1 نَ مَلٍكّ نَشَ كِسِ شُرٍ مَسٍن ﭑ بّ. عَ نُ تِنسٍ عَلْ دِيَمَن، عَ نُ مِنِمَ عَلَ نُن يّشّييْرّ شَ كِبَنيِ نَن كُي، 2 عَ قَ قِندِ شُرٍ رَ تَا تَفِ. كِسِ سَنسِيٍ نُ تِشِ عَ دّ قِرِن نَ، عٍ نُ بٌفِ كِكٍ يٌ كِكٍ، سَنمَيَ قُ نُن قِرِن حّ كُي. عٍ بُرّشّ قِندِشِ سٍرِ نَن نَ حَمَنّيٍ بّ. 3 دَنكّ يٌ مُ نَ سْنْن. عَلَ نُن يّشّييْرّ شَ كِبَنيِ نَ تَا كُي. عَلَ شَ كٌنيِيٍ عَ شُي رَبَتُمَ، 4 عٍ عَ يَتَفِ تٌ، عَ شِلِ سّبّشِ عٍ تِفِ مَ. 5 كْي مُ سٌمَ نَا، عٍ هَيِ مُ نَ لَنثُي نُن سٌفٍ نَءِيَلَنيِ مَ سْنْن، بَرِ مَ مَرِفِ عَلَ نَن قِندِشِ عٍ شَ نَءِيَلَنيِ رَ. عَلَ شَ كٌنيِيٍ يَامَرِ تِمَ نّ نَا عَبَدَن.

6 مَلٍكّ نَشَ عَ قَلَ ﭑ بّ، «يِ مَسٍنيِ نْندِ نَن عَ رَ، عَ مُ كَنَمَ. مَرِفِ عَلَ، نَشَن نَمِحْنمّ شَشِلِ رَحّرّ مَ، عَ نَشَ عَ شَ مَلٍكّ شّي عَلَكٌ عَ شَ عَ مَسٍن عَ شَ كٌنيِيٍ بّ نَشَن قَمَ رَبَدٍ وَشَتِ مَكْرّشِ رَ.»

7 عِسَ نَشَ عَ مَسٍن، «عِ شَ عَ كٌلٌن، عَ فبٍ مُ لُشِ ﭑ شَ قَ. حّلّشِنيِ نَ مِشِ بّ نَشَن يِ مَسٍنيِ رَبَتُمَ، نَشَن سّبّشِ يِ كِتَابُي كُي عَلَ شِلِ رَ.»

8 ﭑ تَن يَيَ، ﭑ بَرَ نَ قٍ بِرِن مّ، ﭑ بَرَ نَ قٍ بِرِن تٌ. ﭑ تٌ نَ مّ، ﭑ تٌ نَ تٌ، ﭑ نَشَ بِرَ نَ مَلٍكّ بُن مَ نَشَن نُ بَرَ نَ قٍيٍ مَسٍن ﭑ بّ، عَلَكٌ ﭑ شَ عَ بَتُ. 9 كْنْ عَ نَشَ عَ قَلَ ﭑ بّ، «عَدٍ، عِ نَشَ نَ رَبَ. ﭑ قَن قِندِشِ عَلَ شَ كٌنيِ نَن نَ عَلْ عِ تَن نُن عِ نفَشَكٍرٍنيِ نَشٍيٍ قِندِشِ نَمِحْنمّيٍ رَ، عَ نُن مِشِ نَشٍيٍ يِ كِتَابُي شَ مَسٍنيِ رَبَتُمَ. عِ شَ عَلَ بَتُ.»

10 نَ دَنفِ شَنبِ نَ مَلٍكّ نَشَ عَ قَلَ ﭑ بّ، «عِ نَشَ يِ مَسٍنيِ بَلَن تْنشُمَ رَ سِندٍن، نَشَن سّبّشِ يِ كِتَابُي كُي عَلَ شِلِ رَ، بَرِ مَ وَشَتِ بَرَ مَكْرّ. 11 تِنشِنتَرٍ شَ لُ تِنشِنتَرٍيَ كُي، سّنِيّنتَرٍ شَ لُ سّنِيّنتَرٍحَ كُي، تِنشِنتْي شَ لُ تِنشِنيِ كُي، سّنِيّنتْي شَ لُ سّنِيّنيِ كُي.»

12 عِسَ نَشَ عَ مَسٍن، «عِ شَ عَ كٌلٌن، عَ فبٍ مُ لُشِ ﭑ شَ قَ، ﭑ مَن قَمَ نّ مِشِ بِرِن شَ كّوَلِ سَرٍ رَ. 13 ﭑ تَن نَن قِندِشِ قٍ سِنفٍ نُن قٍ دْنشْي رَ، عَ قْلّ نُن عَ رَحْنيِ رَ. 14 حّلّشِنيِ نَ مِشِ بّ نَشٍيٍ عٍ يّتّ سّنِيّنمَ، عَلَكٌ عٍ شَ كِسِ سَنسِ بٌفِ دٌن، عٍ مَن شَ نْ سٌدٍ نَ تَا كُي نَادّ رَ. 15 قٍ حَاشِ رَبَيٍ نَ تَا قَرِ مَ، مَندُرُلَيٍ، يّنّلَيٍ، قَشّتِيٍ، كُيٍ بَتُييٍ، نُن وُلٍ قَلّ بِرِن وُلٍ رَقَن نَشٍيٍ مَ. 16 ﭑ تَن عِسَ، ﭑ بَرَ ﭑ مَ مَلٍكّ شّي سٍيدٍحْشْيَ رَ دَنشَنِيَتْي حَمَيٍ مَ. ﭑ تَن قِندِشِ دَوُدَ بْنسْي سَنكٍ نَن نَ، ﭑ تَن قِندِشِ دَوُدَ بْنسْي نَن نَ. ﭑ لُمَ نّ عَلْ سُبَشّ لٌولٌي.»

17 عَلَ شَشِلِ سّنِيّنشِ نُن فِنّ نَشَن شَ قُتِ شِرِ مَ، عٍ بِرِن عَ قَلَمَ، «قَ.» نَشَن نَ عَ مّ، نَ قَن شَ عَ قَلَ، «قَ! يٍ شْلِ نَ نَشَن مَ، عَ شَ قَ. نَشَن وَ مَ عَ مِنقٍ، عَ شَ كِسِ يٍ تٌنفٌ، عَ شَ عَ مِن، عَ مُ سَرَ مَ!»

18 ﭑ تَن يَيَ بَرَ قِندِ سٍيدٍ رَ مِشِ بِرِن بّ نَشٍيٍ بَرَ يِ مَسٍنيِ مّ نَشَن سّبّشِ يِ كِتَابُي كُي عَلَ شِلِ رَ. شَ عَ سَ لِ مِشِ ندٍ قَمَ قٍ فبّتّ ندٍ سَدٍ يِ مَسٍنيِ قَرِ، عَلَ نَن قَمَ تْورّ سَدٍ نَ كَنيِ مَ، عَلْ تْورّ نَشَن مَ قٍ سّبّشِ يِ كِتَابُي كُي. 19 شَ عَ سَ لِ مِشِ ندٍ نَشَ وْيّنيِ ندٍ بَ يِ نَمِحْنمّ شَ مَسٍنيِ رَ نَشَن سّبّشِ يِ كِتَابُي كُي، عَلَ نَن قَمَ كِسِ سَنسِ كّ بَدٍ عَ يِ رَ، عَ قَ لُ تَا سّنِيّنشِ قَرِ مَ، عَلْ عَ سّبّشِ يِ كِتَابُي كُي كِ نَشّ. 20 يِ سٍيدٍ نَشَن سٍيدٍحْشْيَ بَشِ، عَ شَ مَسٍنيِ نَن يَ، عَ نَشّ، «عِيٌ، عَ فبٍ مُ لُشِ ﭑ شَ قَ.» عَمِنَ. مَرِفِ عِسَ، عِ شَ قَ!

21 مَرِفِ عِسَ شَ هِننّ بِرِن نَ.

<- وَشَيِ 21