3 مَلٍكّ قِرِن ندٍ نَشَ عَ شَ تْنبِلِ عِقِلِ بَا مَ. بَا نَشَ لُ عَلْ مِشِ قَشَشِ وُلِ. نِمَسٍ بِرِن نَشَ قَشَ، نَشٍيٍ نُ نَ بَا مَ.
4 مَلٍكّ سَشَن ندٍ نَشَ عَ شَ تْنبِلِ عِقِلِ شُرٍيٍ نُن دُلٌنيِيٍ مَ. عٍ قَن نَشَ قِندِ وُلِ رَ. 5 ﭑ نَشَ مَلٍكّ شُي مّ، نَشَن نُ يٍ يَمَرِ مَ. عَ نَشَ عَ قَلَ، «عِ تَن نَشَن نَ تٌ، عِ تَن نَشَن نَ شٌرٌ، عِ تَن نَشَن سّنِيّن، عِ بَرَ كِيتِ تِنشِنشِ سَ، 6 بَرِ مَ عٍ نُ بَرَ سّنِيّنتْييٍ نُن نَمِحْنمّيٍ وُلِ رَ مِنِ. عِ قَن بَرَ وُلِ سٌ عٍ يِ رَ، عٍ نَشَن مِنمَ. عَ لَنشِ نَ كِ نّ.» 7 ﭑ نَشَ سّرّشّبَدٍ قَن شُي مّ. عَ نَشَ عَ قَلَ، «عِيٌ، عَلَ سّنبّ كَنيِ، عِ شَ كِيتِ بِرِن تِنشِن، عٍ قِندِشِ نْندِ نَن نَ.»
8 مَلٍكّ نَانِ ندٍ نَشَ عَ شَ تْنبِلِ عِقِلِ سٌفٍ مَ. سٌفٍ نَشَ يَامَرِ سْتْ عَ شَ عَدَ مَدِيٍ فَن عَ تّ رَ. 9 وُيٍنيِ حَاشِ نَشَ مِشِيٍ فَن. عٍ نَشَ عَلَ شِلِ رَ سْتْ، نَشَن نَ تْورّ بِرِن نَسَنبَشِ. عٍ مُ تُوبِ، عٍ تٌندِ عَلَ مَتْشْدٍ.
10 مَلٍكّ سُولِ ندٍ نَشَ عَ شَ تْنبِلِ عِقِلِ نَ سُبٍ شَ كِبَنيِ مَ. عَ شَ مَنفّيَ نَشَ لُ دِ مِ كُي، مِشِيٍ نَشَ عٍ نّنيِيٍ شِن حَشَنكَتّ مَ، 11 عٍ قَ عَلَ شِلِ رَ سْتْ، نَشَن نَ كٌورٍ مَ، عٍ شَ تْورّ نُن عٍ شَ قِيٍ شَ قٍ رَ. عٍ تٌندِ فبِلٍندٍ عٍ شَ وَلِ كٌبِيٍ قْشْ رَ.
12 مَلٍكّ سٍننِ ندٍ نَشَ عَ شَ تْنبِلِ عِقِلِ عٍقِرَتِ شُرٍ شُنفبٍ مَ. نَ شُرٍ نَشَ شَرَ، عَلَكٌ عَ شَ قِندِ كِرَ رَ مَنفّيٍ بّ، نَشٍيٍ قَمَ كٍلِقٍ سٌفٍتٍدٍ. 13 ﭑ نَشَ حِننّ سّنِيّنتَرٍ سَشَن تٌ مِنِ رَ نَ سُبٍ مَفَاشُشِ دّ كُي، نَ سُبٍ بٌورٍ دّ كُي، عَ نُن نَ نَمِحْنمّ وُلٍ قَلّ دّ كُي. نَ حِننّيٍ نُ مَنِيَشِ شُوحّيٍ نَن نَ. 14 سٍنتَنّ شَ حِننّيٍ نَن نُ عٍ رَ، نَشٍيٍ تْنشُمَيٍ رَبَمَ، عٍ مَن سِفَمَ دُنِحَ مَنفّيٍ مَشِلِدٍ، عَلَكٌ عٍ شَ عٍ مَلَن، عٍ شَ فٍرٍ سٌ عَلَ سّنبّ كَنيِ شَ لْشْي شُنفبٍ مَ. 15 «وٌ بَرَ عَ تٌ، ﭑ قَمَ تّرّننَ نَن نَ، عَلْ مُحّتِ عَ فبٍ وَلِ رَبَمَ كِ نَشّ. سّيوّ نَ مِشِ بّ نَشَن مُ شِمَ، نَشَن مُ عَ شَ دُفِ بَمَ. نَ كَنيِ نَشَ لُ عَ مَفٍلِ رَ، عَلَكٌ عَ نَشَ يَافِ.» 16 حِننّيٍ نَشَ دُنِحَ مَنفّيٍ مَلَن يِرٍ ندٍ نَشَن شِلِ قَلَمَ عٍبُرُ شُي رَ «عَرَ مَفٍدٌن.»
17 مَلٍكّ سٌلٌقٍرٍ ندٍ نَشَ عَ شَ تْنبِلِ عِقِلِ كُيٍ مَ. شُي شُنفبٍ ندٍ نَشَ مِنِ هْرْ مْلِنفِرَ كُي عَلَ شَ كِبَنيِ مَبِرِ، عَ عَ مَسٍن، «عَ بَرَ حْن.» 18 فَلَنيِ نَشَ بُلَ، شُييٍ نَشَ مِنِ، سٍيَمَكْنيِيٍ نَشَ مِنِ، بْشِ نَشَ سّرّن، نَشَن مَنِيّ مُ نُ رَبَ سِندٍن كَقِ دُنِحَ قْلّ. 19 نَ تَا شُنفبٍ نَشَ كَنَ عَلْ سٍ نَشَن فِرَشِ دْشْ سَشَن. دُنِحَ تَايٍ بِرِن نَشَ بِرَ. عَلَ نَشَ رَتُ بَبِلْن تَا فبٍ مَ، عَ وّنِ تْنبِلِ قِ عَ مَ عَ شَ عَلَ شَ شْنّ مَنكَنّ مِن. 20 سُرِيٍ نُن فٍيَيٍ نَشَ لْي. 21 بَلَبَلَنيِ بٍلٍبٍلٍيٍ نَشَ كٍلِ كٌورٍ مَ، عٍ بِرَ مِشِيٍ مَ. عَ شْرِ كٍرٍن بِنيَ كِلٌ تٌنفٌ سَشَن نُن نَانِ حْندْن. مِشِيٍ نَشَ عَلَ شِلِ رَ سْتْ نَ بَلَبَلَنيِ شَ قٍ رَ، بَرِ مَ نَ تْورّ نُ فبٌ عَ فبٍ رَ.
<- وَشَيِ 15وَشَيِ 17 ->