1 ﭑ نفَشَكٍرٍنيِيٍ، وٌ تٌ سّرِيّ كٌلٌن، وٌ مُ عَ كٌلٌن عَ سّرِيّ شَ نْي نَ مِشِ قَرِ هَن عَ شَ سِمَيَ دَندٍ فبَنسَن نّ؟ 2 نَ كُي، فِنّ نَشَن شَ قُتِ بَرَ شِرِ، عَ نَ قُتِ سّرِيّ بُن مَ هَن عَ شَ مْرِ شَ سِمَيَ دَن تّمُي نّ. كْنْ شَ عَ شَ مْرِ شَ سِمَيَ دَن، نَ قُتِ سّرِيّ قَن بَرَ دَن. 3 شَ عَ سَ لِ عَ شَ مْرِ نَ دُنِحَ مَ، عَ تَن قَ دْشْ شّمّ فبّتّ شْن، عَ بَرَ قِندِ يّنّلَ رَ. كْنْ شَ عَ شَ مْرِ قَشَ، عَ قَن بَرَ قُلُن نَ قُتِ سّرِيّ مَ. هَلِ عَ دْشْ شّمّ فبّتّ شْن مَ كْرّ، يّنّلَ مُ عَ رَ.

4 ﭑ نفَشَكٍرٍنيِيٍ، عَ نَ نَ كِ نّ وٌ قَن بّ. وٌ قَن بَرَ لُ عَلْ قَشَمِشِيٍ سّرِيّ تَن مَبِرِ، عَلَ شَ مِشِ سُفَندِشِ شَ قَشّ سَابُي رَ. وٌ قَ قِندِشِ فبّتّ نَن فبٍ رَ، عَ تَن نَشَن كٍلِشِ قَشَمِشِيٍ تَفِ، عَلَكٌ وٌن شَ وَلِ قَنيِ رَبَ عَلَ بّ. 5 بَرِ مَ، وٌن تٌ نُ حّرّ مَ وٌن يّتّ وَشْنقٍ كٌبِيٍ مَ، سّرِيّ نُ وٌن بْحّ رَتٍمَ يُنُبِ رَبَقٍ مَ. وٌن تٌ نُ بِرَشِ نَ وَشْنقٍ كٌبِيٍ قْشْ رَ، نٍيٍ نُ وٌن شُن تِشِ قَشّ نَن نَ. 6 كْنْ يَكْسِ قَ، وٌن بَرَ شْرّيَ سْتْ سّرِيّ شَ كٌنيِيَ مَ، وٌن لُ عَلْ قَشَمِشِيٍ سّرِيّ تَن مَبِرِ. نَ كُي، وٌن مُ قَ وَلِمَ عَلَ بّ عَ كّحَ قٌرِ شَ مَ سْنْن، عَلْ وٌن تٌ نُ نَ سّرِيّ سّبّشِ شَ نْي بُن مَ تّمُي نَشّ. وٌن قَ وَلِمَ عَلَ بّ عَ كّحَ نّينّ نَن نَ، عَلَ شَشِلِ سّنِيّنشِ سَابُي رَ.

7 وٌن قَ نَ مَ دِ؟ سّرِيّ قِندِشِ يُنُبِ نَن نَ؟ عَستْقُلَهِ! سّرِيّ نَن عَ نِيَ ﭑ شَ يُنُبِ كٌلٌن، بَرِ مَ ﭑ مُ مِلَنتٍيَ كٌلٌنمَ نُ شَ سّرِيّ شَ مُ عَ قَلَ ﭑ بّ نُ، «عِ نَشَ مِلَ.» 8 كْنْ يُنُبِ نَشَ قّيرّ سْتْ يَامَرِ رَ، عَ مِلَنتٍيَ مْولِ بِرِن نَسٌ ﭑ بْحّ مَ، بَرِ مَ سّرِيّ مُ نَ دّننَشّ، يُنُبِ قَن مُ لُمَ نَا. 9 سِنفٍ رَ ﭑ نُ بَلٌشِ سّرِيّتَرٍيَ نَن كُي، كْنْ سّرِيّ تٌ قَ، يُنُبِ نَشَ بَلٌ ﭑ بْحّ كُي قَ، عَ ﭑ قِندِ قَشَمِشِ رَ. 10 يَامَرِ نَشَن نُ لَن عَ شَ قِندِ كِسِ رَ، نَ نَشَ قِندِ ﭑ بّ قَشّ رَ، 11 بَرِ مَ يُنُبِ تٌ قّيرّ سْتْ يَامَرِ رَ، عَ نَشَ ﭑ مَيٍندٍن، عَ ﭑ قَشَ يَامَرِ سَابُي رَ.

12 نَ كُي، سّرِيّ سّنِيّن، يَامَرِ قَن سّنِيّن، عَ تِنشِن، عَ مَن قَن. 13 وٌن شَ عَ قَلَ قَ، عَ قٍ قَنيِ بَرَ قِندِ قَشّ رَ ﭑ بّ؟ عَستْقُلَهِ! يُنُبِ نَن قِندِشِ قَشّ رَ ﭑ بّ قٍ قَنيِ سَابُي رَ، عَلَكٌ يُنُبِ شَ مَكّنّن يُنُبِ رَ، عَ شَ مِنِ عَ يُنُبِ كِ يَتِ مَ يَامَرِ سَابُي رَ.

14 وٌن عَ كٌلٌن عَ سّرِيّ كٍلِشِ عَلَ نَن مَ، كْنْ ﭑ تَن قِندِشِ عَدَ مَدِ نَن نَ، يُنُبِ شَ كٌنيِ. 15 ﭑ نَشَن نَبَمَ، ﭑ مُ عَ يَ يٌ كٌلٌن، بَرِ مَ ﭑ وَ مَ ﭑ شَ نَشَن نَبَ، ﭑ مُ نَ شَ رَبَمَ. ﭑ قٍ نَشَن شْنشِ، ﭑ نَ نَن يَتِ رَبَمَ. 16 شَ عَ سَ لِ ﭑ قٍ رَبَمَ ﭑ مُ وَ مَ ﭑ شَ نَشَن نَبَ، نَ عَ مَسٍنمَ نّ عَ ﭑ بَرَ لَ عَ رَ عَ سّرِيّ قَن. 17 نَ كُي، ﭑ تَن يّتّ يَتِ شَ مُ يِ قٍ رَبَقٍ. يُنُبِ نَشَن نَ ﭑ بْحّ مَ، نَ نَن عَ رَبَقٍ، 18 بَرِ مَ ﭑ عَ كٌلٌن، عَ قٍ قَنيِ يٌ مُ نَ ﭑ بْحّ مَ ﭑ يّتّ قَتٍ بّندّ تَن كّحَ مَ. نَتّ نَ ﭑ بّ ﭑ شَ قٍ قَنيِ رَبَ، كْنْ نْي مُ نَ ﭑ بّ ﭑ شَ عَ رَبَ. 19 ﭑ وَ مَ قٍ قَنيِ نَشَن نَبَقٍ، ﭑ مُ نَ شَ رَبَمَ. ﭑ مُ وَ مَ قٍ كٌبِ نَشَن نَبَقٍ، ﭑ نَ نَن يَتِ رَبَمَ. 20 نَ كُي، شَ عَ سَ لِ ﭑ قٍ رَبَمَ ﭑ مُ وَ مَ نَشَن نَبَقٍ، ﭑ تَن يّتّ يَتِ شَ مُ عَ رَبَقٍ. يُنُبِ نَشَن نَ ﭑ بْحّ مَ، نَ نَن نَ عَ رَبَقٍ.

21 نَ كُي، ﭑ يِ قٍ نَن تٌشِ ﭑ مَ دُنِحّءِفِرِ كُي؛ ﭑ نَ وَ قٍ قَنيِ رَبَقٍ، ﭑ مُ نْمَ قٍقٍ رَ قٌ قٍ كٌبِ. 22 ﭑ بْحّ تَن كُي، عَلَ شَ سّرِيّ رَقَن ﭑ مَ، 23 كْنْ ﭑ قٍ فبّتّ نَن تٌمَ ﭑ مَ، نَشَن عَ نِيَمَ ﭑ شَ يُنُبِ رَبَ. يِ قٍ نَشَن ﭑ شَنِنمَ يُنُبِ مَ، عَ سّرِيّ فٍرٍ مَ نَشَن نَقَن ﭑ شَشِلِ مَ، عَ ﭑ قِندِ عَ شَ كٌنيِ رَ. 24 ﭑ حَشَنكَتَشِ مَتٌ! ندٍ نْمَ ﭑ نَكِسِدٍ يِ قَتٍ بّندّ شَ نْي مَ نَشَن نَ ﭑ شَنِنقٍ قَشّ مَ؟ 25 تَنتُي شَ رَ سِفَ عَلَ مَ نَشَن وٌن نَكِسِمَ وٌن مَرِفِ عِسَ سَابُي رَ، عَ شَ مِشِ سُفَندِشِ!

نَ كُي، ﭑ شَشِلِ تَن مَ، ﭑ بَرَ قِندِ عَلَ شَ سّرِيّ شَ كٌنيِ رَ، كْنْ ﭑ قَتٍ بّندّ تَن مَ، ﭑ قِندِشِ سّرِيّ شَ كٌنيِ نَن نَ نَشَن ﭑ نَتُتُنمَ يُنُبِ مَ.

<- رْ مَ 6رْ مَ 8 ->