8 मिनु गेपुकी परमप्रभु यावे आ शिशी तशा, थमा सुइक्तीके पाप रे ब्रोंइतीनी। मेको इन पतीके ममाइ, परमप्रभु यावेमी मोशा गेशो बाक्ब। रोमी ३:२३-२४; गलाती २:१६ 9 मेको मुरुम पशो ममाइ, मोपतीके सुइ ठेयब लेन्ने मचाप्नीम। रोमी ३:२८; १कोरिन्थी १:२९ 10 गोपुकी परमप्रभु यावे रे ख्रीस्त येसु आ पतीकेमी सेल्शो बाक्नय। परमप्रभु यावेमी इं कली रिम्शो गेय वोइश्शो बाक्त। मेको पचा माल्नय। तीतस २:१४
14 मेको इं कली दुशा बाक्चा गेब बाक्ब। मेकोमी इस्राएली नु अर्को रागी ङा थमा सुइक्ब आन कली का सेल्तु। मिनु मेको आन दातेमी बाक्शो दुचा मगेब गारो प्रेश्शा, जितीक खेतीक नेल्ल साम्तु। यसैया ९:५; गलाती ३:२८ 15 दोपा साम्तु देंशा हना, यहूदी आन कली अरेशो, शेंशो, फुल्लुम मुशा ब्रेक्शो लोव़ ङा गेय नेल्ल आ रां साइक्चा गेशा साम्तु। मिनु मेकोमी जात निक्शी के जात का सेल्शा, नक मुर सेल्तु। मोपा दुशा बाक्चा गेप्तु। कलस्सी २:१४
16 येसु ख्रीस्तमी इं कली परमप्रभु यावे नु गारपाइक्चा कली शीम कांटी थोक्चा पुंइसीशा बेक्त। मोपा इस्राएली नु अर्को रागी ङा जिचा खेचा साम्शा, निम्फा आस कली परमप्रभु यावे नु गारपाइक्तु। 17 मिनु येसु ख्रीस्त रागीमी जाक्शा, ङोन बाक्ब इन कली नु परमप्रभु यावे आ नेक्था बाक्ब आन कली परमप्रभु यावे नु दोपा दुशा बाक्चा, मेको शेंताक्व। यसैया ५७:१९ 18 मोपा गोपुकी परमप्रभु यावे आ सोक्तीम पतीके नेल्ल येसु ख्रीस्त रे पा इं आफ परमप्रभु यावे आ नेक्था जाक्दीत्नय। एफिसी ३:१२ 19 मोपतीके गेपुकी मुल रे ङोन बाक्ब अर्को रागी ङा मुर मननी। परमप्रभु यावे आ राज्य ङा, अरु थमा सुइक्बपुकी नु आ खिं ङा मुर बाक्नीनी। एफिसी ३:६; हिब्रू १२:२२-२३ 20 मिनु ख्रीस्त आ सोइश्शो नु साइ ङा परमप्रभु यावे आ लोव़ पाइबपुकी जग खोदेंशो दुम्तेक्म। गेपुकी चहिं मेको तारी सेल्शो खिं खोदेंशो ननी। ख्रीस्त येसु मेको खिं ङा ङोंइती वोइश्शो जग फुल्लु खोदेंशो बाक्ब। मत्ती १६:१८; यसैया २८:१६; १पत्रुस २:४-६मत्ती १६:१८ 21 मेको तारी फुल्लु नेल्ल प्रोव़सीशा, परमप्रभु यावे आ खिं दुम्चा कली बारना बारन लाइब। 22 मिनु गेपुकी यो परमप्रभु यावे आ सोक्तीम पतीके परमप्रभु यावे आ खिं बाक्नीनी।
<- एफिसी 1एफिसी 3 ->