3 نَ مَلٍكّ نَشَ لَامَتُنيِ ندٍ مَسٍن ﭑ بّ. ﭑ نَشَ فِنّ ندٍ تٌ فبٍنفبٍرٍنيِ مَ، عَ دْشْشِ سُبٍ فبٍيلِ قَرِ، مَرَ سْتْ شِلِيٍ نُ سّبّشِ نَشَن مَ. شُنيِ سٌلٌقٍرٍ نُ نَ عَ مَ، قٍرِ قُ تِشِ عَ شُن مَ. 4 نَ فِنّ نُ مَشِرِشِ دٌنمَ فبٍيلِ تٌقَنيِ نَن نَ، كْنمَفٌرٍ، بّلّشّرَ سٌي، نُن شُرُندّ تٌقَنيِيٍ نُ نَ عَ يِ رَ نَشٍيٍ يَءِلَنشِ شّيمَ نُن فّمّ تٌقَنيِيٍ رَ. ثْوتِ شّيمَ دَاشِ سُشُشِ عَ يِ رَ، قٍ شْنشِ سّنِيّنتَرٍيٍ نُ نَ عَ كُي، نَشٍيٍ مِسَالِشِ عَ شَ وَلِ حَاشِ رَ. 5 شِلِ ندٍ سّبّشِ عَ تِفِ مَ فُندٌ دَاشِ؛ «بَبِلْن شُنفبٍ، يّنّلَيٍ نُن قٍ حَاشِيٍ نفَ.» 6 ﭑ نَشَ نَ فِنّ تٌ، عَ سِيسِشِ سّنِيّنتْييٍ وُلِ رَ، نَشٍيٍ نُ قِندِشِ عِسَ شَ سٍيدٍيٍ رَ. ﭑ تٌ عَ تٌ، ﭑ دّ نَشَ عِشَرَ كِ قَنيِ.
7 نَ مَلٍكّ نَشَ عَ قَلَ ﭑ بّ، «مُنقٍ رَ عِ دّ عِشَرَشِ؟ ﭑ قَمَ نّ يِ فُندٌ تَفِ رَبَدٍ عِ بّ، يِ فِنّ شَ قٍ رَ نُن يِ سُبٍ شُنيِ سٌلٌقٍرٍ نُن قٍرِ قُ كَنيِ شَ قٍ رَ عَ دْشْشِ نَشَن قَرِ. 8 عِ سُبٍ نَشَن تٌ، عَ نُ نَ نَ، كْنْ عَ مُ نَ يَكْسِ. عَ قَمَ نّ تٍدٍ يِلِ تِلِنشِ كُي، عَ قَ بْنْ. عَدَ مَدِ نَشٍيٍ شِلِ مُ سّبّشِ كِسِ بُكِ كُي، كَبِ دُنِحَ قْلّ، عٍ كَابَمَ نّ يِ سُبٍ شَ قٍ رَ، بَرِ مَ سِنفٍ عَ نُ نَ، يَكْسِ عَ مُ نَ، كْنْ تّمُي نَشَن سَ قَمَ، عَ مَن مِنِمَ نّ.»
9 شَشِلِمَ نْمَ يِ قَهَامُدٍ؛ نَ شُنيِ سٌلٌقٍرٍ مِسَالِشِ فٍيَ سٌلٌقٍرٍ نَن نَ، فِنّ دْشْشِ نَشٍيٍ قَرِ. 10 نٍيٍ مَن مِسَالِشِ مَنفّ سٌلٌقٍرٍ نَن نَ. سُولِ بَرَ بِرَ، كٍرٍن نَ نَ، بٌورٍ مُ نُ قَ سِندٍن. عَ نَ قَ، عَ بُمَ نّ دٌندٌرٌنتِ. 11 سُبٍ نَشَن نُ نَ نَ، كْنْ عَ مُ نَ يَكْسِ، نَ مِسَالِشِ مَنفّ سٌلٌمَسَشَن ندٍ نَن نَ. عَ قَن نَ نَ نَ مَنفّ سٌلٌقٍرٍ نَن يَ مَ نَشَن قَمَ بْنْدٍ.
12 نَ قٍرِ قُ عِ نَشٍيٍ تٌشِ، نٍيٍ قَن مِسَالِشِ مَنفّ قُ نَن نَ، نَشٍيٍ مُ نُ مَنفّيَ سْتْ سِندٍن. عٍ تَن نُن نَ سُبٍ، عٍ قَمَ مَنفّ نْي نَن سْتْدٍ وَشَتِ كٍرٍن بُن مَ. 13 عٍ وَشْنقٍ بِرِن لَن. عٍ عٍ شَ سّنبّ نُن عٍ شَ مَنفّيَ رَفبِلٍنمَ نّ نَ سُبٍ مَ. 14 عٍ يّشّييْرّ فٍرٍ مَ نّ، كْنْ يّشّييْرّ نَن فٍينِمَ، بَرِ مَ عَ تَن نَن قِندِشِ مَرِفِيٍ مَرِفِ رَ، مَنفّيٍ شَ مَنفّ. عَ شَ مِشِ سُفَندِشِيٍ، عَ شَ دَنشَنِيَتْييٍ نَ عَ سّيتِ مَ. 15 عَ نَشَ عَ قَلَ ﭑ بّ، «نَ شُرٍيٍ عِ نَشٍيٍ تٌشِ، نَ لَنفٌي فِنّ دْشْشِ شُرٍ نَشٍيٍ دّ رَ، عٍ مِسَالِشِ حَمَنّيٍ، بْنسْييٍ، سِيٍ، نُن شُييٍ نَن نَ. 16 نَ قٍرِ قُ نُن نَ سُبٍ، عِ نَشٍيٍ تٌشِ، عٍ نَ لَنفٌي فِنّ شْنمَ نّ. عٍ قَمَ نّ سٍ بِرِن بَدٍ عَ يِ رَ، عٍ قَ عَ تِ عَ مَفٍلِ رَ، عٍ عَ سُبٍ دٌن، عٍ عَ دْنشْي وٌلِ تّ شْورَ، 17 بَرِ مَ عَلَ نَن عَ رَفِرِشِ عٍ شَ عَ وَشْنقٍ رَبَ. عٍ شَ عٍ شَ مَنفّيَ رَفبِلٍن نَ سُبٍ مَ، هَن عَلَ شَ مَسٍنيِ كَمَلِمَ تّمُي نَشّ. 18 نَ فِنّ عِ نَشَن تٌشِ، عَ مِسَالِشِ دُنِحَ مَنفّيٍ شَ مَنفَتَا شُنفبٍ نَن نَ.»
<- وَشَيِ 16وَشَيِ 18 ->