7 मिनु गेपुकीमी एदोमी आन कली ग्रांग्रा मदित्चा। मारदे हना मेकोपुकी इन लोक्ब बाक्नीम। गेपुकीमी इजीप्ती आन कली ग्रांग्रा मदित्चा। मारदे हना गेपुकी मेको आन रागीम बाक्शो बाक्तीनी। 8 मेको आन युइ आन पाला रे परमप्रभु यावे आ ग्रुम्तीकेमी ओव़चा गेने चाप्नीनी।
12 मिनु गेपुकी लडाइ पाइब आन बाक्तीक मेर ङाइक्तीके का सेल्चा माल्ब। 13 गेपुकी इन थोव़क नु दोतीक का यो बाक्चा माल्ब। ङाइक्चा कली लनीनु, पोव़ला दोशा, आगा ङाइश्शा नोले ख्री सुम्शा वोतीन। 14 मारदे हना इन कली प्रोंइचा नु इन जोरी सत्रु आन कली इन कली जिम्मा गेचा कली परमप्रभु यावे, इन परमप्रभु इन लडाइ पाइब आन बाक्तीकेम बाक्ब। मेकोमी इन कली इन जोरी सत्रु रे प्रोंइचा नु मेको आन कली इन गुइम गेब। मोपतीके इन बाक्तीके रिम्शो, आ खोदेंशो दुम्चा माल्ब। मिनु इन दातेमी ग्रांग्रा दित्चा ङा ताप्तु हना, इन बाक्तीक रे गाक्ब। लेवी २६:१२
17 मिनु इस्राएली आन तमी कि तौ मन्दीर ङा तेल्लेम पाइब दुम्चा मदुम्ब। होसे ४:१४; १राजा १४:२४; २राजा २३:७ 18 वोंइश मुर, मीश मुर तेल्लेम पशो क्येट परमप्रभु यावे, इन परमप्रभु आ खिंम कबल खाप्चा कली चाक्चा मदुम्ब। मारदे हना मेको परमप्रभु यावे, इन परमप्रभु कली ग्रांग्रा बाक्ब। प्रकाश २२:१५
19 मिनु गेपुकीमी क्येट, जचा थोव़क नु मारेइ मारेइ जेर गेशो इन आंम लोक्ब रे मेको आ चाइक्ब मताक्चा। प्रस्थान २२:२४; लेवी २५:३६ 20 अर्को रागी ङा मुर आन कली चाइक्ब गेपाइक्ने चाप्नीनी। तन्न इन लोक्ब आन कली जेर गेशा आ चाइक्ब मथाप्पाइक्चा। मिनु मेको टीतीनी हना, परमप्रभु यावे, इन परमप्रभुमी गे लचा चिक्शो इन के सेल्चा चिक्शो रागीमी इन कली आसीक गेब।
21 मिनु गेपुकीमी परमप्रभु यावे, इन परमप्रभु नु कसम जनीनु, मेको खाप्शा, थाप्चा कली मरिम्दीन। मारदे हना परमप्रभु यावे, इन परमप्रभुमी कसम खाप्शो कोव़चा दाक्ब। मो मपाइतीनी हना, गे पाप राइनीनी। गन्ती ३०:३ 22 तन्न गेपुकी कसम मजाइतीनी हना, गे पाप मराइनीनी। 23 गेपुकीमी मार देंनी, मेको खाप्शा, पचा माल्नीनी। मारदे हना गे परमप्रभु यावे, इन परमप्रभु नु आंमान कसम जाइतीनी। 24 मिनु गेपुकी इन लोक्ब आ अङगुर रूमी ओव़तीनी हना, मरूनी सम्म सेक्शा ब्वने चाप्नीनी। तन्न कुरशा लाइक्चा मताइनीनी। मत्ती १२:१ 25 मिनु गेपुकी इन लोक्ब आ बाली मीशो रूमी ओव़तीनी हना, जचा कली बाली सेक्चा ताइनीनी। तन्न रिक्चा चहिं मताइनीनी।
<- ब्यवस्था 22ब्यवस्था 24 ->