1 ﭑ بَرَ وَ وٌن نفَشَكٍرٍنيِ فِنّمَ قٌوٍبٍ مَسٍنقٍ وٌ بّ، نَشَن دَنشَنِيَتْي حَمَ مَلِمَ سٍنشٍرٍيَ تَا كُي. 2 وٌ شَ عَ رَ سّنّ عِسَيَنكَ كِ مَ، عَلْ عَ لَنمَ سّنِيّنتْييٍ شَ عَ رَبَ كِ نَشّ. شَ عَ هَيِ نَ سٍ ندٍ مَ، وٌ شَ عَ مَلِ، بَرِ مَ عَ قَن بَرَ ﭑ تَن نُن مِشِ فبٍفبٍ مَلِ.

3 وٌ شَ ثِرِ سِلَ نُن عَكِلَ شّيبُ ﭑ بّ، ﭑ وَلِبٌورٍيٍ عَلَ شَ مِشِ سُفَندِشِ عِسَ شَ قٍ كُي. 4 عٍ قٍ بِرِن نَبَ نّ عٍ شَ ﭑ نِي رَتَنفَ بٍينُن عٍ شَ عٍ يّتّ رَتَنفَ. بَقٍ ﭑ تَن نَ، سِ فبّتّيٍ دَنشَنِيَتْي حَمَيٍ بِرِن عٍ تَنتُمَ نَ قٍ مَ. 5 وٌ مَن شَ دَنشَنِيَتْي حَمَ شّيبُ نَشَن عٍ مَلَنمَ عٍ شْنيِ.

وٌ شَ ﭑ شَنُنتٍنيِ عٍثٍنٍتٌ شّيبُ ﭑ بّ. عَ تَن نَن سِنفٍ دَنشَنِيَ عَلَ شَ مِشِ سُفَندِشِ مَ عَسِ بْشِ مَ. 6 وٌ شَ مَرِيَمَ شّيبُ ﭑ بّ، نَشَن بَرَ وَلِ وٌ يَ مَ كِ قَنيِ. 7 وٌ شَ ﭑ بٌورٍ يُوِقِيٍ عَندِرٌنِكُ نُن يُنِيَ شّيبُ، مُشُ نُن نَشٍيٍ بَرَ سَ فٍيلِ. عَلَ شَ شّيرَيٍ نَن عٍ رَ، نَشٍيٍ بَرَ كٌلٌن عَ قَنيِ رَ، نَشٍيٍ سِنفٍ دَنشَنِيَ ﭑ بّ عَلَ شَ مِشِ سُفَندِشِ مَ. 8 وٌ شَ عَنثِلِيَتُ شّيبُ ﭑ بّ، ﭑ شَنُنتٍنيِ مَرِفِ قْشْ رَ. 9 وٌ شَ مُشُ وَلِبٌورٍ عُرُبَنٌ نُن ﭑ شَنُنتٍنيِ سِتَشُسِ شّيبُ. 10 وٌ شَ عَثّلّسِ شّيبُ، نَشَن بَرَ عَ شَ دَنشَنِيَ مَسٍن عَلَ شَ مِشِ سُفَندِشِ مَ. وٌ شَ عَرِ سِتٌبُلٌ شَ مِشِيٍ شّيبُ ﭑ بّ. 11 وٌ شَ ﭑ بٌورٍ يُوِقِ هٍرٌدِيٌن شّيبُ ﭑ بّ. وٌ شَ نَرِ سِسٌ شَ مِشِيٍ شّيبُ ﭑ بّ، نَشٍيٍ دَنشَنِيَشِ مَرِفِ مَ.

12 وٌ شَ تِرِقٍنَ نُن تِرِقٌسَ شّيبُ ﭑ بّ. فِنّيٍ نَشٍيٍ عٍ رَ، عٍ وَلِمَ مَرِفِ بّ. وٌ شَ ﭑ شَنُنتٍنيِ ثٍرٍ سِدِ شّيبُ. عَ قَن بَرَ وَلِ مَرِفِ بّ كِ قَنيِ. 13 وٌ رُقُ شّيبُ، نَشَن سُفَندِشِ مَرِفِ شَ قٍ كُي. وٌ عَ نفَ قَن شّيبُ ﭑ بّ، نَشَن بَرَ لُ ﭑ بّ عَلْ ﭑ قَن نفَ. 14 وٌ شَ عَسِنكِرِتٌ، قٍلٍفٌن، هٍرٍ مّسِ، ثَتِرٌبَ، نُن هٍرٍ مَسِ شّيبُ ﭑ بّ، عَ نُن نفَشَكٍرٍنيِيٍ بِرِن نَشٍيٍ نَ عٍ شْنيِ. 15 وٌ شَ قِلٌلٌفٌ، يُلِ، نٍرٍوُ نُن عَ مَافِنّ شّيبُ، عَ نُن عٌلِمِثَ نُن سّنِيّنتْي بِرِن نَشٍيٍ نَ عٍ شْنيِ. 16 وٌ شَ وٌ بٌرٍ شّيبُ سُنبُي سّنِيّنشِ رَ. عَلَ شَ مِشِ سُفَندِشِ شَ دَنشَنِيَتْي حَمَيٍ بِرِن وٌ شّيبُ.

17 ﭑ نفَشَكٍرٍنيِيٍ، ﭑ شَ وٌ رَ سِ، وٌ شَ وٌ يّتّ رَتَنفَ مِشِيٍ مَ، نَشٍيٍ لَنيِ كَنَمَ وٌ تَفِ، عٍ نُ قَ مِشِ رَتَنتَن شَرَنيِ مَ وٌ بَرَ نَشَن سْتْ. وٌ شَ وٌ مَكُيَ عٍ رَ. 18 نَ مِشِ مْولِيٍ مُ وَلِمَ وٌن مَرِفِ عَلَ شَ مِشِ سُفَندِشِ شَ بّ. عٍ بِرَ مَ عٍ يّتّ قُرِ نَن قْشْ رَ، عٍ نُ قَ لْننِتَرٍيٍ مَدَشُ وْيّن حْشُنمّيٍ نُن مَتْشْي رَ. 19 مِشِ بِرِن عَ كٌلٌن عَ وٌ عَلَ شُي رَبَتُمَ. ﭑ حّلّشِنشِ وٌ رَ، كْنْ عَ شْلِ ﭑ مَ وٌ شَ قَهَامُي سْتْ قٍ قَنيِ مَ، وٌ نَشَ وٌ مَنْشْ قٍ كٌبِ رَ. 20 عَلَ، عَ تَن نَشَن بْحّسَ قِمَ، عَ فبٍ مُ لُشِ عَ شَ سٍنتَنّ عِبُتُشُن وٌ سَنيِ بُن. وٌن مَرِفِ عِسَ شَ هِننّ وٌ رَ.

21 ﭑ وَلِبٌورٍ تِمٌتٍ وٌ شّيبُ، عَ نُن لُسُسِ، يَسٌن، نُن سٌسِثَتٍرِ، ﭑ بٌورٍ يُوِقِيٍ. 22 ﭑ تَن تٍرِتِيٌ نَشَن بَرَ يِ بَتَاشّ سّبّ، ﭑ قَن بَرَ وٌ شّيبُ مَرِفِ شِلِ رَ. 23‏-24 فَيُ قَن وٌ شّيبُ، نَشَن قِندِشِ ﭑ تَن نُن دَنشَنِيَتْي حَمَ بِرِن يَتِفِ رَ. عٍرَ سِتٌ، نَشَن قِندِشِ تَا نَاقُلِ رَفَتَمَ رَ، عَ قَن وٌ شّيبُ، عَ نُن وٌن نفَشَكٍرٍنيِ كَرَتُسِ.

25 مَتْشْي نَ عَلَ بّ، نَشَن نْمَ وٌ سّنبّ سٌدٍ دَنشَنِيَ كُي، عَلْ ﭑ مَرِفِ عِسَ شَ شِبَارُ قَنيِ نَشَن كَوَندِ مَ عَ مَسٍنشِ كِ نَشّ. نَ شِبَارُ قَنيِ فُندٌ قٍ نَن مَسٍنمَ نَشَن نُ رَفَتَشِ كَبِ تّمُي شْننَكُيٍ، 26 كْنْ نَشَن بَرَ قَ مَكّنّن عَلَكٌ سِ بِرِن شَ عَ كٌلٌن نَمِحْنمّيٍ شَ سّبّلِيٍ سَابُي رَ، عَلَ نَشٍيٍ يَمَرِشِ. نَ كُي، بِرِن شَ دَنشَنِيَ عَلَ مَ، عَلَ نَشَن نَ نَ، عٍ عَ شُي رَبَتُ. 27 عَلَ، عَ تَن كٍرٍن نَشَن قٍ بِرِن كٌلٌن، مَتْشْي نَ عَ بّ عَ شَ مِشِ سُفَندِشِ عِسَ سَابُي رَ عَبَدَن. عَمِنَ!

<- رْ مَ 15