको आ नित्थ नाक्ती डांडा तार बुंबु पा, चिला पा, ठेयब गोस्स का ग्रूत। मिनु तुराही का थम ठेयब सेंदा पा ग्रीत। मेको नेंशा, इस्राएलीपुकी हिंशा, ङोन लशा, बाक्तेक्म।
17 मिनु मोसामी इस्राएली आन कली परमप्रभु कली ग्रुम्थ जाक्कीन, दे आन बाक्तीक रे ग्रुंइताक्व। मेकोपुकी डांडा आ पुंमी राप्शा बाक्शो बाक्तेक्म।
18 मिनु सीनै डांडा कुनै कुन दुम्त। मारदे हना परमप्रभु यावे मेकेर मीम तोंइसाक्व। मेको मार मार चोशो खोदेंशो पा ठेयब कुन ग्रू्त। मिनु डांडामी ठेयब ख्रिनु कुत।
उत्पत्ती १५:१७ 19 तुराही आ सेंदा शुश ठेयब दुम्मेनु, मोसामी परमप्रभु नु लोव़ पाप्तु। मिनु परमप्रभुम बुंबु पशो खोदेंशो पा मोसा कली लोव़ लेत्ताक्व।
प्रस्थान ३३:११; प्रेरित ७:३८ 20 मिनु परमप्रभु यावे सीनै डांडा तारी जाक्त। मिनु परमप्रभु यावेमी मोसा कली “डांडा तार ङोंइसो” दे ब्रेत्त। मिनु मोसा ङोंइसाक्व।
21 मिनु परमप्रभु यावेमी मोसा कली “तोंइसो। मुर आन कली ‘होस पा मेकेर बाक्कीने। परमप्रभु यावे गे मलने’ दे अरेवो। आं कली कोव़थ कुम्तेक्म हना, शुश मुर बेक्नीम।
22 आं कली ग्रुम्थ कुइब चढ़ेबपुकी यो आंम कली चिक्शा ठीक दुम्चा माल्नीम। मो मपाम्तेक्म हना, गो मेको आन कली यो साइक्नुङमी” देंत।
23 मिनु मोसामी परमप्रभु यावे कली “मुरपुकी सीनै डांडा ङोइक्ने मचाप्नीम, मारदे हना गे आं कली ‘एर ओंथ थरपु हिरशा, इन के सेल्चा’ दे अरेतीनी” देंत।
24 मिनु परमप्रभु यावेमी मोसा कली “लावो, हारून कली ङोइक्पतो। तन्न चढ़ेबपुकी नु मुर आन कली चहिं मचाक्को। परमप्रभु यावे आ बाक्तीके कुम्तेक्म हना, गो मेको आन कली साइक्नुङमी” देंत।
प्रस्थान २४:९-११ 25 मिनु मोसा मुर आन बाक्तीके तोइश्शा, मेको लोव़ नेल्ल मुर आन कली माइक्तीमी।
<- प्रस्थान 18प्रस्थान 20 ->
